កុមារជិត50លាននាក់ធ្វើចំណាកស្រុកព្រោះតែសង្គ្រាម
AFP ផ្សាយកាលពីពេល ថ្មីៗកន្លងមកថា មូលនិធិសម្រាប់កុមារនៃអង្គការសហប្រជាជាតិ (UNICEF) ឱ្យដឹងថា កុមារជិត៥០លាននាក់នៅលើពិភពលោកធ្វើចំណាកស្រុកដោយសារតែសង្គ្រាម និងទំនាស់
AFP ផ្សាយកាលពីពេល ថ្មីៗកន្លងមកថា មូលនិធិសម្រាប់កុមារនៃអង្គការសហប្រជាជាតិ (UNICEF) ឱ្យដឹងថា កុមារជិត៥០លាននាក់នៅលើពិភពលោកធ្វើចំណាកស្រុកដោយសារតែសង្គ្រាម និងទំនាស់
AFP ផ្សាយកាលពីពេល ថ្មីៗកន្លងមកថា មូលនិធិសម្រាប់កុមារនៃអង្គការសហប្រជាជាតិ (UNICEF) ឱ្យដឹងថា កុមារជិត៥០លាននាក់នៅលើពិភពលោកធ្វើចំណាកស្រុកដោយសារតែសង្គ្រាម និងទំនាស់នៅក្នុងប្រទេស ។ ការសិក្សាស្រាវជ្រាវពីទិន្នន័យនៅលើពិភពលោករបស់យូនីសេហ្វឃើញថា មានកុមារដល់ទៅ២៨លាននាក់ ចាកចោលផ្ទះសម្បែងដើម្បីគេចពីអំពើហិង្សា និងទំនាស់ផ្ទៃក្នុង ដោយចំនួននោះមានជនភៀសខ្លួនជាកុមារប្រហែល១០លាន់នាក់ ។
យុវជនប្រហែល១លាននាក់នៅរង់ចាំការសុំជ្រកកោន និង១៧លាននាក់ត្រូវធ្វើចំណាកស្រុកនៅក្នុងប្រទេស និងមិនអាចចូលដល់ការជួយសង្គ្រោះផ្នែកមនុស្សធម៌បន្ទាន់បាន។ លើសពីនេះកុមារ២០លាននាក់ទៀត ចាំបាច់ត្រូវចាកចោលផ្ទះសម្បែងក្នុងហេតុផលផ្សេងគ្នា ដូចជាត្រូវក្រុមអន្ធពាលរារាំង ឬគេចពីភាពក្រក្រជាដើម ។
UNICEF ថ្លែងថា «កុមារភាគច្រើនប្រឈមមុខនឹងការល្មើសលើផ្លូវភេទ ឬរារាំង ព្រោះពួកគេជាបុគ្គលគ្មានការចុះសញ្ជាតិ គ្មានសា្ថានភាពផ្នែកផ្លូវច្បាប់ច្បាស់លាស់ និងគ្មានប្រព័ន្ធណាមួយដើម្បីតាមដានពីជីវភាពរបស់ពួកគេ ហើយកុមារទាំងនេះគឺជាពលរដ្ឋដែលរងគ្រោះតាមផ្លូវច្បាប់ ។ មានកុមារជាច្រើននាក់បានធ្វើដំណើរឆ្លងដែនដោយខ្លួនឯង និងកាលពីឆ្នាំមុនមានយុវជនជាង១០០.០០០នាក់ បានឃ្លាតចាកពីឪពុកម្តាយ ឬអាណាព្យាបាលសុំភៀសខ្លួននៅក្នុង៧៨ប្រទេស ដោយកើនលើសពីតួលេចស្ថិតិនៅឆ្នាំ២០១៤ ដល់ទៅ៣ដង ។
ទន្ទឹមនឹងនេះយូនីសេហ្វ បានបង្ហាញឱ្យឃើញពី «ការគ្មានសមតុល្យកើនឡើងជារឿយៗ» ជាជនភៀសខ្លួន ព្រោះកុមារមានប្រហែល១ភាគ៣នៃប្រជាជននៅលើពិភពលោក ប៉ុន្តែមានចំនួនដល់ទៅ «ពាក់កណ្តាល» ពីបណ្តាជនភៀសខ្លួនទាំងអស់ ។ នៅក្នុងឆ្នាំ២០១៥ មានកុមារភៀសខ្លួនប្រហែល៤៥% ស្ថិតនៅក្រោមការគ្រប់គ្រងរបស់អគ្គលេខាធិការជនភៀសខ្លួននៃអង្គការសហប្រជាជាតិ គឺមានកុមារស៊ីរី និងអាហ្វហ្គានីស្ថាន ។
ស្របពេលជាមួយគ្នានេះ យូនីសេហ្វ អំពាវនាវដល់រដ្ឋាភិបាលនានានៅទូទាំងពិភពលោក បញ្ឈប់ការឃុំឃាំងកុមារដែលត្រូវការភៀសខ្លួន ឬសុំការភៀសខ្លួន ត្រូវបម្រើផ្នែកសុខភាពរួមទាំងទ្រទ្រង់ដល់នយោបាយបញ្ឈប់ការមើលងាយជាតិសាសន៍ និងបែងចែកវណ្ណៈជាដើម ៕
ចែករំលែកព័តមាននេះ