ឧត្តរមានជ័យ ៖ ផ្លវជាតិលេខ៦៧បេ មួយខ្សែនេះ ជាផ្លូវខ្នាតលំដាប់អន្តរជាតិដែលបានតភ្ជាប់ពីប្រទេសថៃ ឆ្លងកាត់ខ្លងភ្នំដងរ៉ែក មកប្រទេសកម្ពុជា និងឆ្ពោះទៅតាមបណ្តាខេត្តផ្សេងៗដូចជា ខេត្តព្រះវិហារ ខេត្តន្ទាយមានជ័យ…
ឧត្តរមានជ័យ ៖ ផ្លវជាតិលេខ៦៧បេ មួយខ្សែនេះ ជាផ្លូវខ្នាតលំដាប់អន្តរជាតិដែលបានតភ្ជាប់ពីប្រទេសថៃ ឆ្លងកាត់ខ្លងភ្នំដងរ៉ែក មកប្រទេសកម្ពុជា និងឆ្ពោះទៅតាមបណ្តាខេត្តផ្សេងៗដូចជា ខេត្តព្រះវិហារ ខេត្តន្ទាយមានជ័យ និងខេត្តសៀមរាបផងដែរ ។
ភ្ញៀវជាតិ និងភ្ញៀវអន្តរជាតិដែលធ្វើដំណើរមានការរិះគន់ថា កើតមានគំនរសំរាមរប៉ាតរប៉ាយដែលបានបង្កធ្វើឱ្យផលប៉ះពាល់ផ្នែកបរិស្ថាន និងមុខមាត់ប្រទេសជាតិផងដែរ មិនគួរក្រុមអាជ្ញាធរមូលរដ្ឋានស្រុក និងមន្ត្រីជំនាញទុក្ខបណ្តែតបណ្តោយបែបនេះ។ហេតុការណ៍នេះកើតឡើង ដោយគិតត្រឹមថ្ងៃទី៣១ ខែកក្កដាឆ្នាំ២០២២ នៅចំណុចចង្កេះភ្នំដងរ៉ែក រូបចម្លាក់យោធាខ្មែរក្រហមរបស់តាម៉ុក ក្នុងភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។
ប្រជាពលរដ្ឋដែលមានទីលំនៅក្នុងភូមិជាំ ឃុំត្រពាំងប្រីយ៍បានរៀបរាប់ថា គេតែងតែបានសង្កេតឃើញមានក្រុមអ្នកបើកបររថយន្តដឹកទំនិញចេញពីច្រកទ្វាអន្តរជាតិជាំចុះពីលើកំពូលភ្នំដងរ៉ែកឈប់ស្នាក់នៅចង្កេះភ្នំចតហូបបាយពីព្រោះនៅទីកន្លែងនោះមានប្រឡាយទឹកហូរ នៅពេលហូបបាយរួចដោយមិនបានប្រមូលកាក់សំណល់យកទៅចោលទីកន្លែងដែលត្រូវទុក្ខដាក់សំរាមនោះទេ ពួកគាត់ក៏បានអំពាវនាវដល់លោកអាជ្ញាធរ រួមទាំងមន្ត្រីជំនាញជួយមើលថែទាំ និងមានវិធានការផង ។
លោកចាប ប៊ុនធឿន មេឃុំត្រពាំងប្រីយ៍បានឱ្យដឹងនៅព្រឹកថ្ងៃទី១ ខែសីហា ឆ្នាំ២០២២នេះ ក្រោយពីទទួលនូវព័ត៌មាននេះលោក និងឱ្យមន្ត្រីឃុំកំលាំងប៉ុស្គិ៍រដ្ឋបាលឃុំត្រពាំងប្រីយ៍មានវិធានការទៅលើគំនរសំរាម ហើយក៏តាមដាននូវជនខិលខូចដែលបង្កប៉ះពាល់ដល់បរិស្ថាន ។
ទាក់ទិនព័តមាននេះ លោកហោ ជិនវិរៈយុទ្ធ អភិបាលស្រុកអន្លង់វែងបានឱ្យដឹងតាមរយៈលេខទូស័ព្ទនៅរសៀលថ្ងៃទី១ ខែសីហានេះថា រឿងរ៉ាវបញ្ហាគំនរសំរាមដែលស្ថិតនៅចំណុចខាងលើ កន្លងមកលោកតែងតែបានដាក់បទបញ្ជាដល់កម្លាំងសមត្ថកិច្ច រួមតាំងមន្ត្រីបរិស្ថានឱ្យធ្វើការអបរំលើកទី១ ឬលើកទី២សិន បើមិនរៀងចាលទេនោះ និងចាត់វិធានការផាកពិន័យក្រោយពីធ្វើការសំអាតគំនរសំរាមនេះរួច ៕
ចែករំលែកព័តមាននេះ