រថយន្តហ្វូត ពណ៌ត្រីអ៊ី គ្មានផ្លាក់លេខមួយគ្រឿង បានឡើងវ៉ាដោយគ្មានការប្រុងប្រយ័ត្ន រួចក៏ទៅបុកជាមួយនឹងរថយន្តដឹកទំនិញ បណ្តាលឱ្យដាច់
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា រថយន្តហ្វូត ពណ៌ត្រីអ៊ី គ្មានផ្លាក់លេខមួយគ្រឿង បានឡើងវ៉ាដោយគ្មានការប្រុងប្រយ័ត្ន រួចក៏ទៅបុកជាមួយនឹងរថយន្តដឹកទំនិញ បណ្តាលឱ្យដាច់កង់មុខខាងឆ្វេងក៏ធ្លាក់ប្រឡាយ ហើយរថយន្តបង្កបានបើករត់ តែត្រូវប៉ូលិសស្ទាក់ចាប់បាន បង្កឱ្យមានការភ្ញាក់ផ្អើលកាលពីម៉ោង១០និង២០នាទីយប់ ថ្ងៃទី១៤ ខែឧសភា ឆ្នាំ២០២២ នៅព្រំប្រទល់ក្រុងសិរីសោភ័ណ និងស្រុកព្រះនេត្រព្រះ។
បើតាមអ្នកឃើញហេតុការណ៍បានប្រាប់ឱ្យដឹងថា នៅពេលគ្រោះថ្នាក់ចរាចរណ៍កើតឡើង គឺរថយន្តហ្វូត ពណ៌ត្រីអ៊ី គ្មានពាក់ផ្លាក់លេខ បានបើកបរតាមបណ្តោយផ្លូវជាតិលេខ៦ ទិសដៅពីកើតមកលិច ក្នុងល្បឿនលឿន ហើយក៏បានឡើងវ៉ារថយន្ត១គ្រឿងទៀតដែលជិះស្របទិសគ្នាគ្មានការប្រុងប្រយ័ត្ន បន្ទាប់មកក៏ទៅបុកជាមួយរថយន្តធុនធំដឹកទំនិញ ដែលបើកបរបញ្ច្រាស់ទិសគ្នាពីលិចមកកើត បុកយ៉ាងពេញទំហឹង បណ្តាលអោយរថយន្តហ្វូត ដាច់កង់មុខខាងឆ្វេង ក៏រ៉េចង្កូចធ្លាក់ប្រឡាយ សំណាងគ្មានទឹក តែបណ្តាលអ្នកបើកបររងរបួសស្រាល ហើយរថយន្តបង្កក៏បានបើករត់ តែត្រូវកម្លាំងអធិការដ្ឋាននគរបាលស្រុកព្រះនេត្រព្រះឃាត់បាន។
ក្រោយពេលគ្រោះថ្នាក់ ក៏ឃើញកម្លាំងជំនាញអធិការដ្ឋាននគរបាលចរាចរណ៍ក្រុងសិរីសោភ័ណ និងកម្លាំងជំនាញអធិការដ្ឋាននគរបាលស្រុកព្រះនេត្រព្រះ បានចុះមកដល់កន្លែងកើតហេតុ បានអោយដឹងថា គ្រោះថ្នាក់ចរាចរណ៍នេះកើតឡើង គឺបណ្តាលមកពីរថយន្តហ្វូត បើកបរក្នុងល្បឿនលឿន ហើយឡើងវ៉ាគ្មានការប្រុងប្រយ័ត្នក៏ទៅបុកជាមួយរថយន្តធុនធំដឹកទំនិញ បណ្តាលដាច់កង់ម្ខាងធ្លាក់ផ្លូវ សំណាងហើយអ្នកបើកបររបួសស្រាល តែបណ្តាលខូចខាតរថយន្តមួយចំហៀងខាងឆ្វេង និងដាច់កង់ខាងឆ្វេងម្ខាង។
មន្ត្រីជំនាញអធិការដ្ឋាននគរបាលក្រុងសិរីសោភ័ណ បានបញ្ជាក់ថា ក្រោយចុះពិនិត្យហើយ ដោយរថយន្តបង្កដែលបើកគេច ត្រូវបានកម្លាំងអធិការដ្ឋាននគរបាលស្រុកព្រះនេត្រព្រះ ឃាត់បាន រួចប្រគល់រថយន្តរងគ្រោះទៅកម្លាំងនគរបាលចរាចរណ៍ស្រុកព្រះនេត្រព្រះ ដើម្បីដោះស្រាយគ្នាតាមច្បាប់។
គួររំលឹកផងដែរថា នៅពេលគ្រោះថ្នាក់ចរាចរណ៍កើតឡើង រថយន្តហ្វូត ពណ៌ត្រីអ៊ី គ្មានពាក់ផ្លាក់លេខ បុកជាមួយរថយន្តធុនធំដឹកទំនិញ គេឃើញអ្នកអន្តរាគមន៍មានទាំងនគរបាល និងយោធាខាងរថយន្តហ្វូតពណ៌ត្រីអ៊ី គ្មានពាក់ផ្លាក់លេខ ដោយហាមមិនអោយអ្នកសារព័ត៌មានថតនោះទេ៕
ចែករំលែកព័តមាននេះ