ទើបចេញពីក្លិបត្រូវគេហៅថាឡានកញ្ចាស់ ក្លាយជាជម្លោះរហូតគំរា.មដកកាំភ្លើ.ង
- ភ្នំពេញ
យុវជនមួយក្រុមទើបនឹងចេញពីផឹកស៊ីក្នុងក្លឹបកម្សាន្ត ហើយចេញមកក្រៅ ក៏ត្រូវភាគីមួយក្រុមទៀតនិយាយថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនមួយក្រុមទើបនឹងចេញពីផឹកស៊ីក្នុងក្លឹបកម្សាន្ត ហើយចេញមកក្រៅ ក៏ត្រូវភាគីមួយក្រុមទៀតនិយាយថា ឡានកញ្ចាស់ ធ្វើឱ្យម្ចាស់ឡានខឹងក៏ស្រែកសួរវិញ ហើយក៏ត្រូវភាគីម្ខាងទៀតស្រែកគំរា.មដកកាំភ្លើ.ង ធ្វើឲ្យម្ចាស់រថយន្តភ័យទៅប្តឹងសមត្ថកិច្ចឱ្យឃាត់រថយន្ដតែម្តង បង្កឱ្យមានការភ្ញាក់ផ្អើលពេញផ្លូវកាលពីវេលាម៉ោង៣និង២០នាទីទៀបភ្លឺ ថ្ងៃទី៥ ខែកក្កដា ឆ្នាំ២០២២ នៅមុខក្លឹបកំសាន្ត EDM3 ផ្លូវសបិត ស្ថិតក្នុងសង្កាត់ទន្លេបាសាក់ ខណ្ឌចំការមន ។
បើប្រភពពីបុរសម្ចាស់រថយន្តតូយ៉ូតាព្រូស បានប្រាប់អោយដឹងថា មុនពេលកើតហេតុ រូបគាត់ និងប្អូនស្រីៗចំនួន៣នាក់ទៀត បានចូលទៅរាំលេងកម្សាន្តនៅក្នុងក្លឹបកំសាន្តខាងលើ លុះចប់ក៏ចេញមកវិញ។
បុរសម្ចាស់រថយន្តតូយ៉ូតាព្រូស បន្តទៀតថា ខណៈពេលរូបគាត់ដើរមកយករថយន្តនោះ ស្រាប់តែមានភាគីមួយក្រុមទៀតដែលគេស្គាល់ថាឈ្មោះ «ប្រូវីដ» បានស្រែកអោយគាត់ថា «ជិះឡានព្រូសឡើងកញ្ចាស់»។ ភ្លាមៗនោះ រូបគាត់ (ម្ចាស់រថយន្តព្រូស) ខឹងក៏ស្រែកសួរទៅភាគីម្ខាងទៀតថា «ស្រែកអោយអ្នកណា»។ ចំណែកបក្សពួកភាគីខាង «ប្រូវីដ» បានស្រែកគំរា.មគាត់ទៀតថា «យកកាំភ្លើ.ងមកបាញ់វាក្បាលវាទៅ» រួចក៏បើកឡានចេញ ។ តែពេលនោះ ត្រូវគាត់ (ម្ចាស់រថយន្តព្រូស) បើករថយន្តដេញតាម រហូតមកដល់ខាងជើងស្ថានទូតរុស្ស៊ី ក៏បានស្រែកប្តឹងសមត្ថកិច្ច ផ្អើលឃាត់រថយន្ដបង្កខាងលើភ្លាមៗផងដែរ។
យោងតាមប្រភពព័ត៌មានពីភាគីខា «ប្រូវីដ» បានប្រាប់អោយដឹងថា រូបគាត់បាននិយាយថាឡានកញ្ចាស់មែន តែមិនមែនថាឱ្យពួកគាត់ទេ គឺរូបគាត់ថាអោយឡានមិត្តភ័ក្ដិខ្លួនដែលឈប់នៅក្រោយរថយន្តនោះទេ ទើបមានការយល់ច្រឡំគ្នាតែម្តង។
បន្ទាប់ពីមានការភ្ញាក់ផ្អើល សមត្ថកិច្ចបានឃាត់ភាគីទាំងពីរ ដើម្បីធ្វើការត្រួតពិនិត្យ និងឆែកឆេរ តែរកមិនឃើញអ្វីដូចការចោទប្រកាន់គ្នានោះទេ ទើបសមត្ថកិច្ចក៏អនុញ្ញាតឲ្យត្រឡប់ទៅផ្ទះវិញរៀងៗខ្លួនអស់ទៅ៕
ចែករំលែកព័តមាននេះ