អ៊ុយក្រែង ៖ អាជ្ញាធរយោធាអ៊ុយក្រែន បានធ្វើការប្រមូលសាកស.ពទាហានរុស្ស៊ីរក្សាទុកក្នុងរថយន្តក្លាស្សេ ដែលសាកស.ពទាំងនោះត្រូវបានប្រមូលបានក្រោយពេលមានការប្រយុទ្ធគ្នានៅក្នុងតំបន់ Kyiv និង Chernihiv។
លោក Volodymr Lyamzin ប្រធានកិច្ចសហប្រតិបត្តិការយោធាស៊ីវិលអ៊ុយក្រែនបាននិយាយថា អ៊ុយក្រែន ធ្វើស្របតាមច្បាប់អន្តរជាតិ និងត្រៀមខ្លួនជាច្រើន ដើម្បីប្រគល់សាកស.ពទៅកាន់ប្រទេសរុស្ស៊ីវិញ។
លោកបញ្ជាក់ដូច្នេះថា «បើយោងតាមច្បាប់មនុស្សធម៌អន្តរជាតិ អ៊ុយក្រែនកំពុងអនុវត្តន៍វាយ៉ាងតឹងរ៉ឹង។ បន្ទាប់ពីជម្លោះចប់ ភាគីត្រូវបញ្ជូនសាកស.ពទាហាននៃប្រទេសមួយផ្សេងទៀតត្រឡប់ទៅវិញ»។
សូមបញ្ជាក់ថា កាលពីដើមសប្តាហ៍នេះ យោធាអ៊ុយក្រែនបាននិយាយថា រុស្ស៊ី ២៦.០០០នាក់ ចាប់តាំងពីមានការឈ្លានពានខ្លួននៅថ្ងៃទី២៤ ខេកុម្ភៈមក។ កងទ័ពរុស្ស៊ីក៏បានបាត់បង់រថក្រោះ ១.១៧០គ្រឿង រថពាសដែក ២.៨០៨គ្រឿង យន្តហោះ ១៩៩គ្រឿង និងឧទ្ធម្ភាគចក្រចំនួន ១៥៨គ្រឿង។ នេះជាការបញ្ជាក់របស់អគ្គសេនាធិការកងទ័ពអ៊ុយក្រែននៅលើហ្វេសបុកថ្ងៃអង្គារ៍នេះ។
អ៊ុយក្រែននិយាយទៀតថា តួលេខនេះ កំពុងត្រូវបានធ្វើបច្ចុប្បន្នភាពដោយសារតែកំពុងមានការបន្តប្រយុទ្ធគ្នា។
ការបាត់បង់កងទ័ពដ៏ធ្ងន់បំផុតរបស់រុស្ស៊ី គឺកើតឡើងនៅចុងខែមីនា ដោយអ៊ុយក្រែនបញ្ជាក់ថា កងទ័ពរុស្ស៊ីជាង ១.៣០០នាក់ត្រូវបានសម្លា.ប់៕ (យោងតាមប្រភព៖ Aljazeera)
ចែករំលែកព័តមាននេះ