លែងខ្មាសអៀន ! នាងក្រមុំយំរៀបរាប់ពីសកម្មភាពរបស់ជនល្មោភកាម
រាជធានីភ្នំពេញ ៖ នាងក្រមុំវ័យក្មេងស្រស់ស្អាតម្នាក់បានស្រែកយំបណ្ដើររៀបរាប់ប្រាប់សមត្ថកិច្ចប៉ុស្តិ៍នគរបាលចោមចៅបណ្ដើរថា នាងត្រូវបានគេប្លន់ព្រហ្មចារីយ៍ …
រាជធានីភ្នំពេញ ៖ នាងក្រមុំវ័យក្មេងស្រស់ស្អាតម្នាក់បានស្រែកយំបណ្ដើររៀបរាប់ប្រាប់សមត្ថកិច្ចប៉ុស្តិ៍នគរបាលចោមចៅបណ្ដើរថា នាងត្រូវបានគេប្លន់ព្រហ្មចារីយ៍បាត់ហើយកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៦ នៅចំណុចផ្ទះជួលជាន់ទី២ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
នារីវ័យក្មេងរងគ្រោះបានរៀបរាប់ទាំងទឹកភ្នែកប្រាប់សមត្ថកិច្ចថា នាងទើបតែមកចាកចេញពីស្រុកកំណើតមកភ្នំពេញក្នុងពេលថ្មីៗនេះដើម្បីរកការងាររោងចក្រធ្វើ ។ ពេលមកដល់ភ្នំពេញនាងបានស្នាក់នៅផ្ទះជួល ហើយនៅព្រឹកកើតហេតុ នាងបានទៅធ្វើតេស្តនៅក្នុងរោងចក្រកាត់ដេរមួយកន្លែង ប៉ុន្តែមិនជាប់ទេ ។ លុះវេលាម៉ោង១០ និង១៥នាទីព្រឹកថ្ងៃដដែលនាងក៏បានត្រឡប់ទៅកាន់បន្ទប់ជួលលេខ D3 ជាន់ទី២ផ្ទះជួលនៃផ្ទះជួលវិញ ។ ខណៈធ្វើដំណើរទៅជិតដល់បន្ទប់ផ្ទះជួល ស្រាប់តែមានប្រុសព្រានម្នាក់បានចាប់ខ្ទប់មាត់មិនឲ្យស្រែក និងចាប់ដៃអូសនាងចូលទៅក្នុងបន្ទប់ ហើយគំរាមសម្លាប់បើហ៊ានស្រែក រួចធ្វើសកម្មភាពរំលោភនាងទាំងកម្រោលរហូតបានសម្រេចទើបរត់គេចខ្លួនបាត់ ។ ចំណែកនាងក៏បានធ្វើដំណើរទៅកាន់ប៉ុស្ដិ៍នគរបាលចោមចចៅដើម្បីដាក់ពាក្យបណ្ដឹង ។
នារីរងគ្រោះបានឲ្យដឹងថា នាងមានអាយុ១៩ឆ្នាំ មានស្រុកកំណើតនៅស្រុកមេសាង ខេត្តព្រៃវែង ហើយនាងទើបចាកចេញពីស្រុកកំណើតមកស្នាក់នៅក្នុងបន្ទប់ជួលខាងលើដើម្បីរកការងារធ្វើបានរយៈពេល៣ថ្ងៃប៉ុណ្ណោះ ។ នាងបានស្គាល់ប្រុសព្រានដែលបានប្លន់យកព្រហ្មចារីយ៏របស់នាងគឺឈ្មោះ ធី សុវណ្ណ អាយុ៣២ឆ្នាំ មុខរបរសន្តិសុខឯកជន យាមរោងចក្រមួយកន្លែងស្ថិតនៅក្បែរផ្ទះជួលកើតហេតុ បុរសនោះមានប្រពន្ធហើយ និងស្នាក់នៅបន្ទប់លេខ១០២ ជាន់ទី២ ផ្លូវលំភូមិត្រពាំងថ្លឹង និងមានស្រុកកំណើតនៅក្នុងខេត្តបាត់ដំបង ។
សមត្ថកិច្ចនគរបាលប៉ុស្តិ៍ចោមចៅបានឲ្យដឹងថា មើលទៅគួរឲ្យអាណិតនារីរងគ្រោះខ្លាំងណាស់ នៅក្នុងប៉ុស្ដិ៍នាងបានយំក្នុងស្ថានភាពឈឺចាប់ទាំងផ្លូវកាយ និងផ្លូវចិត្ត គឺយំរហូតលែងខ្មាសអៀនទៅហើយ យំរៀបរាប់អំពីសាច់រឿង និងសកម្មភាពរបស់ជនល្មោភកាមដែលបានប្រព្រឹត្តមកលើរូបនាងទាំងកំរោល ។
បន្ទាប់ពីទទួលបានបណ្ដឹងហើយ សមត្ថកិច្ចបានចុះទៅកាន់កន្លែងកើតហេតុភ្លាមៗដើម្បីចាប់ខ្លួនជននោះ ប៉ុន្តែពេលចុះទៅដល់ជនល្មោភកាមនោះបានរត់ចខ្លួនបាត់ទៅហើយ ប៉ុន្តែទោះជាបែបណា កម្លាំងសមត្ថកិច្ចនឹងស្វែងរកចាប់ខ្លួនជននេះឲ្យខានតែបាន ដើម្បីនាំទៅសួរនាំ និងផ្ដន្ទាទោសទៅតាមច្បាប់ ៕
ចែករំលែកព័តមាននេះ