អគ្គិភ័យឆេះសំណង់ក្លិបយប់មិញ បណ្ដាលមកពី…
រាជធានីភ្នំពេញ ៖ ក្លិបមួយកន្លែងដែលសាងសង់ជិតរួចរាល់ហើយនោះ ខណៈពេលជាងកំពុងតែសម្រុកធ្វើទាំងយប់ទាំងថ្ងៃ ស្រាប់តែត្រូវអគ្គិភ័យឆាបឆេះ …
រាជធានីភ្នំពេញ ៖ ក្លិបមួយកន្លែងដែលសាងសង់ជិតរួចរាល់ហើយនោះ ខណៈពេលជាងកំពុងតែសម្រុកធ្វើទាំងយប់ទាំងថ្ងៃ ស្រាប់តែត្រូវអគ្គិភ័យឆាបឆេះ …
រាជធានីភ្នំពេញ ៖ ក្លិបមួយកន្លែងដែលសាងសង់ជិតរួចរាល់ហើយនោះ ខណៈពេលជាងកំពុងតែសម្រុកធ្វើទាំងយប់ទាំងថ្ងៃ ស្រាប់តែត្រូវអគ្គិភ័យឆាបឆេះកាលពីវេលាម៉ោងនៅវេលាម៉ោង៧យប់ ថ្ងៃទី៥ ខែធ្នូ ឆ្នាំ២០១៦ ស្ថិតនៅតាមបណ្តោយផ្លូវលេខ១៩៨៦ ជាប់ក្លឹបម៉ូណាកូ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មានបានឲ្យដឹងថា ក្លិបដែលរងការឆាបឆេះនេះគឺជាសំណង់ក្លិបដែលកំពុងតែសាងសង់ជិតរួចរាល់ហើយនៅលើផ្ទៃដីទំហំ២០ម៉ែត្រគុណ៤០ម៉ែត្រ តែមិនទាន់មានស្លាកយីហោនៅឡើយទេ ព្រោះក្លិបសាងសង់មិនទាន់រួចជាស្ថាពរ គ្រាន់តែដឹងថា ក្លិបនេះគ្រោងនឹងបើកសម្ពោធនៅថ្ងៃទី២៥ ខែធ្នូ ឆ្នាំ២០១៦ ខាងមុខនេះ ។
ប្រភពព័ត៌មាននៅកន្លែងកើតហេតុបានឲ្យដឹងថា ថៅកែក្លិបនេះត្រូវគេដឹងថា ជាថៅកែក្លិបម៉ូណាកូ ។ មុនពេលកើតហេតុសំណង់ក្លិបនេះត្រូវបានជាងសម្រុកធ្វើការទាំងយប់ ព្រោះជិតដល់ថ្ងៃសម្ពោធបើកហើយ ខណៈពេលជាងផ្សារដែកកំពុងតែផ្សារជាប់ពិដានដើម្បីចាប់អំពូលភ្លើង និងដាក់ជើងកង្ហា សង្ស័យថាធ្លាក់កម្ទេចផ្កាភ្លើងធូបផ្សារទៅលើអេប៉ុងដែលបិទនៅជុំវិញជញ្ជាំងដើម្បីការពារសម្លេងមិនឲ្យចេញមកខាងក្រៅ និងស្នោ ព្រមទាំងសំបកកេសក្រដាស តែជាងមិនបានចាប់អារម្មណ៍ ។ មួយសន្ទុះក្រោយមកស្រាប់តែមានផ្សែងខ្មៅហុយចេញមកធ្វើឲ្យមានការភ្ញាក់ផ្អើល ហើយផ្សែងហុយកាន់តែខ្លាំងទៅៗ និងបានផ្តាច់ប្រព័ន្ធអគ្គិសនីងងឹតឈឹងពិបាកដល់អ្នកដែលយកបំពង់ពន្លត់អគ្គិភ័យយកទៅបាញ់ពន្លត់ ទើបថៅកែក្លិបម៉ូណាកូដែលជាម្ចាស់សំណង់ក្លិបខាងលើនេះបានទូរស័ព្ទហៅរថយន្តពន្លត់អគ្គិភ័យមកជួយអន្តរាគមន៍ភ្លាមៗ ។
បន្ទាប់ពីកើតហេតុកន្លែងកើតហេតុគេឃើញវត្តមានលោក ប៉ឹង កុសល អភិបាលខណ្ឌសែនសុខ លោក ម៉ក់ ហុង អធិការនគរបាលខណ្ឌសែនសុខ និងលោក ព្រហ្ម យ៉ត ប្រធានការិយាល័យបង្ការ និងពន្លត់អគ្គិភ័យ នៃស្នងការនគរបាលរាជធានីភ្នំពេញ បានចុះបញ្ជាដឹកនាំរថយន្តពន្លត់អគ្គិភ័យចំនួន៥គ្រឿងបាញ់ទឹកពន្លត់រហូតរលត់ទៅវិញក្នុងរយៈពេលប្រហែល១ម៉ោង ។
ដោយសារតែនៅក្នុងក្លិបខាងលើនេះការរៀបចំមិនទាន់រួចរាល់ មិនទាន់មានរបស់របរយកទៅដាក់ចូលក្នុងក្លិបនៅឡើយ មានតែម៉ូតូជាងសំណង់ចំនួន៥គ្រឿងដែលទុកនៅក្នុងក្លិប ។ ម៉ូតូទាំង៥គ្រឿងនោះរួមមាន ម៉ូតូម៉ាកហុងដាឌ្រីម២គ្រឿង, ម៉ាកហុងដាឌ្រីមប្រើប៉ិច២គ្រឿង និងម៉ាកសង់កូរ៉េ១គ្រឿង ។ ក្នុងចំណោមម៉ូតូទាំង៥គ្រឿងត្រូវបានអណ្តាតភ្លើងឆាបឆេះអស់ទាំងស្រុងនៅសល់តែគ្រោងដែកចំនួន២គ្រឿង គឺម៉ូតូម៉ាកហុងដាឌ្រីមស៊េរីឆ្នាំ២០១១ មួយគ្រឿង និង១គ្រឿងទៀតម៉ាកហុងដាឌ្រីមប្រើប៉ិច ។
សមត្ថកិច្ចបានបានឲ្យដឹងថា អគ្គិភ័យខាងលើប្រើប្រាស់រថយន្តពន្លត់អគ្គិភ័យរបស់ការិយាល័យបង្ការ និងពន្លត់អគ្គិភ័យ នៃស្នងការនគរបាលរាជធានីភ្នំពេញអស់ចំនួន៥គ្រឿងទើបភ្លើងបានរលត់ទាំងស្រុងនៅវេលាម៉ោង៨យប់ថ្ងៃដដែល ចំណែកការឆាបឆេះខូចខាតគិតជាទឹកប្រាក់អស់ប៉ុន្មាននោះថៅកែក្លិបមិនទាន់បានប៉ាន់ប្រមាណនៅឡើយទេ គ្រាន់តែដឹងថាឆេះ ម៉ូតូជាងសំណង់អស់២គ្រឿងនៅសល់តែគ្រោងដែក និងជាងសំណង់ម្នាក់រងរបួសស្រាល ៕
ចែករំលែកព័តមាននេះ