BBC កាលពីពេល ថ្មីៗកន្លងមកផ្សាយថា សាធារណជនឥណ្ឌាកំពុងតែរិះគន់ខ្លាំងចំពោះអាពាហ៍ពិពាហ៍ដ៏ឱឡារិកមួយដែលចំណាយប្រាក់ប្រហែល៥ពាន់លានរូពី (ប្រាក់ឥណ្ឌា) ឬប្រហែល៧៤លានដុល្លារ ខណៈពេលប្រទេសកំពុងស្ថិតក្នុងវិបត្តិហិរញ្ញវត្ថុ ។
អាពាហ៍ពិពាហ៍រៀបចំឡើងរយៈពេល៥ថ្ងៃ ចំណាយប្រាក់ប្រហែល៧៤លានដុល្លារ ជាពិសេសលើថ្លៃឈុត «សារី» របស់កូនក្រមុំមានតម្លៃដល់ទៅ២,៥លានដុល្លារឯណោះ រួមបញ្ចូលគ្រឿងអលង្ការរបស់កូនក្រមុំប្រហែល១៣,៥លានដុល្លារទៀត ។ មិនតែប៉ុណ្ណោះធៀបការស្រោបមាសសម្រាប់អញ្ជើញតារាសម្តែងបូលីវូដ និងកងអង្គរក្សចំនួន៣០០នាក់ ។
ដោយសារបែបនោះហើយក្លាយពិធីរៀបអាពាហ៍ពិពាហ៍ដ៏អស្ចារ្យមួយដែលមិនធ្លាប់មាននៅលើពិភពលោក ។ ពិធីរៀបការនោះរៀបចំឡើងតែប៉ុន្មានថ្ងៃប៉ុណ្ណោះ ក្រោយពីរដ្ឋាភិបាលឥណ្ឌាប្រកាសលុបចោលការប្រើក្រដាសប្រាក់១០០០រូពី និង៥០០រូពី ក្នុងបំណងកាត់បន្ថយប្រាក់ក្លែងក្លាយ និងដោះស្រាយការគេចពីការបង់ពន្ធ ។
ចំពោះអាពាហ៍ពិពាហ៍ដែលចំណាយប្រាក់ច្រើនដ៏អធិកអធមរបស់កូនស្រីអតីតរដ្ឋមន្ត្រីឥណ្ឌានោះ មានមតិជាច្រើនរិះគន់ថា ជាការបង្អួតទ្រព្យសម្បត្តិដោយឥតខ្មាសអៀន ៕
ចែករំលែកព័តមាននេះ