បុរសម្នាក់ប្រឈមនឹងការជាប់គុក៥ឆ្នាំ ដោយសារចាប់ត្រីមួយប្រភេទ
តៃវ៉ាន់ ៖ បុរសតៃវ៉ាន់ម្នាក់អាចប្រឈមនឹងការជាប់គុករយៈពេល ៥ឆ្នាំ បន្ទាប់ពីគាត់ត្រូវបានប៉ូលី
តៃវ៉ាន់ ៖ បុរសតៃវ៉ាន់ម្នាក់អាចប្រឈមនឹងការជាប់គុករយៈពេល ៥ឆ្នាំ បន្ទាប់ពីគាត់ត្រូវបានប៉ូលីសរកឃើញថាបានចាប់ត្រីសាម៉ុង Formonsan ចំនួន ២ក្បាលដែលវាជាប្រភេទត្រីជិតផុតពូជ និងត្រូវគេចាត់ទុកជាកំណប់ទ្រព្យជាតិរបស់តៃវ៉ាន់។
អង្គភាពប៉ូលីសពិសេសទី ៧ បាននិយាយក្នុងសេចក្តីប្រកាសចេញថ្ងៃច័ន្ទ ទី ១៣ ខែមិថុនាម្សិលមិញថា ខ្លួន រួមជាមួយទីស្នាក់ការឧទ្យានជាតិ Shei-Pa បានធ្វើការល្បាតពីការចាប់ត្រីនៅក្នុងទន្លេ Nanhu ស្ថិតក្នុងស្រុក Heping នៃទីក្រុង Taichung កាលពីដើមខែឧសភា។
ប៉ូលីសចាប់បានបុរសវ័យ ៥៦ឆ្នាំម្នាក់ដែលមានត្រកូលថា Wu។ គាត់ប្រើប្រាស់ឧបករណ៍នេសាទដើម្បីចាប់ត្រីសាម៉ុង Formosan ២ក្បាល ដែលមួយក្បាលចាត់ចូលជាប្រភេទត្រីការពារ ដែលទង្វើនេះរំលោ.ភនឹងច្បាប់អភិរក្សសត្វព្រៃ។ អ្នកនេសាទរូបនោះបានបង្ហោះសារពីនៅបណ្តាញសង្គមហ្វេសបុក ហើយប៉ូលិសមើលឃើញវា។ នេះបើយោងតាមការចុះផ្សាយរបស់កាសែត CNA។
បន្ទាប់ពីអ្នកជំនាញបញ្ជាក់ថា ត្រីនោះជាប្រភេទ្រីសាម៉ុង Formoson ប៉ុលីសបានហៅលោក Wu និងស្នើឲ្យគាត់មកប៉ុស្តិ៍ប៉ូលីសដើម្បីសាកសួរ។ លោកបានប្រាប់ប៉ូលីសថា លោកគ្រាន់តែចាប់ត្រីពីរក្បាល និងបានអះអាងថា គាត់បានប្រលែងវាចូលក្នុងទន្លេវិញ។
ប៉ូលីសបញ្ជាក់ថា សកម្មភាពរបស់លោក Wu ដែលប្រើប្រាស់ឧបករណ៍នេសាទដើម្បីចាប់ត្រីសាម៉ុង Formosan បានរំលោ.ភច្បាប់អភិរក្សសត្វព្រៃ ហើយលោកនឹងក្លាយជាមនុស្សដំបូងបង្អស់នៅតៃវ៉ាន់ដែលប្រឈមនឹងការចោទប្រកាន់ពីបទប្រមាញ់កំណប់ទ្រព្យជាតិ។
ប្រសិនរកឃើញមានកំហុស លោកប្រឈមនឹងការជាប់គុកយ៉ាងតិច ៦ខែ និងយ៉ាងយូរ ៥ឆ្នាំ៕ (យោងតាមប្រភព៖ CNA & Taiwan News)
ចែករំលែកព័តមាននេះ