គ្រាន់តែសួរនាំរឿងបាត់ខ្ចៅទូរស័ព្ទ ម្ចាស់ហាងទូរស័ព្ទវា.យបុរសម្នាក់
- ភ្នំពេញ
រាជធានីភ្នំពេញ ៖ បុរសម្នាក់ដែលជាម្ចាស់ហាងលក់ និងជួសជុលទូរស័ព្ទយីហោ«លី ហេង» បានប្រើ
រាជធានីភ្នំពេញ ៖ បុរសម្នាក់ដែលជាម្ចាស់ហាងលក់ និងជួសជុលទូរស័ព្ទយីហោ«លី ហេង» បានប្រើ
រាជធានីភ្នំពេញ ៖ បុរសម្នាក់ដែលជាម្ចាស់ហាងលក់ និងជួសជុលទូរស័ព្ទយីហោ«លី ហេង» បានប្រើដំបងដែករលាស់វា.យទៅលើបុរសម្នាក់ទៀត បណ្ដាលឲ្យរបួសធ្ងន់ ខណៈពេលដែលជនរងគ្រោះយកទូរស័ព្ទទៅជួសជុលហើយជនដៃបានធ្វើឲ្យបាត់ខ្ចៅ២គ្រាប់ លុះពេលជនរងគ្រោះទៅសួរនាំ ក៏បណ្ដាលឲ្យមានទំនាស់ពាក្យសម្ដីគ្នាមួយប្រាវ ហើយម្ចាស់ហាងលក់ទូរស័ព្ទរូបនោះក៏បានវា.យសំពងតែម្ដង ។
ហេតុការណ៍ខាងលើនោះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី២១ ខែឧសភា ឆ្នាំ២០២២ នៅចំណុចហាងលក់ទូរស័ព្ទដៃ យីហោ «លី ហេង» ដែលមានទីតាំងស្ថិតនៅតាមបណ្តោយផ្លូវបេតុង ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ម្ចាស់ហាងនិងជាជនដៃដល់ខាងលើនេះពុំត្រូវបានស្គាល់អត្តសញ្ញាណនោះទេ ប៉ុន្តែបើតាមប្រភពពីកន្លែងកើតហេតុប្រាប់ថាយីហោ «លី ហេង »នោះគឺជាឈ្មោះរបស់ជនដៃដល់និងតែម្ដង ។ ជនសង្ស័យ១រូបនេះក៏ត្រូវបាននគរបាលប៉ុស្តិ៍ចោមចៅទី៣ចុះទៅឃាត់ខ្លួនដល់ហាងរបស់ខ្លួន កាលពីព្រឹកថ្ងៃទី២២ ខែឧសភា រួចនាំទៅសាកសួរនិងដោះស្រាយជាមួយជនរងគ្រោះនៅប៉ុស្តិ៍ ។ ចំណែកបុរសដែលជាជនរងគ្រោះឈ្មោះ ផន សំណាង អាយុ៣១ឆ្នាំ មុខរបរជាងសំណង់ ស្នាក់នៅបន្ទប់ជួលក្បែរកន្លែងកើតហេតុនោះដែរ។
បុរសរងគ្រោះរូបនោះបាននិយាយថា ប្រហែល១អាទិត្យមុន គាត់បានយកទូរស័ព្ទ១គ្រឿងទៅឲ្យម្ចាស់ហាងលក់លក់ទូរស័ព្ទដៃ យីហោ «លី ហេង» នេះជួសជុល ដោយនៅពេលនោះទូរស័ព្ទមានខ្ចៅគ្រប់ចំនួនទាំងអស់គ្មានបាត់១គ្រាប់ឡើយ ។ លុះក្រោយពីជនដៃដល់ជួសជុលរួច គាត់បានទៅយកមកប្រើជាធម្មតា ប៉ុន្តែអត់បានដោះស្រោមមើលទេហើយក៏ចេះតែប្រើទៅ ហើយ១អាទិត្យក្រោយមក ទើបគាត់ដកទូរស័ព្ទចេញពីស្រោមមកមើលស្រាប់តែបាត់ខ្ចៅ២គ្រាប់។
បុរសរូបនេះបានប្រាប់ទៀតថា ខណៈនោះគាត់បានទៅសួរនាំជនដៃដល់ ហើយជននេះពុំព្រមទទួលខុសត្រូវឡើយ ទើបបង្កឲ្យមានទំនាស់ពាក្យសម្ដីគ្នាកើតឡើង ហើយម្ចាស់ហាងនេះទាញដំបងដែករលាស់មកវា.យសំពងគាត់ បណ្ដាលឲ្យរងរបួសដៃ ខ្លួនប្រាណ និងបែ.កក្បាលហូរឈា.ម ។ ពេលនោះគាត់ពុំអាចតបតបានឡើយ ព្រោះដៃទទេ ហើយបើកុំតែបានអ្នកជិតខាងជួយឃាត់ កុំអីគាត់ត្រូវស្លា.ប់ បន្ទាប់មកគាត់អត់បានទៅដាក់ពាក្យបណ្ដឹងភ្លាមៗនោះទេ ព្រោះជាប់ទៅព្យាយបាលរបួសហើយគ្រូពេទ្យដេររបួសក្បាលចំនួន៥ថ្នេរ ។
ជាងសំណង់រងគ្រោះបានបន្តទៀតថា រហូតមកដល់ព្រឹកថ្ងៃទី២២ ខែឧសភា ឆ្នាំ២០២២ ទើបចេញពីមន្ទីរពេទ្យរួចបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី៣ ជួយអន្តរាគមន៍។ភ្លាមៗនោះកម្លាំងនគរបាលបាន ចុះទៅឃាត់ខ្លួនជនដៃដល់មកធ្វើការសាកសួរនៅប៉ុស្តិ៍ ហើយក៏មានការសម្របសម្រួលគ្នានៅទីនោះ ។ គាត់បានទាមទារថ្លៃព្យាបាលរបួសចំនួន១,០០០ដុល្លារ ហើយជនដៃដល់សុំត្រឹម៩០០ដុល្លារ ខណៈនោះដោយខ្ជិលមានរឿងវែងឆ្ងាយតទៅទៀត គាត់ក៏យល់ព្រមទទួលយកបញ្ចប់រឿង៕
ចែករំលែកព័តមាននេះ