ខេត្តឧត្តរមានជ័យ ៖ គេបានសង្កេតឃើញនៅខេត្តឧត្តរមានជ័យ ដែលខេត្តនេះស្ថិតនៅទិសឧត្តរ ហើយមានផ្ទៃដីលាតសន្ធឹងតាមខ្សែបណ្តោយព្រំដែនកម្ពុជា-ថៃ ក្នុងទស្សវត្តន៍ឆ្នាំ៨០ បានកើតមានសង្គ្រាមស៊ីវិលក្នុងស្រុកដ៏រាំរ៉ៃ ដ៏ក្តៅគរគុក រវាងកងទ័ពរដ្ឋកម្ពុជា និងកងទ័ពខ្មែរក្រហម កងទ័ពប៉ារ៉ា រហូតមកទល់ទស្សវត្តន៍ឆ្នាំ១៩៩៨ ទើបត្រូវបានបញ្ចប់សង្គ្រាម។
ក្រោយពីបានបញ្ចប់សង្គ្រាមស៊ីវិលទៅ ខណៈពេលនេះគ្រាប់មីនគ្រប់ប្រភេទ និងគ្រាប់កាំភ្លើងធុនធំៗមិនទាន់ផ្ទុះ ត្រូវបានកប់នៅក្នុងដី ហើយគេបានសង្កេតគ្រាប់មីន និងគ្រាប់កាំភ្លើងបានផ្ទុះជាបន្តបន្ទាប់ និងឆក់យកជីវិតមនុស្សទាំងចាស់ និងក្មេង ទាំងប្រុសទាំងស្រី ត្រូវបានស្លា.ប់បាត់បង់ជីវិត និងរងរបួសធ្ងន់ ឬស្រាលជាបន្តបន្ទាប់។
ជាក់ស្តែងនៅវេលាម៉ោង១១និង៣០នាទី ថ្ងៃទី២២ ខែមេសា ឆ្នាំ២០២២នេះ ក៏មានករណីត្រាក់ទ័រម៉ាកគូបូតា ភ្ជួរដីចំការ នៅចំណុចភូមិស្វាយចេក ឃុំថ្លាត ស្រុកអន្លង់វែង ខេត្តឧត្តរមានជ័យ បានជាន់ត្រូវមីនតោន បណ្តាលអោយអ្នកបើកបរឈ្មោះ ឈៀក លី ភេទប្រុស អាយុ៣០ឆ្នាំ មុខរបរធ្វើស្រែ រស់នៅភូមិផ្តៀកជ្រុំ ឃុំថ្លាត ស្រុកអន្លង់វែង ខេត្តឧត្តរមានជ័យ រងរបួសធ្ងន់ដាច់ដៃម្ខាង និងបានបញ្ជូនទៅសង្គ្រោះនៅមន្ទីរពេទ្យបង្អែកស្រុកអន្លង់វែង តែជាអកុសលជនរងគ្រោះក៏បានដាច់ខ្យល់ស្លា.ប់ទៅ ចំណែកត្រាក់ទ័រគូបូតាវិញ រងការខូចខាតដាច់កងខាងក្រោយ ផ្នែកខាងឆ្វេងផងដែរ។
ហើយបច្ចុប្បន្នមេះ ស.ពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែកត្រាក់ទ័ររបស់ជនរងគ្រោះវិញ ត្រូវបានយកទៅរក្សាទុកនៅកន្លែងកើតហេតុ៕
ចែករំលែកព័តមាននេះ