ចំណងទាំងបីតែងចងរឹតរួត បុរសឱ្យដល់នូវទុក្ខលំបាក
- ភ្នំពេញ
រាជធានីភ្នំពេញ ៖ ចំណងទាំងបី គឺ ប្រពន្ធ មានន័យថា ជាចំណង ជំពាក់ ឆ្វាក់ ដែលចងរឹតរួត,…
រាជធានីភ្នំពេញ ៖ ចំណងទាំងបី គឺ ប្រពន្ធ មានន័យថា ជាចំណង ជំពាក់ ឆ្វាក់ ដែលចងរឹតរួត, ទ្រព្យសម្បត្តិទាំងឡាយ និងកូនទាំងឡាយ គឺសុទ្ធតែជាគ្រឿងចង ឬជាចំណងដ៏ស្វិតស្វាញ មិនមែនជាចំណងធូរលុងនោះឡើយ គឺជាចំណងដ៏រឹងមាំស្វិតស្វាញបំផុតមិនងាយនឹងដាច់នោះឡើយ ចំណងទាំងបីនេះ រមែងចងឆ្វាក់ចិត្តកាយបុរសឱ្យដល់នូវទុក្ខលំបាកផ្សេងៗ ។
ហេតុអីបានជាព្រះអង្គត្រាស់ថា ភរិយា កូន ទ្រព្យជាចំណង សូមជ្រាបថា បើមិនស្រឡាញ់ បើមិនហួងហែងទេ ក្ដីទុក្ខក៏មិនមានដែរ ព្រោះតែការស្រឡាញ់ និងហួងហែងនឹងហើយទើបមានក្ដីទុក្ខ ក្ដីទុក្ខព្រោះតែមានក្ដីស្រឡាញ់ ទើបវាកើតទៅជាចំណងចងក្រៀកមិនឲ្យរើរួចចេញពីវដ្ដទុក្ខនេះបាន ។
ព្រះសម្មាសម្ពុទ្ធជាម្ចាស់ កាលទ្រង់នៅជាព្រះពោធិសត្វ មានសេចក្ដីប្រឹងប្រែងយ៉ាងខ្លាំង ពេលដែលទ្រង់ស្ដេចយាងទៅសាងផ្នួស ហេតុអ្វីបានជាទ្រង់ព្យាយាមរំដោះខ្លួន គឺព្រោះតែមាននូវព្រះអគ្គមហេសី និងព្រះរាហុលមាតាដែលជាទីស្រឡាញ់ កាត់ចិត្តសឹងតែមិនបាន ទម្រាំតែយាត្រាចេញពីនគរបាន គឺទ្រង់មានព្រះទ័យលំបាកណាស់ នេះគឺជាការបញ្ជាក់ឲ្យពុទ្ធបរិស័ទទាំងឡាយបានយល់ថា ភរិយា កូន ទ្រព្យ នេះ គឺជាចំណងមាំ ។
មានភរិយាខ្លះ ធ្លាក់នរកព្រោះតែស្វាមីក៏មាន ស្វាមីខ្លះធ្លាក់នរកដោយសារភរិយាក៏មាន មាតាបិតាទាំងឡាយធ្លាក់នរកដោយសារកូនៗក៏មាន ។
បាបកម្មដែលកើតឡើងព្រោះតែចំណងនេះ មិនមែនឲ្យផលតែជាតិនេះទេ គឺច្រើនជាតិអនេកពន់ពេកណាស់ មិនងាយនឹងរើខ្លួនរួចពីចំណងទាំងបីនេះបានឡើយ ៕
ចែករំលែកព័តមាននេះ