ចចកព្រៃ មិនដឹងចេញមកពីណា ដេញខាំពលរដ្ឋជាច្រើននាក់ផ្អើលទាំងព្រឹក
- កំពង់ឆ្នាំង
ចចកព្រៃមួយក្បាលត្រូវបានប្រជាពលរដ្ឋលើកគ្នាដេញវា.យសម្លា.ប់ បន្ទាប់ពីដេញខាំប្រជាពលរដ្ឋ បណ្តាលឱ្យ
ខេត្តកំពង់ឆ្នាំង ៖ ចចកព្រៃមួយក្បាលត្រូវបានប្រជាពលរដ្ឋលើកគ្នាដេញវា.យសម្លា.ប់ បន្ទាប់ពីដេញខាំប្រជាពលរដ្ឋ បណ្តាលឱ្យរងរបួសចំនួន៥ទៅ៦នាក់ ។ ហេតុការណ៍នេះ បានកើតឡើងនៅវេលាម៉ោងប្រមាណ៦ព្រឹក ថ្ងៃទី២៤ ខែឧសភា ឆ្នាំ២០២២ នៅចំណុចភូមិស្នោ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ។
បើតាមសមត្ថកិច្ចនគរបាលមូលដ្ឋាន បានឲ្យដឹងថា នៅមុនពេលកើតហេតុ មានប្រជាពលរដ្ឋបាននាំគ្នាទៅយកចង្រិតនៅតាមអន្ទាក់ដែលពួកគាត់បានដាក់នៅចុងភូមិស្នោ ពេលនោះក៏មានចចកព្រៃមួយក្បាល សម្បុរសលាយលឿង បានស្ទុះចេញពីព្រៃមកខាំប្រជាពលរដ្ឋម្នាក់ ហើយហក់ទៅខាំពលរដ្ឋម្នាក់ទៀត ព្រមទាំងចូលទៅក្នុងភូមិ ដេញខាំប្រជាពលរដ្ឋមិនរើសមុខឡើយ ហាក់ដូចជាឆ្កែឆ្កួតមួយក្បាល បណ្ដាលឲ្យរងរបួសប្រជាពលរដ្ឋចាប់ពី៥ទៅ៦នាក់ ។ ហើយពេលនោះ ប្រជាពលរដ្ឋក៏បានលើកគ្នាដេញវា.យសម្លា.ប់ចចកព្រៃនោះតែម្តង ។
ប្រភពដដែលបានបន្តថា នៅភូមិស្នោ ឃុំខុនរ៉ងនេះ មិនមែនជាភូមិមានព្រៃប៉ុន្មានទេ គ្រាន់តែជាព្រៃរបោះ និងគុម្ពឫស្សីនៅជាប់ជើងភូមិច្រើនតែប៉ុណ្ណោះ មិនដឹងថា តើចចកព្រៃមួយក្បាលនេះចេញពីណាមកនោះទេ0x017d7 ។ ហើយចំពោះប្រជាពលរដ្ឋដែលរងរបួសបានទៅព្យាបាលដោយខ្លួនឯងផងដែរ។
សូមបញ្ជាក់ថា មិនមានអ្នករងរបួសធ្ងន់ក្នុងហេតុការណ៍ខាងលើនោះទេ ប៉ុន្តែអ្វីដែលចម្លែកនោះ គឺនេះជាលើកទីមួយហើយ ដែលមានចចកព្រៃចេញមកខាំប្រជាពលរដ្ឋបែបនេះ ៕
ចែករំលែកព័តមាននេះ