រាជធានីភ្នំពេញ ៖ តារាសម្តែងកញ្ញាមាស សម្ជស្ស បាត់មុខពីអាជីពសិល្បៈជាងមួយឆ្នាំមកហើយនោះ ព្រោះតែភ្ជាប់ចំណងស្នេហ៍ឆ្លងទ្វីបជាមួយអាណិកជនអាមេរិក ។ ពួកនាងបានបង្កើតមុខរបររួមគ្នា ដូច្នេះហើយ
រាជធានីភ្នំពេញ ៖ តារាសម្តែងកញ្ញាមាស សម្ជស្ស បាត់មុខពីអាជីពសិល្បៈជាងមួយឆ្នាំមកហើយនោះ ព្រោះតែភ្ជាប់ចំណងស្នេហ៍ឆ្លងទ្វីបជាមួយអាណិកជនអាមេរិក ។ ពួកនាងបានបង្កើតមុខរបររួមគ្នា ដូច្នេះហើយងាកចេញឆ្ងាយពីសិល្បៈ ។
មានការលើកឡើងថា កញ្ញាមាស សម្ផស្ស បានរួមរស់ជាមួយគូស្នេហ៍ និងបានចុះលិខិតអាពាហ៍ពិពាហ៍រួចហើយ ដោយមិនទាន់រៀបការទេ ។ អស់រយៈពេលជាច្រើនខែមកហើយដែលមាស សម្ជស្ស ប្រើឈ្មោះជាមួយគូស្នេហ៍ជាប្តី-ប្រពន្ធដោយពួកគេទាំងពីរនៅជ្រកក្រោមដំបូលជាមួយគ្នា ។ អ្នកគាំទ្ររបស់សម្ផស្សបានសម្តែងក្តីនឹករលឹកចំពោះការឃ្លាតឆ្ងាយពីសិល្បៈរបស់តារាសម្តែងមានទេពកោសល្យមួយដួងនេះ ។
កញ្ញាមាស សម្ជស្ស កាលពីពេល ថ្មីៗកន្លងមកបានលើកឡើងថា «ក្នុងចិត្តរបស់នាងខ្ញុំសិល្បៈនាងខ្ញុំនៅតែស្រឡាញ់ព្រោះការងារនេះនាងខ្ញុំខំសម្តែង និងស៊ូទ្រាំរាប់ឆ្នាំ ។ យ៉ាងណានាងខ្ញុំមានប្រព័ន្ធហ្វេសបុ៊កសម្រាប់បង្ហាញវត្តមាន ផ្សេងៗជូនអ្នកគាំទ្រដែលនាងខ្ញុំរំពឹងថា បងប្អូនមិនអាចបំភ្លេចរូបនាងខ្ញុំបានឡើយ បើទោះជានាងខ្ញុំមិនបានបង្ហាញស្នាដៃ ថ្មីៗនៅក្នុងខ្សែរឿង ថ្មីៗបែបណាក៏ដោយ ។ មួយរយៈនេះនាងខ្ញុំមិនមានពេលវេលាថតកុនឲ្យបណ្តាផលិតកម្ម ផ្សេងៗណាទេ ព្រោះអត់ពេល មកពីជាប់រកស៊ីផ្ទាល់ខ្លួនមមាញឹក បើទទួលទៅខ្លាចការងារធ្វើឱ្យគេមិនល្អនាំឱ្យស្អុយឈ្មោះ ម្ល៉ោះហើយទើបគិតថាផ្អាកតែម្តង រឿងកេរ្តិ៍ឈ្មោះអីនោះក៏មានការបារម្ភដែរ ។ រហូតមកទល់ពេលនេះនាងខ្ញុំកំពុងពង្រឹងមុខរបររកស៊ីមួយជាមួយគូស្នេហ៍របស់នាងខ្ញុំដែលកំពុងតែមានការវិវឌ្ឍទៅមុខជាលំដាប់ហើយធ្វើឱ្យល្អសិនចាំគិតរឿងសំខាន់ផ្ទាល់ខ្លួនបន្តទៀត ។
ចំពោះបងប្អូនអ្នក គាំទ្រពិតជាដឹងថា នាងខ្ញុំមានគូដណ្តឹងនៅអាមេរិកដោយមិនទាន់រៀបការទេ ប៉ុន្តែយើងបានចុះអេតាស៊ីវិលរួមរស់ជាមួយគ្នាយូរខែមកហើយ ព្រមទាំងគិតរឿងរៀបការអ្វីនោះដូចជាមិនទាន់គិតទេ អាចនៅយូរទៀត ។ នៅពេលនេះនាងនិងស្វាមីក៏មិនទាន់អាចយកកូនទេ ចាំទាល់តែរកស៊ីឲ្យល្អសិន ជាពិសេសនៅពេលអនាគតនាងខ្ញុំ និងស្វាមីអាចនឹងរស់នៅស្រុកខ្មែរយើង ព្រោះគាត់ស្រឡាញ់ស្រុកខ្មែរ បើកាលណាមានការងារត្រឹមត្រូវគឺងាយនឹងរស់នៅ » ។
ចំពោះអាជីពសិល្បៈមាស សម្ផស្សនិយាយថា នាងនឹងមិនបោះបង់ឡើយ អាស្រ័យលើពេលវេលា ព្រោះមហាជនស្គាល់នាងដោយសារសិល្បៈ ។
ចំពោះរៀបការបែបប្រពៃណីខ្មែរ មាស សម្ផស្ស បញ្ជាក់ថា នាងមិនរំលងទេ ព្រោះនាងជាកូនខ្មែរ ។ ការសំពះផ្ទឹម សម្រាប់នាង និងក្រុមគ្រួសារ សាច់ញាតិចាត់ទុកជារឿងសំខាន់ ៕
ចែករំលែកព័តមាននេះ