សារព័ត៌មានរបស់ចិនកាលពីពេល ថ្មីៗកន្លងមកផ្សាយថា ស្ពានឆ្លងទន្លេដ៏ប្រណីត ស្ថិតនៅស្រុកម៉ីស៊ី (Meixi) ក្រុង Changsha ខេត្ដHunan ភាគកណ្ដាលប្រទេសចិន បានទទួលរហស្សនាមពីជនជាតិចិនថា «ស្ពានសិចស៊ីបំផុត» ឬ «ស្ពាននាគផ្ដល់សំណាង» ព្រោះមានរូបរាងពត់ពេនដូចនាគ ។
តួស្ពានមានប្រវែង១៨៣,៩៥ម៉ែត្រ កម្ពស់២២ម៉ែត្រ ចាប់ផ្ដើមសាងសង់នៅក្នុងខែមិថុនា ឆ្នាំ២០១៤ ហើយត្រៀមនឹងបើកឱ្យប្រើប្រាស់ក្នុងពេលខាងមុខ ។
គោលគំនិតនៃការសាងសង់ស្ពាននោះ គឺយកលំនាំតាមខ្សែក្រងបែបចិន ហៅថា «ចុងគួជៀ» មានប្រវត្ដិដ៏យូរលង់តាំងពីយុគសម័យរាជវង្សថាំង និងរាជវង្សសុង ។
ប្រសិនមើលពីទីខ្ពស់នឹងឃើញតួស្ពានស្រដៀងខ្សែក្រង ឬដូចនាគសមនឹងហៅ «ស្ពាននាគផ្ដល់លាភសំណាង» ៕
ចែករំលែកព័តមាននេះ