ពង្រឹងភាពឆ្លាតវៃដល់កូនរបស់អ្នក !
- ភ្នំពេញ
រាជធានីភ្នំពេញ ៖ ឪពុកម្តាយជាច្រើនកំពុងស្វែងរកវិធីដែលពួកគេអាចធ្វើឱ្យប្រសើរឡើងនូវភាពឆ្លាតវៃ (IQ) ដល់កូនៗ ។ ហើយនេះជាវិធី ៤ យ៉ាងដែលអ្នកអាចធ្វើបាន ៖…
រាជធានីភ្នំពេញ ៖ ឪពុកម្តាយជាច្រើនកំពុងស្វែងរកវិធីដែលពួកគេអាចធ្វើឱ្យប្រសើរឡើងនូវភាពឆ្លាតវៃ (IQ) ដល់កូនៗ ។ ហើយនេះជាវិធី ៤ យ៉ាងដែលអ្នកអាចធ្វើបាន ៖
១. អានដើម្បីបង្កើនភាពវៃឆ្លាតខាងពាក្យសំដី និងភាសា ៖ ការអានមិនត្រឹមតែជួយកែលម្អភាសាដែលចាំបាច់សម្រាប់ការទំនាក់ទំនង និងបន្តការងារក្នុងជីវិតប្រចាំថ្ងៃប៉ុណ្ណោះទេ វាថែមទាំងធ្វើឱ្យចិត្តមានភាពមុតស្រួចផងដែរ ។ ការចាប់ផ្តើមអានតាំងពីកូននៅតូចអាចជួយដល់ការលូតលាស់នៃអក្ខរកម្មរបស់ពួកគេ និងផ្តល់អត្ថប្រយោជន៍ជាច្រើនដល់សមត្ថភាពយល់ដឹងដែលមានសារៈសំខាន់ក្នុងជីវិត ។ និយាយឱ្យខ្លី ការអានធ្វើឱ្យអ្នកកាន់តែឆ្លាត ដូច្នេះសូមអានជាមួយពួកគេជារៀងរាល់ថ្ងៃ ។
២. លេង ប្លុក ដើម្បីបង្កើនភាពឆ្លាតវៃ ៖ ហ្គេមផ្គុំរូប ប្លុក ហ្គេមចងចាំ សិប្បកម្ម រូបតុក្កតា ។ ផ្តល់ឱ្យកូនរបស់អ្នកនូវពេលវេលា និងកន្លែងទំនេរគ្រប់គ្រាន់ដើម្បីលេងជាមួយឧបករណ៍ទាំងនេះនៅពេលពួកគេរៀនថ្នាក់មត្តេយ្យ ។ ការលេងប្លុក និងសំណង់មានសារៈសំខាន់ និងមានប្រយោជន៍ ព្រោះវាផ្តល់ឱ្យកូនរបស់អ្នកនូវឱកាសសិក្សាច្រើន ។
៣. ធ្វើលំហាត់គណិតវិទ្យា និងកាយសម្បទា ៖ ជាទូទៅប្រើភាពវៃឆ្លាតរបស់យើងនៅពេលយើងជួបស្ថានភាពថ្មី ។ សម្រាប់កុមារតូចៗ អ្នកអាចចាប់ផ្តើមដោយប្រើឧទាហរណ៍ជាក់ស្តែង ដើម្បីបង្ហាញពីទំនាក់ទំនងរវាងវត្ថុ ។ ប្រសិនបើអ្នកកំពុងបង្រៀនកូនរបស់អ្នកពីភាពខុសគ្នារវាងការ៉េ និងចតុកោណ ចូរបង្ហាញពួកគេនូវវត្ថុរាងការ៉េ និងចតុកោណកែងពិតៗនៅជុំវិញផ្ទះ ។ ឱ្យពួកគេមើល និងប៉ះវត្ថុនានា ដើម្បីមានអារម្មណ៍ថា ខុសគ្នា ។ លំហាត់ប្រាណក៏អាចធ្វើឱ្យភាពឆ្លាតវៃប្រសើរឡើងផងដែរ ។ វាត្រូវបានគេរកឃើញថា អ័រម៉ូនមួយចំនួនត្រូវបានបញ្ចេញក្នុងអំឡុងពេលបញ្ចេញសកម្មភាពរាងកាយ ហើយអ័រម៉ូនទាំងនេះមានអត្ថប្រយោជន៍ដល់តំបន់នៃខួរក្បាលដែលភ្ជាប់ទៅនឹងការរៀនសូត្រ និងការចងចាំ ។ ដូច្នេះនាំកូនៗរបស់អ្នកទៅរត់លេង ឬដើរលេង ។
៤. សរសើរការខិតខំប្រឹងប្រែង ៖ ការសរសើរមានប្រសិទ្ធភាពបំផុត ។ ដំណើរការសិក្សា និងការខិតខំប្រឹងប្រែងរបស់កូនអ្នក ជាចម្បងគួរតែសង្កត់ធ្ងន់លើការសរសើរ ជាពិសេសសរសើរផ្តោតលើភាពវៃឆ្លាតក្នុងការសិក្សា ។ កុមារត្រូវការការលើកទឹកចិត្តដ៏ល្អ ដើម្បីជំរុញការសិក្សារបស់ពួកគេ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់កម្មវិធីអប់រំមត្តេយ្យភាសាខ្មែរ និងអង់គ្លេស, កម្មវិធីភាសាអង់គ្លេស, កម្មវិធីភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ព្រមទាំង ទទួលចុះឈ្មោះសិស្សចូលរៀនជារៀងរាលថ្ងៃ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ