តារាចម្រៀងរូបស្រស់ម្នាក់ ត្រូវប្តីចំណាស់បា.ញ់សម្លា.ប់ ក្រោយនាងព្យាយាមធ្វើរឿងមួយ
ម៉ិកស៊ិក ៖ តារាចម្រៀងស្រីដ៏ពេញនិយមរបស់ប្រទេសម៉ិកស៊ិកម្នាក់ ត្រូវបានប្តីវ័យចំណាស់បា.ញ់
ម៉ិកស៊ិក ៖ តារាចម្រៀងស្រីដ៏ពេញនិយមរបស់ប្រទេសម៉ិកស៊ិកម្នាក់ ត្រូវបានប្តីវ័យចំណាស់បា.ញ់
ម៉ិកស៊ិក ៖ តារាចម្រៀងស្រីដ៏ពេញនិយមរបស់ប្រទេសម៉ិកស៊ិកម្នាក់ ត្រូវបានប្តីវ័យចំណាស់បា.ញ់សម្លា.ប់ នៅក្នុងភោជនីយដ្ឋានមួយកន្លែង។ បន្ទាប់ពីនាងព្យាយាមលែងលះជាមួយប្តីចំណាស់រូបនោះអស់ជាច្រើនខែ។ នេះបើយោងតាមប្រភពពី The Sun ចេញផ្សាយកាលពីថ្ងៃទី២៧ ខែមិថុនា ឆ្នាំ២០២២។
យោងតាមរបាយការណ៍ប៉ូលីសបានឱ្យដឹងថា នាង Yrma Lydya អាយុ២១ឆ្នាំ ដែលជាតារាចម្រៀងចង្វាក់ប្រពៃណីដ៏ពេញនិយមរបស់ម៉ិកស៊ិក ត្រូវបានលោក Jesus Hernandez អាយុ៧៩ឆ្នាំ ដែលត្រូវជាប្តី បា.ញ់ចំនួន៣គ្រាប់ចំដើមទ្រូងបណ្តាលឱ្យស្លា.ប់។ ដែលហេតុការណ៍នេះ កើតឡើងកាលពីថ្ងៃទី២៣ ខែមិថុនា កន្លងទៅ នៅក្នុងបន្ទប់ VIP នៅភោជនីយដ្ឋានជប៉ុនមួយកន្លែង ក្នុងទីក្រុង Mexico City។
ក្រោយបា.ញ់សម្លា.ប់ប្រពន្ធវ័យក្មេងរួចហើយ លោក Jesus Hernandez រួមនិងអង្គរក្សរបស់គាត់ម្នាក់ បានព្យាយាមបើករថយន្តស៊េរីទំនើប១គ្រឿង រត់គេចពីកន្លែងកើតហេតុ។ មុនពេលត្រូវប៉ូលីសចាប់ខ្លួនបាន។ ទោះយ៉ាងណារបាយការណ៍មួយចំនួនពីសារព័ត៌មានម៉ិកស៊ិកបានអះអាងថា ប៉ុន្តែក្រោយមក បុរសចំណាស់រូបនោះ បានព្យាយាមសូកប៉ាន់មន្ត្រីប៉ូលិស ដើម្បីឱ្យដោះលែងគាត់។
ករណីបា.ញ់សម្លា.ប់ដ៏រន្ធ.ត់នេះ បានកើតឡើងបន្ទាប់ពី Lydya បានទាក់ទងក្រុមហ៊ុនច្បាប់មួយ កាលពីខែមេសាកន្លងទៅ ដើម្បីចាប់ផ្តើមឯកសារលែងលះជាមួយលោក Hernandez។
កាសែតម៉ិកស៊ិក Excelsior បានរាយការណ៍ថា Lydya បានបង្ហាញរូបភាពផ្ទៃមុខមានស្នាមជាំ ដោយសារអំពើហិ.ង្សាក្នុងគ្រួសារយ៉ាងច្រើនជាភស្តុតាង។ ហើយនាងក៏ធ្លាប់បានរាយការណ៍ទៅប៉ូលិស កាលពីខែធ្នូ ឆ្នាំ២០២១ ដោយអះអាងថា ប្តីនាងបានវា.យដំ និងគំរា.មកំហែងនាង ដោយកាំភ្លើ.ងជារឿយៗ។
លោក Hernandez រួមនិងអង្គរក្សកំពុងត្រូវបានឃុំខ្លួនបណ្តោះអាសន្ន នៅពន្ធនាគារក្នុងទីក្រុង Mexico City។ ស្របពេលសមត្ថកិច្ចកំពុងបន្តស៊ើបអង្កេត។ ខណៈដែលមេធាវីជនល្មើសបានអះអាងថា លោក Hernandez មិនមានកំហុសទេ ហើយថែមទាំងទទូចថា គាត់មិនបានសម្លា.ប់ Lydya នោះទេ៕ (ដកស្រង់ចេញពី The Sun និង Daily Mail)
ចែករំលែកព័តមាននេះ