ខេត្តប៉ៃលិន ៖ កម្លាំងនគរបាលការិយាល័យប្រឆាំងគ្រឿងញៀ.នខេត្ត កាលពីថ្ងៃទី១០ ខែមិថុនា ឆ្នាំ២០២២កន្លងទៅ បានបង្ក្រាបករណីជួញដូរ រក្សាទុក និងប្រើប្រាស់សារធាតុញៀ.នចំនួន៤កន្លែង ដោយចាប់ឃាត់ខ្លួនជាច្រើននាក់ ព្រមទាំងរឹបអូសបានវត្ថុតាងផងដែរ ។
ទី១-នាវេលាម៉ោងប្រមាណ១២និង៣០នាទីថ្ងៃត្រង់ ធ្វើការបង្ក្រាបនៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ។
ទី២-នាវេលាម៉ោងប្រមាណ២រសៀល ធ្វើការបង្ក្រាបនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ។
ទី៣-នាវេលាម៉ោងប្រមាណ២និង៣០នាទីរសៀល ធ្វើការបង្ក្រាបនៅក្រោមស្ពានកំរៀងស្ថិតក្នុងភូមិដូង ឃុំកំរៀង ស្រុកកំរៀង ខេត្តបាត់ដំបង ។
ទី៤-នាវេលាម៉ោងប្រមាណ៥ល្ងាច ធ្វើការបង្ក្រាបនៅចំណុចស្រែម្អម ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ។
ប្រភពព័ត៌មានបានឱ្យដឹងថា នៅក្នុងការបង្ក្រាបនេះ នគរបាលបានឃាត់ខ្លួនជនសង្ស័យប្រុសស្រីចំនួន៦នាក់ ៖ ១-ឈ្មោះ ឈុន លីហួរ ភេទប្រុស អាយុ៣០ឆ្នាំ ជាកម្មករ រស់នៅភូមិអូរតាប្រាង សង្កាត់ប៉ៃលិន ក្រុងប៉ៃលិន ។ ២-ឈ្មោះ មាន ចាន់ ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ។
៣-ឈ្មោះ វុធ គន្ធី ភេទស្រី អាយុ៣៨ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិដូង ឃុំកំរៀង ស្រុកកំរៀង ខេត្តបាត់ដំបង ។ ៤-ឈ្មោះ វុធ វ៉ាង ភេទប្រុស អាយុ២៩ឆ្នាំ មុខរបរមិនពិតប្រាកដ រស់នៅភូមិភ្នំកុយ ឃុំសាលាក្រៅ ស្រុកសាលក្រៅ ។ ៥-ឈ្មោះ ឌួង សង្ហា ភេទប្រុស អាយុ២៤ឆ្នាំ មុខរបរមិនពិតប្រាកដ រស់នៅភូមិភ្នំកុយ ឃុំសាលាក្រៅ ស្រុកសាលក្រៅ ។ ៦-ឈ្មោះ អ៊ុក ដាលីន ភេទស្រី អាយុ២៤ឆ្នាំ មុខរបរមិនពិតប្រាកដ រស់នៅភូមិភ្នំកុយ ឃុំសាលក្រៅ ស្រុកសាលក្រៅ ។
ជាមួយនឹងការចាប់ឃាត់ខ្លួននេះ សមត្ថកិច្ចបានចាប់យកវត្ថុតាងមាន ម្សៅក្រាមពណ៌សថ្លាម៉ាទឹកកក ICE សរុបទម្ងន់ ៣២១,៤៩ក្រាម ថ្នាំញៀ.នប្រភេទ WY ១.៤០៨គ្រាប់(ទម្ងន់១៣៤,៣៤ក្រាម) រថយន្ត១គ្រឿង គោយន្តកន្ត្រៃ១គ្រឿង ម៉ូតូ៣គ្រឿង ជញ្ជីង២គ្រឿង សម្ភារៈសម្រាប់ជក់ថ្នាំញៀ.ន និងថង់វេចខ្ចប់ថ្នាំញៀ.នមួយចំនួនទៀត ។ ជនសង្ស័យ រួមនឹងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ