ខេត្តកណ្ដាល ៖ មានករណីលួចមានស្ថានទោសទម្ងន់ (ឆក់ទូរស័ព្ទដៃ)មួយគ្រឿង បានកើតឡើងលើនិស្សិតម្នាក់ដែលជាជនរងគ្រោះមានភាពក្លាហានជិះម៉ូតូដេញតាមចាប់ចោរនោះវាយដណ្តើមយកទូរស័ព្ទបានមកវិញ ដែលហេតុការណ៍បានកើតឡើង កាលពីវេលាម៉ោង៩ព្រឹកថ្ងៃទី៥ មិថុនា ឆ្នាំ២០២២ ស្ថិតនៅចំណុចលើផ្លូវជាតិលេខ៦…
ខេត្តកណ្ដាល ៖ មានករណីលួចមានស្ថានទោសទម្ងន់ (ឆក់ទូរស័ព្ទដៃ)មួយគ្រឿង បានកើតឡើងលើនិស្សិតម្នាក់ដែលជាជនរងគ្រោះមានភាពក្លាហានជិះម៉ូតូដេញតាមចាប់ចោរនោះវាយដណ្តើមយកទូរស័ព្ទបានមកវិញ ដែលហេតុការណ៍បានកើតឡើង កាលពីវេលាម៉ោង៩ព្រឹកថ្ងៃទី៥ មិថុនា ឆ្នាំ២០២២ ស្ថិតនៅចំណុចលើផ្លូវជាតិលេខ៦ មុខដេប៉ូប្រេងឥន្ធនះតូតាល់ ភូមិលើ ឃុំព្រែកអញ្ចាញ ស្រុកមុខកំពូល ខេត្តកណ្ដាល ខណៈជនរងគ្រោះកំពុងធ្វើដំណើរជិះទៅបោះឆ្នោត ។
នារីជនរងគ្រោះឈ្មោះ សូ គីមស៊ាំង អាយុ២០ឆ្នាំ ជានិស្សិត មានទីលំនៅភូមិត្បូង ឃុំកោះចារ៉ាម ស្រុកខ្សាច់កណ្ដាល ខេត្តកណ្ដាល ។ ដោយឡែក ជនសង្ស័យឈ្មោះ ហ៊ាង សុខហេង អាយុ៣០ឆ្នាំ មុខរបរមិនពិតប្រាកដ មានទីលំនៅភូមិបឹងក្រចាប់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ។
តាមដំណើររឿងឲ្យដឹងថា នៅវេលាព្រឹកថ្ងៃខាងលើ ជនរងគ្រោះបានជិះម៉ូតូ១គ្រឿង ម៉ាកLet’s ពណ៌ខៀវ លាយ.ស ស៊េរីឆ្នាំ២០១៨ ពាក់ផ្លាកលេខភ្នំពេញ ១HE ០៣២៦ ចេញពីផ្ទះនៅបុរីសុភ
មង្គល រាជធានីភ្នំពេញ តែម្នាក់ឯងគោលបំណងទៅផ្ទះ ស្ថិតនៅភូមិត្បូង ឃុំកោះចូរ៉ាម ស្រុកខ្សាច់កណ្ដាល ខេត្តកណ្តាល ដើម្បីទៅបោះឆ្នោតជ្រើសរើសក្រុមប្រឹក្សាឃុំ.សង្កាត់ អាណត្តិទី៥ នេះ ។
លុះជិះជិតដល់ស្ពានព្រែកតាមាក់ ស្រុកមុខកំពូល តាមផ្លូវជាតិលេខ៦A ស្រាប់តែមានចោរម្នាក់ជិះម៉ូតូហុងដាឌ្រីមសង់ C ១២៥ សេរី២០០៨ បានធ្វើសកម្មភាព ឆក់យកទូរស័ព្ទដៃដែលជនរងគ្រោះទុកក្នុងឃ្លុបក្បែរ.កម៉ូតូ ហើយមានបំណងគេចខ្លួន ។ តែដោយភាពក្លាហានរបស់និស្សិតស្ត្រីនោះ នាងជិះម៉ូតូដេញតាម ហើយស្រែកថាចោរៗ ដើម្បីឲ្យគេជួយ ពេលនោះជនសង្ស័យក៏បានជិះបត់ឆ្លងកាត់ ទ្រូងផ្លូវ សំដៅទៅទិសខាងត្បូង ដល់ចំណុចភ្លើងស្តុបកំពង់សាឡាងចាស់ ជនសង្ស័យបានជិះម៉ូតូទៅកៀរជាមួយរថយន្តអ្នកធ្វើដំណើរ បណ្ដាលឲ្យដួលបាក់ជើងខាងស្ដាំ ។
ភ្លាមនោះ ក៏មានសមត្ថកិច្ចនគរបាលប៉ុស្តិ៍ និងជំនាញបានទៅដល់ដែរ ហើយបានធ្វើការឃាត់ខ្លួនជនសង្ស័យ និងបានដកហូតវត្ថុតាងទូរស័ព្ទប្រគល់ឲ្យជនរងគ្រោះវិញ ចំណែកបាននាំទៅអធិការដ្ឋាននគរបាលស្រុកតែម្តងទៅ ។ តែដោយឃើញជនសង្ស័យមាន របួសធ្ងន់បាក់ជើង សមត្ថកិច្ចក៏បានបញ្ជូនជនសង្ស័យដាក់តាមរថយន្តទៅសង្គ្រោះបន្ទាន់ វះកាត់នៅមន្ទីពេទ្យ ខ្មែរសូវៀត រាជធានីភ្នំពេញ ។ តែយ៉ាងណាក្តី សមត្ថកិច្ចបានកសាងសំណុំរឿងបញ្ជូនទៅតុលាការតាមនីតិវិធី ៕
ចែករំលែកព័តមាននេះ