អ៊ុយក្រែនអះអាងថា បានកម្ទេចនាវាព្យុហយាត្រាដ៏ពិសេសរបស់លោកពូទីន (វីដេអូ)
អ៊ុយក្រែន ៖ កងកម្លាំងអ៊ុយក្រែនបានអះអាងថា ពួកគេបានបំផ្លាញនាវាព្យុហយាត្រាដ៏ពិសេសរបស់ប្រធានាធិបតី
អ៊ុយក្រែន ៖ កងកម្លាំងអ៊ុយក្រែនបានអះអាងថា ពួកគេបានបំផ្លាញនាវាព្យុហយាត្រាដ៏ពិសេសរបស់ប្រធានាធិបតីរុស្ស៊ី Vladimir Putin ដែលតែងតែប្រើសម្រាប់ការត្រួតពិនិត្យកងនាវាចររបស់លោក។ នេះបើយោងតាមប្រភពពី Daily Mail និង The Sun បានចេញផ្សាយកាលពីថ្ងៃទី១០ ខែឧសភា ឆ្នាំ២០២២។
នាវាល្បាតពិសេសប្រភេទ Raptor-Class ពណ៌ស ត្រូវបានរាយការណ៍ថា រងការវាយប្រហារដោយគ្រាប់បែកដឹកនាំដោយប្រព័ន្ធឡាស៊ែរ (Laser-Guided Bomb) ដែលទម្លាក់ចេញពីយន្តហោះគ្មានមនុស្សបើករបស់អ៊ុយក្រែនប្រភេទ Bayraktar TB2 នៅជិតកោះពស់ក្នុងដែនសមុទ្រខ្មៅ។
មេដឹកនាំរុស្ស៊ីបានប្រើប្រាស់នាវានេះ ជាមួយនឹងការរចនាលេខ០០១ សម្រាប់ចុះត្រួតពិនិត្យកងនាវានៅទីក្រុង Sevastopol និង St Petersburg ។ លោកពូទីនក៏បានប្រើនាវានេះ ដើម្បីថ្លែងសុន្ទរកថា ក៏ដូចជាធ្វើព្យុហយាត្រាយោធាជើងទឹកផងដែរ។
កងទ័ពជើងទឹកអ៊ុយក្រែនបានចែករំលែកវីដេអូលើបណ្តាញសង្គមហ្វេសប៊ុកផ្លូវការ ដើម្បីបង្ហាញអំពីយន្តហោះគ្មានមនុស្សបើករបស់ខ្លួន បានវាយប្រហារលើនាវាព្យុហយាត្រាពិសេសរបស់លោកពូទីន។ បើទោះបីជាមានការចោទប្រកាន់ថា ការបង្ហោះរបស់ពួកគេមិនត្រូវបានផ្ទៀងផ្ទាត់ដោយឯករាជ្យនោះទេ។ ដោយគេជឿថាវាអាចគ្រាន់តែជានាវាល្បាតប្រភេទដូចគ្នាមួយផ្សេងទៀតតែប៉ុណ្ណោះ។
ជាមួយគ្នានោះ កងកម្លាំងប្រដាប់អាវុធអ៊ុយក្រែនក៏បានអះអាងពីការបំផ្លាញយានចុះចតយន្តហោះចម្បាំង Serna-Class ដែលបំពាក់ប្រព័ន្ធមីស៊ីលពីក្រោមទៅអាកាសរបស់រុស្ស៊ី នៅឯកោះពស់ មានចម្ងាយប្រហែល ១២៨គីឡូម៉ែត្រភាគខាងត្បូងទីក្រុង Odesa ប្រទេសអ៊ុយក្រែនផងដែរ៕ (ដកស្រង់ចេញពី Daily Mail)
ចែករំលែកព័តមាននេះ