តារាចម្រៀងនាង តន់ ច័ន្ទសីម៉ា បានពោលពាក្យយ៉ាងចាក់ដោតទៅកាន់អ្នកនាង ឱក សុគន្ធកញ្ញា ក្នុងពេលដែលនាងឆ្លៀតឱកាសមកជួបសំណេះសំណាលជាមួយកំពូលតារាចម្រៀងរូបនេះ ក្នុងពិធីបុណ្យចូលឆ្នាំខ្មែរ
រាជធានីភ្នំពេញ ៖ តារាចម្រៀងនាង តន់ ច័ន្ទសីម៉ា បានពោលពាក្យយ៉ាងចាក់ដោតទៅកាន់អ្នកនាង ឱក សុគន្ធកញ្ញា ក្នុងពេលដែលនាងឆ្លៀតឱកាសមកជួបសំណេះសំណាលជាមួយកំពូលតារាចម្រៀងរូបនេះ ក្នុងពិធីបុណ្យចូលឆ្នាំខ្មែរ។
តន់ ច័ន្ទស៊ីម៉ា បាននាំយកផ្លែឈើមួយកន្ត្រកធំទៅជូនឱក សុគន្ធកញ្ញា ដល់គេហដ្ឋាន ដើម្បីជាការដឹងគុណ ត្បិត ឱក សុគន្ធកញ្ញា គឺជាអ្នកមានគុណមួយរូបដែលបានទាញនាងអោយមានកេរ្តិ៍ឈ្មោះមកទល់បច្ចុប្បន្ននេះ។
ជាមួយនឹងរូបភាពជួបសំណេះសំណាលជាមួយនឹង ឱក សុគន្ធកញ្ញា តារាចម្រៀងនាង តន់ ច័ន្ទសីម៉ា បានភ្ជាប់ជាមួយនឹងសារបង្ហោះតាមហ្វេសប៊ុកថា «ខ្ញុំពិតជាមានអារម្មណ៍ថា កក់ក្ដៅសម្រាប់ពេលវេលាដ៏មានតម្លៃនេះ អតីតកាលអ្នកគ្រូបានផ្ដល់ដំបូន្មានជាច្រើនសម្រាប់ខ្ញុំ ទោះបីខ្ញុំមិនអាចមានឱកាសទទួលពាន តែអ្នកគ្រូបានផ្ដល់កម្លាំងចិត្តឱ្យខ្ញុំ និងបានផ្ដល់ឱកាសអោយខ្ញុំរហូតពេលវេលាចុងក្រោយ» ។
នាងបញ្ជាក់ថា «ក្នុងនាមខ្ញុំជាសិស្សជំនាន់ក្រោយ នាងខ្ញុំសូមគោរពអរគុណអ្នកគ្រូ និងជូនពរអ្នកគ្រូ ទទួលបានសុខភាពល្អ មានសុភមង្គលពេញមួយជីវិត» ។
ជាការកត់សម្គាល់ ឱក សុគន្ធកញ្ញា គឺជាគណៈកម្មការតែម្នាក់គត់ ក្នុងចំណោម៣នាក់ទៀតដែលបានសម្រេចជ្រើសរើស តន់ ច័ន្ទសីម៉ា អោយជាប់ទៅវគ្គបន្ត ក្នុងកម្មវិធី The Vioce Cambodia រដូវកាលទី២ កាលពីអំឡុងឆ្នាំ២០១៦។
បើទោះបីជា តន់ ច័ន្ទសីម៉ា មិនបានលើកពាននៅក្នុងកម្មវិធីនោះក៏ដោយ ប៉ុន្តែតារាចម្រៀងរូបនេះ ក៏បានឈានទៅដល់វគ្គ Live Show ផងដែរ។ ចាប់តាំងពីពេលនោះមក តន់ ច័ន្ទសីម៉ា ក៏បានក្លាយជាតារាចម្រៀងអាជីពមួយរូប ដែលបច្ចុប្បន្ននាងកំពុងសាងភាពល្បីល្បាញយ៉ាងខ្លាំងនៅក្នុងផលិតកម្ម Galaxy Navatra ៕
ចែករំលែកព័តមាននេះ