ជោគវាសនាកញ្ញាវ័យចំណាស់ សេង ធារី និងក្រុមរបស់គាត់ ពាក់ព័ន្ធសំណុំរឿងក្បត់ជាតិ ត្រូវបានសាលាដំបូងរាជធានីភ្នំពេញ ប្រកាសសាលក្រមលើអង្គសេចក្តីសម្រេចផ្តន្ទាទោស នៅ
រាជធានីភ្នំពេញ ៖ ជោគវាសនាកញ្ញាវ័យចំណាស់ សេង ធារី និងក្រុមរបស់គាត់ ពាក់ព័ន្ធសំណុំរឿងក្បត់ជាតិ ត្រូវបានសាលាដំបូងរាជធានីភ្នំពេញ ប្រកាសសាលក្រមលើអង្គសេចក្តីសម្រេចផ្តន្ទាទោស នៅថ្ងៃទី១៤ ខែមិថុនា ឆ្នាំ២០២២ ស្អែកនេះ ។ ដូច្នេះរង់ចាំមើលការឌឺដងដាក់តុលាការ តាមរយៈពាក្យសំដី និងសម្លៀកបំពាក់តុបតែងខ្លួន រាល់ពេលសវនាការរបស់កញ្ញាវ័យចំណាស់ សេង ធារី ដែលតែងតែចង់ឲ្យតុលាការចាប់គាត់ដាក់ពន្ធនាគារ តើអាចជាប់ពន្ធនាគារដូចការចង់បាននោះឬយ៉ាងណា ? ។
សូមជម្រាបថា កាលពីថ្ងៃទី៣ ខែឧសភា ឆ្នាំ២០២២ (លើកទី១៤) ជាថ្ងៃចុងក្រោយ ដែលសាលាដំបូងរាជធានីភ្នំពេញ បានបញ្ចប់សវនាការ នៃការសាកសួរដេញដោលលើជនជាប់ចោទ ក្នុងសំណុំរឿង «ក្បត់ជាតិ» របស់ក្រុមទណ្ឌិត សម រង្ស៊ី និងអតីតសកម្មជនគណៈបក្សសង្គ្រោះជាតិ ដែលមានជនជាប់ចោទសរុបចំនួន៤២នាក់ ទាំងនៅក្នុងឃុំ និងនៅក្រៅឃុំ ។
សវនាការសរុបទាំងអស់១៤លើក ត្រូវបានចាប់ផ្តើមតាំងថ្ងៃទី០៧ ថ្ងៃទី១៤ ថ្ងៃទី២១ ថ្ងៃទី២៨ ខែធ្នូ ឆ្នាំ២០២១ និងថ្ងៃទី០៤ ខែមករា ថ្ងៃទី១៥ ថ្ងៃទី២២ ខែកុម្ភៈ ឆ្នាំ២០២២ ថ្ងៃទី១០ ថ្ងៃទី១៥ ខែមីនា ថ្ងៃទី២១ ឆ្នាំ២០២២ ថ្ងៃទី២៨ ខែមីនា និងថ្ងៃទី៥ ខែមេសា ឆ្នាំ២០២២ កន្លងមក ។ សំណុំរឿងនេះ មានជនជាប់ចោទដែលនៅក្នុងឃុំមានចំនួនតែ៣នាក់ទេ និងនៅក្រៅឃុំ៣៩ នាក់ រួមទាំងអតីតមេបក្ស និងសកម្មជនគណបក្សសង្គ្រោះជាតិដែលភៀសខ្លួនទៅនៅក្រៅប្រទេសនោះផងដែរ ។
ជនត្រូវចោទស្ថិតនៅក្នុងឃុំ៣នាក់មាន ៖ ១-ឈ្មោះ ទុំ ប៊ុនថន ហៅ សុខ ភេទប្រុស អាយុ៤៣ ឆ្នាំ, ២-ឈ្មោះ កាក់ កុម្ភារ ភេទប្រុស, និង៣-ឈ្មោះ ហេង ចាន់សុទ្ធី ភេទប្រុស ។ ចំណែកអ្នកនៅក្រៅឃុំចំនួន៣៩នាក់មាន ៖ ១- ទណ្ឌិតសម រង្ស៊ី, ២- កញ្ញា ឈ្មោះ សេង ធារី ខ្មែរមានសញ្ជាតិអាមេរិក បច្ចុប្បន្នកំពុងស្នាក់នៅក្នុងស្រុកកៀនស្វាយ ខេត្តកណ្តាល ។ ៣- ឈ្មោះ យក់ នាង ភេទស្រី, ៤- ឈ្មោះ ស្រី ចន្ច័តារា, ៥- ឈ្មោះ អ៊ូ គឹមហ៊ត ហៅ ឈុត សារិត, ៦- ឈ្មោះ ហង្ស ផារី, ៧- ឈ្មោះ នីវ ចំរើន, ៨- ឈ្មោះ អូន ពៅ ភេទស្រី, ៩- ឈ្មោះ ឯក ចេស្តា, ១០- ឈ្មោះ ឈុន ប៊ុនហ៊ា, ១១- ឈ្មោះ សុត វ៉ាន់ឌី, ១២- ឈ្មោះ ហ៊ីង ទាក់ ហៅធា និង២៧នាក់ទៀតមិនស្គាល់ឈ្មោះ ។
ជនជាប់ចោទទាំងនៅក្នុងឃុំ និងនៅក្រៅឃុំទាំង៤២នាក់ ត្រូវបានតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ពីបទ «ក្បត់ជាតិ» បទ «រួមគំនិតក្បត់» បទ «ញុះញុងឲ្យមានភាពវិកវរធ្ងន់ធ្ងរដល់សន្តិសុខសង្គម» និងបទ «ញុះញង់កុំឲ្យយោធិនស្តាប់បង្គាប់» ដែលបទល្មើសទាំងអស់នេះ មានចែងក្នុងបទបញ្ញតិ មាត្រា ២០៣, មាត្រា ២០៤ និង មាត្រា ២០៥ នៃក្រមព្រហ្មទណ្ឌព្រះរាជាណាចក្រកម្ពុជា ។ សវនាការបានធ្វើឡើងជាសាធារណៈ ដោយមានអ្នកចូលរួមតិចតួចពីក្រុមអង្គការសង្គមស៊ីវិសល និងអ្នកកាសែតផងដែរ ។
នាព្រឹកថ្ងៃនេះដែរ គេបានសង្កេតឃើញកញ្ញាវ័យចំណាស់ សេង ធារី ក្នុងសម្លៀកបំពាក់រ៉ូប.ស ពានាក្រណាត់ពណ៌ខៀវ មានខ្សែក្រវ៉ាត់ចង្កេះ ដោតដាវចំពីមុខ១គ្រឿង ដៃកាន់ជញ្ជីងថ្លឹងត្រី លើក្បាលត្រងោលពាក់កម្រងផ្កា ដែលកន្លងមកមានដៃគូម្នាក់ទើបចេញពីពន្ធនាគារដូចគ្នាជួយហែរហម តែពេលនេះបាត់ស្ត្រីម្នាក់នោះ នៅសល់តែយាយម៉ាមី និងមនុស្ស ២ទៅ៣ នាក់ នៅកំដរ ។ ដោយឃើញចរិករឹកពៀរ និងអាកប្បកិរិយាកញ្ញាសេង ធារី មិនប្រក្រតី មានចេតនាឌឺដងដាក់តុលាការបែបនេះ ត្រូវបានកម្លាំងសមត្ថកិច្ចហាមឃាត់មិនអនុញ្ញាតិឲ្យជនត្រូវចោទ សេង ធារី ចូលក្នុងសាសសវនាការទេ ដោយតម្រូវឲ្យស្លៀកពាក់បានសមរម្យ ទើបសវនាការទទួល ។
ដោយហេតុដូច្នេះគេបានឃើញជនជាប់ចោទ សេង ធារី នៅត្រេងត្រាងមុខបរិវេណសាលាដំបូ ងរាជធានីភ្នំពេញ ដែលដៃកាន់ជញ្ជីង១គ្រឿង មិនមែនដើរថ្លឹងត្រីលក់ទេ គឺប្រកាសរកយុត្តិឲ្យស្មើភាពដូចជញ្ជីងនោះ ។ ទង្វើរបស់កញ្ញាវ័យចំណាស់ សេង ធារី បានធ្វើឲ្យអ្នកដំណើរឆ្លងកាត់មើលឃើញថា ជាមនុស្សមិនគ្រប់ទឹក លែងស្គាល់អ្វីដែលហៅថា នារីខ្មែរ ។
បានជានិយាយដូច្នេះ ពីព្រោះសវនាការចំនួន១៤លើជនជាប់ចោទ សេង ធារី ស្លៀកសំលៀកបំពាក់ និងប្រើកាយវិការឌឺដងដាក់តុលារ ទោះជាយ៉ាងក្តីពេលខ្លះជនជាប់ចោទ សេង ធាវី ត្រូវបានចូលស្តាប់សវនាការ ពេលខ្លះមិនត្រូវអនុញ្ញាតិឲ្យចូលសវនាការទេ ហើយសវនាការនៅតែដំណើររហូតដល់១៤លើក ដោយបានបិទបញ្ចប់ការសាកសួរដេញដោល ទើបប្រធានក្រុមប្រឹក្សាជំនុជម្រះ បានលើកពេលប្រកាសសាលពីជោគវាសនាកញ្ញា សេង ធារី និងបក្សពួក ទៅថ្ងៃទី១៤ ខែមិថុនា ឆ្នាំ២០២២ នេះ៕
ចែករំលែកព័តមាននេះ