តាមប្រភពពី Independent បានឱ្យដឹងថា មនុស្សដែលចូលចិត្តជេរគ្នា មនុស្សដែលចូលចិត្តចូលដេកយឺតពេលយប់ និងមនុស្សចូលចិត្តទុករបស់របរពាសវាលពាសកាល សុទ្ធតែជាមនុស្សមានភាពវៃឆ្លាត ។
ចំពោះមនុស្សដែលចូលចិត្តជេរ ៖ ពួកគេអាចមានគំនិតបង្កើតពាក្យ និងឃ្លោងឃ្លាល្បះថ្មីៗ ដែលធ្វើឲ្យពួកគេមានភាពរហ័សក្នុងការគិតពាក្យនិយាយ ។ តាមលទ្ធផលនៃការស្រាវជ្រាវបានបង្ហាញថា អ្នកដែលពូកែជេរ ធ្វើតេស្តវាស់ពីកម្រិតឆ្លាតវៃ (IQ) បានពិន្ទុខ្ពស់ជាង អ្នកដែលមិនសូវជេរ ឬក៏អ្នកដែលមិនចេះជេរ ។
ចំពោះមនុស្សដែលចូលដេកយឺតពេលយប់ ៖ គឺមានទំនាក់ទំនងជាមួយនឹងកម្រិតនៃភាពឆ្លាតវៃរបស់ពួកគេ ។ យើងឃើញមានមនុស្សល្បីៗមួយចំនួន ដូចជា ប្រធានាធិបតីអាមេរិក បារ៉ាក់ អូបាម៉ា, អ្នកប្រាជ្ញ Charles Darwin, លោក Winston Churchill, លោក Keith Richards និងលោក Elvis Presley សុទ្ធតែជាអ្នកចូលចិត្តធ្វើការនៅពេលយប់ ហើយចូលដេកយឺត ។
ចំពោះមនុស្សដែលចូលចិត្តទុករបស់របរផ្តេសផ្តាស មិនត្រូវតាមទីកន្លែង ៖ គឺជាមនុស្សដែលមានភាពវៃឆ្លាត ។ តាមការសិក្សាស្រាវជ្រាវរបស់សាកលវិទ្យាល័យ Minnesota បានឱ្យដឹងថា មនុស្សដែលមិនសូវខ្វល់ពីរឿងសណ្តាប់ធ្នាប់ អាចមានពេលវេលាច្រើន ទុកសម្រាប់ផ្តោតលើរឿងសំខាន់ផ្សេងៗទៀត។
ចុះលោកអ្នកវិញ ស្ថិតក្នុងប្រភេទបែបណាដែរ?
ចែករំលែកព័តមាននេះ