ចេញទៅសិក្សានៅសហរដ្ឋអាមេរិក តែចិត្តនឹក សិល្បៈ
រាជធានីភ្នំពេញ ៖ តារាសម្តែងដែលពុះពារជាមួយសិល្បៈយូរមកហើយ លោកអ៊ី ម៉ាយ៉ាវីន ស្ងាត់ៗស្រាប់តែហោះទៅអាមេរិក ដើម្បីឈោងចាប់ការសិក្សានៅលើតំបន់ដ៏ជឿនលឿនមួយនេះ ។
រាជធានីភ្នំពេញ ៖ តារាសម្តែងដែលពុះពារជាមួយសិល្បៈយូរមកហើយ លោកអ៊ី ម៉ាយ៉ាវីន ស្ងាត់ៗស្រាប់តែហោះទៅអាមេរិក ដើម្បីឈោងចាប់ការសិក្សានៅលើតំបន់ដ៏ជឿនលឿនមួយនេះ ។
ទោះជាពេលនេះ លោករស់នៅអាមេរិក និងផ្អាកការងារសិល្បៈ ក៏តារាប្រុសកូនកាត់ចិននេះ បង្ហាញក្តីនឹករលឹករហូតប្រកាសមិនចោលសិល្បៈនោះឡើយ ។
ដើម្បីបំពេញបំណងអាណាព្យាបាល និងដើម្បីចង់បានអនាគតភ្លឺស្វាង តារាសម្តែងអ៊ី ម៉ាយ៉ាវីន បានសម្រេចចិត្តទៅបន្តការសិក្សានៅសហរដ្ឋអាមេរិក រយៈពេលជិត៦ឆ្នាំ ក្នុងន័យចង់ឲ្យសមត្ថភាពរបស់ខ្លួន វិវត្តន៍កាន់តែខ្លាំងក្នុងសង្គមនាពេលអនាគត ។ គ្មានអ្នកណាដឹងសោះថា នៅសុខៗអ៊ី ម៉ាយ៉ាវីន ឆក់ឱកាសចេញទៅដែនឆ្ងាយនៅលើទឹកដីដ៏ហ៊ឺហារនោះសោះ ខណៈដែលលោកតែងតែឈ្មុលជាមួយការងារសិល្បៈ ទៅណាមកណាដើម្បីសិល្បៈ ។ ទោះជាដឹងថា បានប្រាក់កម្រៃមិនសមសួនបែបណា ក៏ដោយ។
បើនិយាយពីផ្នែកសិក្សានៅសហរដ្ឋអាមេរិកវិញនេះ លោកមិនមែនជាប់អាហារូបករណ៍នោះឡើយប៉ុន្តែជាការបង់ប្រាក់សិក្សាទៅរៀននៅទីនោះ។អាចបញ្ជាក់បានថាសង្គមគ្រួសាររបស់លោកពិតជាមានទ្រព្យនិងមុខជំនួញធំៗ ក្នុងការរកស៊ីឬប្រាក់តម្កល់នៅធនាគារច្រើនទើបបានជាស្ថានទូតអាមេរិកប្រចាំនៅកម្ពុជាអាចផ្តល់សិទ្ឋិឲ្យលោកបន្តការសិក្សានៅអាមេរិកបានយ៉ាងលឿនសូម្បីសាមីខ្លួន ក៏មិនធ្លាប់គិតបានចេញទៅឡើយ។
បញ្ជាក់ប្រាប់អ្នកយកព័ត៌មានយើង តាមសារអេឡិចត្រូនិចកំលោះអ៊ី ម៉ាយ៉ាវីន ដែលរស់នៅអារិកមួយគ្រាធំដើម្បីស្ពាយសញ្ញាបត្រមកធ្វើការនៅកម្ពុជាបានរៀបរាប់ឲ្យដឹងថាលោកស្ទើរមិនជឿសោះឡើយថាស្រាប់តែហោះទៅអាមេរិកភ្លាមៗ ដើម្បីសិក្សានៅទីនោះខណៈលោកកំពុងតែជាប់មមាញឹកជាមួយសិល្បៈ ។
យ៉ាងណា នេះជាការណ៍ពិតមួយ ព្រោះសិល្បៈលោកនៅតែមានចំណង់ចំណូលចិត្តចាប់យកដដែល ប៉ុន្តែការសិក្សានៅអាមេរិកនេះ ក៏ជាហេតុផលសំខាន់ ដែលលោកត្រូវតែបំពេញឲ្យបានល្អក្នុងមួយរយៈកាលធំដោយមើលទៅការរៀនសូត្រ ក៏មានសភាពមិនស្រួលនោះទេ ។
លោកបន្តថាការចាកចេញទៅអាមេរិកនេះលោកអាចថាជាសំណាងដែរព្រោះប៉ាម៉ាក់របស់លោកគាត់មានមុខរបរធំដុំខ្លះដែរព្រោះគាត់ជាអ្នកលក់ឡានស៊េរីទំនើបៗផងនិងធម្មតាផងព្រមទាំងការងារផ្នែកខ្លះទៀតដែលជំនូញគាត់គ៍នឹងធឹងចាប់យកយូរឆ្នាំមកហើយ ។
ម្ល៉ោះហើយពេលដែលលោកនៅស្រុកខ្មែរពេលចេញទៅសម្តែងទីណាតែងតែដូរឡានថ្លៃៗជិះទៅសម្តែងដែលបង្កការភ្ញាក់ផ្អើលនៅកន្លែងថតរហូតមានពេលខ្លះលោកត្រូវគេនិយាយថាមានអ្វីពិសេសក្នុងផ្លូវមួយ។ពិសេសនោះគឺរបស់ប្រើពីមួយទៅមួយដែលលោកបានសម្ញែងក៍ព្រោះតែឡានរបស់ផ្សេងៗជារបស់រកស៊ីហើយឆ្លៀតយកទៅធ្វើការមួយភ្លែតៗខណៈឡានរបស់លោកក៍មានដែរ។
អ៊ីចឹងហើយទើបមានការយល់ច្រឡំយ៉ាងណាសិល្បៈនៅស្រុកខ្មែរមិនបានថ្លៃខ្លួនអីច្រើនទេពេលទៅថតម្តងៗបានប្រាក់តិចពេលខ្លះចូលដើមអស់ជាច្រើន។
ចែករំលែកព័តមាននេះ