រាជធានីភ្នំពេញ ៖ បើគ្មានការប្រែប្រួលទេ នៅពហុកីឡដ្ឋានជាតិអូឡាំពិកក្នុងរាជធានីភ្នំពេញ វេលាម៉ោង៥ល្ងាចថ្ងៃទី២៨ ខែតុលា ឆ្នាំ២០១៦នេះ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នឹងអញ្ជើញជាអធិបតីដ៏ខ្ពង់ខ្ពស់បើកការប្រកួតកីឡាជាតិលើកទី១ ។
ការប្រកួតបានចាប់ផ្តើមកាលពីថ្ងៃទី២៥ ខែតុលា រហូតដល់ថ្ងៃទី០៥ ខែវិច្ឆិកា ឆ្នាំ២០១៦ ដោយមានកីឡា១៥ប្រភេទ និងមាន១៨៩វិញ្ញាសារ ។
បើតាមផេកសម្តេចតេជោនាយករដ្ឋមន្ត្រី ការប្រកួតកីឡាជាតិលើកទី១នេះគឺជាព្រឹត្តិការណ៍ប្រវត្តិសាស្ត្រដ៏សំខាន់បំផុតក្នុងការលើកស្ទួយ និងជំរុញវិស័យកីឡាជាតិអោយកាន់តែរីកចម្រើនខ្ពស់ត្រដែតឡើង និងដើម្បីត្រៀមរៀបចំខ្លួនក្នុងនាមជាម្ចាស់ផ្ទះនៅក្នុងការប្រកួតកីឡាស៊ីហ្គេមលើកទី៣២ (SEA-Games) នៅឆ្នាំ២០២៣ខាងមុខនេះផងដែរ។
សម្តេចប្រមុខរាជរដ្ឋាភិបាលក៏បានអំពាវនាចដល់ប្រជាពលរដ្ឋ ជាពិសេស យុវជន យុវតី ចូលរួមទស្សនាគាំទ្រលើកទឹកចិត្តដល់ការប្រកួតកីឡាជាតិលើកទី១នេះអោយបានច្រើនកុះករទាំងអស់គ្នាកុំបីខាន៕
ចែករំលែកព័តមាននេះ