ទោះស្នេហាបែកបាក់! តែ ឆឹម សក្កដា នៅធ្វើរឿងមួយនេះដាក់ ពេជ្រ សោភា
- ភ្នំពេញ
រាជធានីភ្នំពេញ ៖ បើទោះបីជាចំណងស្នេហ៍ឈានដល់ផ្លូវបែកបាក់ប្រមាណជាង១ឆ្នាំក៏ដោយ ប៉ុន្តែ
រាជធានីភ្នំពេញ ៖ បើទោះបីជាចំណងស្នេហ៍ឈានដល់ផ្លូវបែកបាក់ប្រមាណជាង១ឆ្នាំក៏ដោយ ប៉ុន្តែ
រាជធានីភ្នំពេញ ៖ បើទោះបីជាចំណងស្នេហ៍ឈានដល់ផ្លូវបែកបាក់ប្រមាណជាង១ឆ្នាំក៏ដោយ ប៉ុន្តែតារាសម្តែងលោក ឆឹម សក្កដា បានធ្វើអោយមហាជនមានការភ្ញាក់ផ្អើល បន្ទាប់ពីលោកបានធ្វើរឿងមួយចំពោះតារាចម្រៀងនាង ពេជ្រ សោភា។
រឿងដែលគួរអោយភ្ញាក់ផ្អើលនោះ គឺលោក ឆឹម សក្កដា បានផ្ញើនំខេក អមជាមួយនឹងពាក្យពេចន៍ជូនពរយ៉ាងចាក់ដោតទៅអោយនាង ពេជ្រ សោភា ក្នុងថ្ងៃខួបកំណើតរបស់នាងនៅថ្ងៃទី៩ ខែមិថុនា ឆ្នាំ២០២២នេះ។
នៅលើគណនេយ្យហ្វេសប៊ុករបស់លោក ឆឹម សក្កដា កាលពីម្សិលមិញនេះ បានបង្ហោះនូវសារជូនពរទៅកាន់ ពេជ្រ សោភា បើទោះបីជាសារនោះលោកមិនបានបញ្ជាក់ឈ្មោះអោយច្បាស់ក៏ដោយ។
សារនោះបានបង្ហោះឡើងស្របពេលចំថ្ងៃខួបកំណើតរបស់ ពេជ្រ សោភា ដែលបានប្រារព្ធធ្វើឡើងរៀងរាល់ឆ្នាំ ខណះពេលកាលពីឆ្នាំកន្លងទៅខួបកំណើតនាងក៏មានវត្តមានលោក ឆឹម សក្កដា ផងដែរ។
ជាការកត់សម្គាល់ នៅក្រោយពេលដែលលោក ឆឹម សក្តដា បានបង្ហោះសារជូនពរនៅលើបណ្តាញសង្គមហ្វេសប៊ុកនោះ ប៉ុន្មានក្រោយមក ពេជ្រ សោភា ក៏បានបង្ហោះនំខេកមួយដែលមានសសេរសារជូនពរដូចទៅនឹងសារលោក ឆឹម សក្កដា បានបង្ហោះនោះដែរ។
យ៉ាងណាជាមួយរូបភាពនំខេកមួយនេះ ពេជ្រ សោភា ក៏បានភ្ជាប់ជាមួយនឹងសារបង្ហោះថា គ្មានឈ្មោះ ពាក្យជូនពរដូចធ្លាប់បានឃើញរកនឹកដែរតែគិតមិនចេញយ៉ាងណាអរគុណម្ចាស់នំអត់ឈ្មោះ។
តាមរយៈសកម្មភាពខាងលើនេះមានន័យថា បើទោះបីជា ឆឹម សក្កដា បានបែកបាក់ស្នេហ៍ជាមួយ និង ពេជ្រ សោភា ក៏ដោយប៉ុន្តែក្នុងចិត្តតារាប្រុសរូបនេះហាក់នៅមិនទាន់ភ្លេចនូវស្នាកស្នាមអនុស្សាវរិយ៍ស្នេហាចាស់នៅឡើយទេ។ ជាពិសេសជាងនេះទៅទៀតគឺថ្ងៃខួបកំណើតរបស់ ពេជ្រ សោភា ដែលលោកនៅតែចងចាំ និងបង្ហោះសារជូនពរដូចជាពេលនេះ។
កន្លងមក ឆឹម សក្កដា ធ្លាប់លើកឡើងថា បើទោះបីជាលោក និង ពេជ្រ សោភា បានបែកបាក់ស្នេហាគ្នាក៏ដោយ ប៉ុន្តែលោកក៏នៅរាប់អាននាងជាមិត្តភក្តិធម្មតាដដែល។
លោកបញ្ជាក់ថា ប្រសិនបើលោកមានស្នេហាថ្មីនោះលោកទំនងជាមិនយកអ្នកសិល្បះដូចគ្នាឡើយ ស្របពេលដែល ពេជ្រ សោភា ក៏បានលេចដំណឹងមានស្នេហាថ្មីផងដែរ៕
ចែករំលែកព័តមាននេះ