សង្គ្រាមអ៊ុយក្រែន ៖ ប្រធានាធិបតីរុស្ស៊ី លោកវ្ល៉ាឌីមៀរពូទីន កាលពីថ្ងៃទី១៦ កញ្ញា បានអំពាវនាវដល់ពលរដ្ឋរុស្ស៊ី ឲ្យនាំគ្នាទៅបោះឆ្នោតសភា ដើម្បីធានាដល់ជ័យជម្នះរបស់រុស្ស៊ីនៅអ៊ុយក្រែន ។
ការបោះឆ្នោតសភានៅរុស្ស៊ី ពីថ្ងៃទី១៨ ទៅ២០កញ្ញា ត្រូវបានគេចាត់ទុកថា ជាភស្ដុ្ដតាងនៃការគាំទ្រដល់កងទាហានរុស្ស៊ី ដែលកំពុងច្បាំងនៅអ៊ុយក្រែន ។ វាជាការវាស់ស្ទង់ការគាំទ្ររបស់ពលរដ្ឋរុស្ស៊ីចំពោះសង្គ្រាមនេះ ។ ការបោះឆ្នោតនោះ គឹដើម្បីជ្រើសរើសសមាជិកសភារុស្ស៊ីដែលមាន៤៥០កៅអី ។ វាជាការបោះឆ្នោតសភារុស្ស៊ីលើកដំបូងចាប់តាំងពីរុស្ស៊ីលុកលុយចូលអ៊ុយក្រែនពីខែកុម្ភៈ ឆ្នាំ២០២២ មក ។
ក្នុងការបោះឆ្នោតនោះពិតណាស់ថា គណបក្សរុស្ស៊ីរួបរួមរបស់លោកពូទីន នឹងនៅតែរក្សាសំឡេងភាគច្រើនលើសលុបក្នុង
សភា ព្រោះប្រព័ន្ធនយោបាយរុស្ស៊ី ត្រូវបានត្រួតត្រាណែនដោយគណបក្សកាន់អំណាច ។ ក្នុងសង្កថា តាមទូរទស្សន៍ទៅកាន់ប្រជាជាតិមុនការបោះឆ្នោតនេះ មេដឹកនាំរុស្ស៊ីលើកពីសង្គ្រាមនៅអ៊ុយក្រែន និងបណ្ដាដែនដីអ៊ុយក្រែនដែលរុស្ស៊ី កាន់កាប់ដោយអះអាងថា ការទៅបោះឆ្នោតជាការរួមចំណែក ធានាដល់ជ័យជម្នះរបស់រុស្ស៊ី និងបង្ហាញពីការប្ដេជ្ញាចិត្តរបស់ប្រជាជាតិ ទប់ទល់នឹងការគាបសង្កត់ពីខាងក្រៅ។
លោកថា ការជ្រើសរើសនិងឆន្ទៈរបស់លោកអ្នក នឹងបង្ហាញជាថ្មីថា មនុស្សច្រើនលាននាក់នៅតែគាំទ្រកងទាហានយើង ដោយយើងបង្កើតការរួបរួមគ្នាជាធ្លុងមួយ និងពីការស្រឡាញ់មាតុភូមិយើង ដោយគ្មាននរណាម្នាក់អាចបំបែកបំបាក់ បំភិតបំភ័យឬបំផ្លាញអធិបតេយ្យភាពព្រមទាំងប្រព័ន្ធសង្គមនយោបាយរបស់យើងបានឡ៊ើយ ។
លោកពូទីនបន្តទៀតថា ការបោះឆ្នោតនេះ នឹងជាការឆ្លើយតបរួមមួយ ចំពោះពួកអ្នក ដែលស្វែងរកធ្វើឲ្យរុស្ស៊ីចុះខ្សោយ និងរារាំងការអភិវឌ្ឍរបស់យើង ។ គួរកត់សម្គាល់ថា រុស្ស៊ីបានរៀបចំការបោះឆ្នោត មុនកាលកំណត់រួចហើយនៅតាមបណ្ដាតំបន់អ៊ុយក្រែនដែលខ្លួនកាន់កាប់ ៕
ចែករំលែកព័តមាននេះ