រាជធានីភ្នំពេញ ៖ កញ្ញាវេជ្ជបណ្ឌិត ឈា ចរិយា ឯកទេសផ្នែកសម្ភពនិងរោគស្ត្រីនៅមន្ទីរពេទ្យកាល់ម៉ែត មានប្រសាសន៍ថា ជាការពិតណាស់ ស្ត្រីដែលធ្លាប់សម្រាលកូនដោយការវះកាត់ ពិតជាមានចម្ងល់ពីការសម្រាលកូន
រាជធានីភ្នំពេញ ៖ កញ្ញាវេជ្ជបណ្ឌិត ឈា ចរិយា ឯកទេសផ្នែកសម្ភពនិងរោគស្ត្រីនៅមន្ទីរពេទ្យកាល់ម៉ែត មានប្រសាសន៍ថា ជាការពិតណាស់ ស្ត្រីដែលធ្លាប់សម្រាលកូនដោយការវះកាត់ ពិតជាមានចម្ងល់ពីការសម្រាលកូននៅពេលមានផ្ទៃពោះលើកក្រោយ ។ ស្ត្រីមួយចំនួនយល់ថា គាត់ពុំអាចសម្រាលតាមធម្មជាតិបានទេ ហើយត្រូវតែធ្វើការវះកាត់ម្តងទៀត នៅពេលមានផ្ទៃពោះលើកក្រោយ ។
ទាក់ទងនឹងចំណុចនេះ យើងខ្ញុំជាវេជ្ជបណ្ឌិតឯកទេសសូមធ្វើការបកស្រាយដូចតទៅ ៖
ក-តាមការសិក្សាបង្ហាញឲ្យឃើញថា ៥០%
នៃស្ត្រីដែលមានស្បូនធ្លាប់ធ្វើការវះកាត់ និងមានអាងត្រគាកប្រហាក់ប្រហែលធម្មតា អាចសម្រាលកូនតាមផ្លូវធម្មជាតិដោយគ្មានផលវិបាក ប៉ុន្តែត្រូវស្ថិតនៅក្រោមការតាមដាន និងវាយតម្លៃហ្មត់ចត់ពីគ្រូពេទ្យជំនាញផ្នែកសម្ភព ។
ខ-កត្តាដែលកំណត់ថា ស្ត្រីអាចសម្រាលកូនតាមផ្លូវធម្មជាតិបានគឺផ្អែកទៅលើ ៖
-ប្រវត្តិវះកាត់ពីមុន (វះដោយបញ្ហាអ្វី ផ្ទៃពោះគ្រប់ខែឬទេ? ប្រភេទវះកាត់ ការវិវត្តជំងឺក្រោយការវះកាត់)
-ប្រវត្តិផ្នែកសម្ភព និងរោគស្ត្រី (ឧ.វះកាត់ស្បូន)
– ការវាយតម្លៃទម្ងន់ទារក
-ការវាយតម្លៃទៅលើអាងត្រគាក
-ការវាយតម្លៃមាត់ស្បូន (ការបើកនៃមាត់ស្បូន និងកម្ពស់ ទម្ងន់កូន)
-ការចង់បានរបស់អ្នកជំងឺ (Souhait de la patiente)
គ-តើស្ត្រីអាចប្រឈមបញ្ហាអ្វីខ្លះ? ស្ត្រីអាចប្រឈមមុខនឹងការរហែកស្បូន (La rupture) ក្នុងពេលកំពុងពពោះ និងក្នុងពេលឈឺពោះសម្រាល ដែលអាចបង្កគ្រោះថ្នាក់ដល់ម្តាយ និងទារកក្នុងផ្ទៃ (អត្រាស្លាប់ទារកមានប្រហែល ៥,៥% mortalité néonatale ក្នុងករណីរហែកស្បូន) ។
ឃ-ហេតុអ្វីបានជាស្ត្រីចាំបាច់ត្រូវតាមដានដោយក្រុមគ្រូពេទ្យជំនាញ?
១-ក្នុងពេលពពោះ ៖ អត្រានៃការរហែកស្បូនដោយឯកឯងគឺជួបដោយកម្រ និងមានកម្រិតទាប
២-ក្នុងពេលឈឺពោះសម្រាល ៖ អត្រានៃការរហែកស្បូនមានខ្ពស់ ដែលតម្រូវឲ្យមានការតាមដានទៅលើ៖ -ការតាមដានចង្វាក់បេះដូងកូន -ការធ្លាក់ឈាម -ការឈឺចាប់ត្រង់ថ្នេរវះ -ការកន្ត្រាក់ស្បូន រាល់ការប្រែប្រួលចង្វាក់បេះដូងកូន (ញាប់ពេក, យឺតពេក, ចង្វាក់រាបស្មើ) លាយឡំការធ្លាក់ឈាម ។
កញ្ញាវេជ្ជបណ្ឌិត ឈា ចរិយា បានបញ្ជាក់ថា ការឈឺចាប់ខ្លាំងនៅត្រង់ថ្នេរវះ ការកន្ត្រាក់នៃស្បូនញាប់ហើយខ្លាំងៗ ឬបាត់ការកន្ត្រាក់នៃស្បូន គឺជាសញ្ញានៃការត្រៀមនឹងរហែក ឬរហែកស្បូន ។
៥-អនុសាសន៍ពីគ្រូពេទ្យជំនាញផ្នែកសម្ភព ៖
-ស្ត្រីដែលស្បូនធ្លាប់វះកាត់ហើយ និងកំពុងតែពពោះ បើសិនជាមានការឈឺពោះ ត្រូវតែសម្រាកពេទ្យ
-គប្បីមកពិគ្រោះផ្ទៃពោះជាមួយគ្រូពេទ្យជំនាញដើម្បីពិភាក្សាពីការសម្រាលកូនលើកក្រោយ
-ការប្រើប្រាស់ថ្នាំមួយចំនួនត្រូវបានហាមឃាត់ ក្នុងពេលតាមដានការសម្រាល
-ប្រសិនបើស្ត្រីស្នើសុំធ្វើការវះកាត់ម្តងទៀត ក្រោយពីការខ្វល់ពីផលចំណេញ ដែលប៉ះពាល់ពីគ្រូពេទ្យជំនាញ ការវះកាត់នឹងត្រូវបានធ្វើដោយគ្រូពេទ្យជំនាញ
-ករណីពិសេសមួយចំនួន ការវះកាត់ត្រូវធ្វើដោយជៀសមិនបានដូចជា ៖
•ស្បូនដែលធ្លាប់ឆ្លងកាត់ការវះកាត់ ២ដងរួចហើយ (Utérus bicicatriciel)
• កូនបញ្ច្រាស កូនថ្លោស កូនភ្លោះឬច្រើន ។
ស្ត្រីគ្រប់រូប អាចមកពិគ្រោះជាមួយវេជ្ជបណ្ឌិតជំនាញផ្នែកសម្ភពនៃមន្ទីរពេទ្យកាល់ម៉ែត ដើម្បីទទួលការប្រឹក្សាយោបល់ដ៏ល្អ ដែលធានានូវសុខុមាលភាព សុវត្ថិភាព នៅមុន និងក្រោយសម្រាល ជាពិសេសអំឡុងពេលសម្រាល ៕
ចែករំលែកព័តមាននេះ