កាណាដាដាក់ទណ្ឌកម្មលើកូនស្រី Putin និងបញ្ជូនអាវុ.ធទៅឱ្យអ៊ុយក្រែន
កាណាដា ៖ រដ្ឋាភិបាលកាណាដាបានប្រកាសទណ្ឌកម្មថ្មីលើបុគ្គលជាច្រើននាក់ដែលជាប់ពាក់ព័ន្ធនឹងរដ្ឋាភិបាលរុស្ស៊ី
កាណាដា ៖ រដ្ឋាភិបាលកាណាដាបានប្រកាសទណ្ឌកម្មថ្មីលើបុគ្គលជាច្រើននាក់ដែលជាប់ពាក់ព័ន្ធនឹងរដ្ឋាភិបាលរុស្ស៊ី រួមមានកូនស្រី២នាក់របស់ប្រធានាធិបតីរុស្ស៊ី លោក Vladimir Putin និងគ្រោងបញ្ជូនកាំភ្លើ.ងធំទៅឲ្យអ៊ុយក្រែន ខណៈដែលរុស្ស៊ីបានចាប់ផ្តើមយុទ្ធនាការវា.យដណ្តើមយកតំបន់ Donbas។
កូនស្រីបង្កើត ២នាក់របស់លោក Putin គឺ Katerina Tikhonova និង Maria Vorontsova ស្ថិតក្នុងចំណោមបុគ្គលចំនួន ១៤នាក់ដែលត្រូវបានដាក់បញ្ជូលក្នុងបញ្ជីទណ្ឌកម្មរបស់កាណាដា។ កាលពីដើមខែនេះ សហរដ្ឋអាមេរិក និងចក្រភពអង់គ្លេសក៏បានប្រកាសដាក់ទណ្ឌកម្មលើកូនស្រីទាំង ២នាក់របស់មេដឹកនាំរុស្ស៊ីផងដែរ។
នាយករដ្ឋមន្ត្រីកាណាដាលោក Justin Trudeau បានថ្លែងប្រាប់សន្និសិទសារព័ត៌មាននៅថ្ងៃអង្គារ ទី១៩ មេសា ម្សិលមិញនេះថា កាណាដានឹងបញ្ជូនកាំភ្លើ.ងធំធន់ធ្ងន់ដើម្បីគាំទ្រដល់កងទ័ពអ៊ុយក្រែន។
«យើងបានទាក់ទងគ្នាយ៉ាងជិតស្និទ្ធជាមួយប្រធានាធិបតី Volodymyr Zelenskyy តាំងពីដំបូងមក ហើយយើងបានឆ្លើយតបយ៉ាងខ្លាំងចំពោះអ្វីដែលពួកគេត្រូវការជាពិសេស។ សំណើរថ្មីៗរបស់ពួកគេមកកាណាដាគឺជួយផ្តល់កាំភ្លើ.ងធំធន់ធ្ងន់ដល់ពួកគេ»។
កាលពីដើមខែនេះ កាណាដាបានប្រកាសកំណត់លុយចំនួន៥០០លានដុល្លារសម្រាប់ជាជំនួយយោធាដល់អ៊ុយក្រែន។
នាយករដ្ឋមន្ត្រីកាណាដាថ្លែងថា ព័ត៌មានលម្អិអំពីការដឹកជញ្ជូនកាំភ្លើ.ងធំនឹងត្រូវបញ្ចេញនៅប៉ុន្មានថ្ងៃខាងមុខនេះ៕ (យោងតាមប្រភព៖ CBC.ca)
ចែករំលែកព័តមាននេះ