រាជធានីភ្នំពេញ ៖ មន្ទីរពេទ្យក្វាងចូវទំនើបផ្នែកមហារីកកាលពីថ្ងៃទី៨ ខែតុលា កន្លងទៅ បានរៀបចំសិក្ខាសាលាបង្ហាញពីបច្ចេកវិទ្យាថ្មី ព្យាបាលជំងឺមហារីកបន្សល់នូវស្នាមរបួសតិចតួច ដើម្បីផ្តល់ក្តីសង្ឃឹមជាថ្មីសម្រាប់អ្នកកើតជំងឺមហារីក។ ពិធីនេះធ្វើឡើងនៅសណ្ឋាគារសុខាភ្នំពេញ ដោយមានការចូលរួមពីលោក វេជ្ជបណ្ឌិត Wu Qing Kai អ្នកជំនាញខាងព្យាបាលជំងឺមហារីក។
លោកសាស្ត្រាចារ្យវេជ្ជបណ្ឌិត Wu Qing Kai មានប្រសាសន៍ថា ការរៀបចំសិក្ខាសាលារបស់មន្ទីរក្វាងចូវទំនើបផ្នែកមហារីក ពេលនេះមិនត្រឹមតែផ្តល់នូវចំណេះដឹង និងបច្ចេកវិទ្យាថ្មីប៉ុណ្ណោះទេ ថែមទាំងបានរៀបចំនូវការពិគ្រោះពិភាក្សាយោបល់ដល់អ្នកជំងឺមហារីកផ្ទាល់ភ្លាមៗផងដែរ។ មន្ទីពេទ្យក្វាងចូវទំនើបផ្នែកមហារីក ជាមន្ទីរពេទ្យមានឯកទេសមួយក្នុងការព្យបាលជំងឺមហារីក ដែលបានបង្កើតឡើងជាង១១ឆ្នាំមកហើយ ដែលមានបច្ចេកទេសព្យាបាលតាមស្ដង់ដារអន្តជាតិ។
ក្នុងឆ្នាំ២០១៤ មន្ទីរពេទ្យក្វាងចូវទំនើបផ្នែកមហារីក ត្រូវបានទទួលស្គាល់គុណភាពព្យាបាលដោយ JCI សហរដ្ឋអាមេរិក ដែលជាការទទួលស្គាល់លក្ខណៈអន្តរជាតិទៅលើការគ្រប់គ្រង និងគុណភាពព្យាបាល ។ នៅក្នុងឆ្នាំ២០១៥ មន្ទីរពេទ្យក្វាងចូវ ក៏បានសហការជាមួយសមព័ន្ធ perennial ប្រទេសសិង្ហបុរីផងដែរ ក្នុងគោលបំណងដើម្បីលើកកម្ពស់គុណភាពនៃការព្យាបាលឈានទៅដល់ស្ដងដារខ្ពស់បំផុត។
លោកសាស្ត្រាចារ្យវេជ្ជបណ្ឌិត បន្តថាមានលក្ខណៈងាយស្រួលមួយដល់អ្នកជំងឺ ។ ចំពោះបច្ចេកវិទ្យាព្យាបាលវិញ ក្នុងឆ្នាំនេះមន្ទីរពេទ្យក្វាងចូ បានស្រាវជ្រាវរកឃើញការព្យាបាលដែលមានលក្ខណៈឈានមុខគេមួយចំនួនដូចជា ៖ ការព្យាបាលដោយ Nanoknife system , ជាបច្ចេកវិទ្យាព្យាបាលថ្មី ដែលបន្ថែមពីលើបច្ចេកវិទ្យាព្យាបាលជាច្រើន ៕
ចែករំលែកព័តមាននេះ