ប្រកាសអ្នកស្នងកំណត់ត្រាមនុស្សចាស់បំផុតលើលោក ក្រោយម្ចាស់កំណត់ត្រាចាស់ទទួលមរណភាព
ជប៉ុន ៖ ជារឿងដ៏សោកស្តាយមួយ បន្ទាប់ពីស្ត្រីចំណាស់ជនជាតិជប៉ុនម្នាក់ ដែលត្រូវបានទទួលស្គាល់ដោយទី
ជប៉ុន ៖ ជារឿងដ៏សោកស្តាយមួយ បន្ទាប់ពីស្ត្រីចំណាស់ជនជាតិជប៉ុនម្នាក់ ដែលត្រូវបានទទួលស្គាល់ដោយទី
ជប៉ុន ៖ ជារឿងដ៏សោកស្តាយមួយ បន្ទាប់ពីស្ត្រីចំណាស់ជនជាតិជប៉ុនម្នាក់ ដែលត្រូវបានទទួលស្គាល់ដោយទីភ្នាក់ងារកំណត់ត្រាពិភពលោកហ្គីនណេស (Guinness World Records) ជាមនុស្សចាស់ជាងគេបំផុតរបស់ពិភពលោកដែលនៅរស់រានមានជីវិត បានទទួលមរណភាពហើយ នៅអាយុ១១៩ឆ្នាំ។ នេះយោងតាមប្រភពពី Guinness World Records ចេញផ្សាយកាលពីថ្ងៃទី២៥ ខែមេសា កន្លងទៅ។
លោកយាយ Kane Tanaka បានកើតនៅថ្ងៃទី២ ខែមករា ឆ្នាំ១៩០៣ នៅឯតំបន់ Fukuoka ភាគនិរតីប្រទេសជប៉ុន។ ខណៈលោកយាយបានទទួលមរណភាពកាលពីថ្ងៃទី១៩ ខែមេសា ឆ្នាំ២០២២។ ហើយដំណឹងនេះ ត្រូវបានបញ្ជាក់ដោយលោក Robert Young ទីប្រឹក្សាជាន់ខ្ពស់ដែលជាអ្នកចុះកំណត់ត្រារបស់លោកយាយ Kane Tanaka កាលពីឆ្នាំ ២០១៩ ជាមនុស្សចាស់ ហើយក៏ជាស្ត្រីចាស់ជាងគេបំផុតរបស់ពិភពលោក ដែលនៅរស់រានមានជីវិត។ នៅពេលដែលលោកយាយមានអាយុ ១១៦ឆ្នាំ និង ២៨ថ្ងៃ។
ជាមួយគ្នានោះ បន្ទាប់ពីមរណភាពរបស់លោកយាយ Kane Tanaka ត្រូវបានបញ្ជាក់ជាផ្លូវការរួចមក។ ទីភ្នាក់ងារកំណត់ត្រាពិភពលោកហ្គីនណេសបានធ្វើការប្រកាសជាផ្លូវការ កាលពីថ្ងៃទី២៥ ខែមេសា ថាដូនជី Lucile Randon ដែលត្រូវបានស្គាល់ថា «Sister André» ជនជាតិបារាំងអាយុ ១១៨ឆ្នាំ ដែលកើតនៅថ្ងៃទី១១ ខែកុម្ភៈ ឆ្នាំ ១៩០៤ ក្លាយជាអ្នកស្នងកំណត់ត្រាមនុស្សចាស់ ហើយក៏ជាស្ត្រីចាស់ជាងគេបំផុតរបស់ពិភពលោក ដែលនៅរស់រានមានជីវិតនៅពេលបច្ចុប្បន្ន៕ (ដកស្រង់ចេញពីគេហទំព័រ Guinness World Records)
ចែករំលែកព័តមាននេះ