អាការទាំង៣២នៅក្នុងខ្លួនមនុស្សយើងសុទ្ធតែមានមុខងារទាំងអស់ក្នុងនោះអាចម៍ត្រចៀកក៏មានមុខងាររបស់វាដែរ។ អាចម៍ត្រចៀកមានសារៈសំខាន់ដល់សុខភាពរន្ធត្រចៀក ដោយសារវាផ្តល់នូវការការពារ ការបញ្ចេញទឹក
អាការទាំង៣២នៅក្នុងខ្លួនមនុស្សយើងសុទ្ធតែមានមុខងារទាំងអស់ក្នុងនោះអាចម៍ត្រចៀកក៏មានមុខងាររបស់វាដែរ។ អាចម៍ត្រចៀកមានសារៈសំខាន់ដល់សុខភាពរន្ធត្រចៀក ដោយសារវាផ្តល់នូវការការពារ ការបញ្ចេញទឹករំអិលនិងលក្ខណសម្បត្តិប្រឆាំងនឹងបាក់តេរី ។
អ្នកដែលប្រើឧបករណ៍ជំនួយការស្ដាប់ ឬកាសដោតត្រចៀក ព្រមទាំងមនុស្សចាស់ និងជនពិការទំនងជាមានអាចម៍ត្រចៀកកាន់តែច្រើន ។ ជាធម្មតា អាចម៍ត្រចៀកចេញពីត្រចៀកដោយធម្មជាតិតាមរយៈការទំពារ និងចលនានៃថ្គាម ប៉ុន្តែអ្នកត្រូវការសម្អាតអាចម៍ត្រចៀកពីរន្ធត្រចៀកខាងក្រៅឱ្យបានស្អាត ។ ខាងក្រោមនេះជាវិធីខ្លះៗដើម្បីសម្អាតរន្ធត្រចៀករបស់អ្នកដោយសុវត្ថិភាពនៅឯផ្ទះខ្លួនឯង៖
១-ទឹកអំបិល ៖ ទឹកអំបិលត្រូវបានគេប្រើបាញ់ចូលត្រចៀកតាមរយៈស៊ីរ៉ាំង ដែលវាជាវិធីសាស្ត្រទូទៅក្នុងការសម្អាតត្រចៀកនៅឯផ្ទះ។ ទឹកអំបិលក៏អាចប្រើយ៉ាងមានប្រសិទ្ធភាពដោយមិនចាំបាច់ស៊ីរ៉ាំងផងដែរ។ វាជួយធ្វើឱ្យអាចម៍ត្រចៀកទន់ ដែលធ្វើឱ្យយើងងាយស្រួលក្នុងការកោសទាញសម្អាតវាគឺៈ ១-លាយអំបិល១ស្លាបព្រាកាហ្វេជាមួយទឹកក្តៅឧណ្ហៗកន្លះកែវ ២-កូររហូតដល់អំបិលរលាយទាំងស្រុង ៣-ត្រាំសំឡីក្នុងទឹកអំបិលនេះ បន្ទាប់មកងាកត្រចៀករបស់អ្នកទៅរកពិដាន និងបន្តក់ទឹកអំបិលដែលមានក្នុងសំឡីនេះចូលត្រចៀករបស់អ្នកពីរបីតំណក់ ៤-នៅឲ្យស្ងៀមរយៈពេល 5នាទី ៥-បែរក្បាលរបស់អ្នកផ្អៀងទៅក្រោមដើម្បីឲ្យទឹកអំបិលហូរចេញពីត្រចៀកវិញ ៦-លាងសម្អាតផ្នែកខាងក្រៅនៃត្រចៀករបស់អ្នកជាមួយក្រណាត់ស្អាតដើម្បីកម្ចាត់អាចម៍ត្រចៀកដែលទន់ចេញឲ្យអស់ ។
២-ទឹកក្តៅឧណ្ហ ៖ អ្នកអាចប្រើទឹកក្តៅឧណ្ហដើម្បីសម្អាតអាចម៍ត្រចៀកចេញពីត្រចៀករបស់អ្នកបាន។ ការប្រើប្រាស់ទឹកក្នុងការសម្អាតត្រចៀករបស់អ្នកគឺពិតជាមានសុវត្ថិភាពខ្លាំងណាស់។ ប៉ុន្តែត្រូវប្រាកដថាទឹកដែលអ្នកយកមកប្រើប្រាស់ជាទឹកស្អាតដើម្បីបន្ថយហានិភ័យនៃការឆ្លងបាក់តេរីដែលអាចបង្កគ្រោះថ្នាក់ដល់ត្រចៀក ។ របៀបប្រើគឺដូចការប្រើប្រាស់ទឹកអំបិលដែរ។
៣-ប្រេងដូង ៖ ប្រេងដូងមានសុវត្ថិភាពសម្រាប់ការសម្អាតត្រចៀក ព្រោះវាមានអាស៊ីដខ្លាញ់ដែលមានការភ្ជាប់គ្នាដូចប្រេងដែលផលិតដោយក្រពេញនៅក្នុងស្បែករបស់អ្នកដែរ ។ ប្រេងដូងក៏ជាភ្នាក់ងារប្រឆាំងនឹងមេរោគដោយធម្មជាតិផងដែរ ហើយវាថែមទាំងកាត់បន្ថយហានិភ័យនៃការរលាកត្រចៀករបស់អ្នកទៀតផង។ វាពិតជាអាចសម្លាប់ពពួកមីក្រុបដែលមានវត្តមាននៅក្នុងអាចម៍ត្រចៀករបស់អ្នក ។
១-ដាក់កំដៅប្រេងដូងរហូតដល់វារលាយ
២-ដាក់ប្រេងដូងនេះទៅក្នុងបំពង់សម្រាប់បន្តក់
៣-បែរត្រចៀករបស់អ្នកទៅរកពិតាន ហើយបន្តក់ប្រេងដូងពីរបីតំណក់ចូលទៅក្នុងរន្ធត្រចៀក
៤-នៅឲ្យស្ងៀមរយៈពេល5ទៅ10នាទី
៥-បែរក្បាលរបស់អ្នកទៅទិសដៅផ្ទុយគ្នាដើម្បីឲ្យប្រេងដូងនេះហូរចេញពីត្រចៀករបស់អ្នក
៦-ជូតសមា្អតប្រេងដូងព្រមទាំងអាចម៍
ត្រចៀក និងកម្ទេចកម្ទីផ្សេងទៀតជាមួយនឹងសំឡី ៕
ចែករំលែកព័តមាននេះ