១-ទឹកត្រជាក់អាចដុតកាឡូរី ៖ ប្រសិនបើអ្នកងូតទឹកត្រជាក់ខ្លួនរបស់អ្នកត្រូវធ្វើការភ្លាមៗ ដើម្បីធ្វើឲ្យសីតុណ្ហភាពក្នុងខ្លួនត្រលប់ទៅកម្រិតធម្មតាវិញ ហើយដើម្បីធ្វើដូចនេះបានមេតាបូលីសក្នុងខ្លួននឹងកើនឡើងដល់៥៥០%នៃ
១-ទឹកត្រជាក់អាចដុតកាឡូរី ៖ ប្រសិនបើអ្នកងូតទឹកត្រជាក់ខ្លួនរបស់អ្នកត្រូវធ្វើការភ្លាមៗ ដើម្បីធ្វើឲ្យសីតុណ្ហភាពក្នុងខ្លួនត្រលប់ទៅកម្រិតធម្មតាវិញ ហើយដើម្បីធ្វើដូចនេះបានមេតាបូលីសក្នុងខ្លួននឹងកើនឡើងដល់៥៥០%នៃកម្រិតសម្រាករបស់វា ហើយការដុតបំផ្លាញកាឡូរីនឹងកើតមានឡើងតាមរយៈដំណើរការនេះ ។ ការទទួលទានទឹកត្រជាក់ក៏មានឥទ្ធិពលស្រដៀងគ្នាផងដែរ ដូច្នេះប្រសិនបើអ្នកមិនចង់ងូតទឹកត្រជាក់ យ៉ាងហោចណាស់អ្នកគួរតែទទួលទានទឹកត្រជាក់ដើម្បីទទួលបានលទ្ធផលដូចគ្នា ។
២-ទឹកត្រជាក់ធ្វើឲ្យស្បែកមានភាពភ្លឺថ្លា ៖ ទឹកក្តៅនឹងធ្វើឲ្យបាត់បង់ជាតិប្រេងសំខាន់នៅលើស្បែករបស់អ្នក ប៉ុន្តែទឹកត្រជាក់មានឥទ្ធិពលផ្ទុយពីនេះ ។ វាធ្វើឱ្យស្បែករបស់អ្នកមានសុខភាពល្អដោយជំរុញឱ្យឈាមរត់ទៅរកផ្ទៃនៃស្បែក ។
៣-ទឹកត្រជាក់ធ្វើឲ្យអ្នកមានស្មារតីស្វាហាប់ ៖ ទឹកត្រជាក់អាចរំញោចការចាប់សញ្ញាត្រជាក់ដែលស្ថិតនៅក្រោមស្បែករបស់យើងវានឹងបង្កើនចង្វាក់បេះដូងរបស់យើង និងធ្វើឲ្យអ័រម៉ូន Adrenaline ក្នុងរាងកាយកើនឡើង ហើយជាលទ្ធផលយើងមានអារម្មណ៍ល្អ និងស្មារតីស្វាហាប់ ។
៤-ទឹកត្រជាក់អាចបំបាត់ការឈឺចាប់ ៖ អ័រម៉ូន Adrenaline មិនត្រឹមតែធ្វើឱ្យអ្នកមានអារម្មណ៍ស្វាហាប់នោះទេ វាថែមទាំងធ្វើឱ្យអ្នកមិនមានអារម្មណ៍ឈឺចាប់ខ្លាំង ដោយរំខានខួរក្បាលរបស់យើងមិនឲ្យផ្តោតទៅលើការឈឺចាប់ខ្លាំងពេកនោះទេ ។ ឥទ្ធិពលនេះអាចមានរយៈពេលយូរអង្វែងផងដែរ ។ កីឡាករបាល់ឱបត្រាំខ្លួនក្នុងទឹកកកបន្ទាប់ពីការប្រកួតទឹកត្រជាក់កាត់បន្ថយលំហូរឈាមទៅសាច់ដុំ និងធ្វើឲ្យពួកគេមានស្មារតីស្វាហាប់ត្រឡប់មកវិញជាមួយនឹងឈាមថ្មីដែលមានជាតិអាស៊ីត Lactic តិច ។
៥-ទឹកត្រជាក់ពង្រឹងប្រព័ន្ធការពាររាងកាយ ៖ ប៉ុន្មានឆ្នាំកន្លងមកមានការស្រាវជ្រាវរបស់ប្រទេសអាល្លឺម៉ង់បានបង្ហាញថា មនុស្សដែលងូតទឹកត្រជាក់ចំនួនពីរនាទីមានជំងឺផ្តាសាយតិចជាងអ្នកដែលងូតទឹកក្តៅ ។ ហេតុអ្វី ? ដោយសារតែភាពតានតឹងស្រាលៗ ធ្វើឱ្យប្រព័ន្ធការពាររាងកាយរបស់អ្នកគិតថា វាគួរតែធ្វើអ្វីម្យ៉ាងដើម្បីការពាររាងកាយរបស់អ្នក ៕
ចែករំលែកព័តមាននេះ