រាជធានីភ្នំពេញ ៖ កាលពីវេលាម៉ោង០៩ និង៣០នាទីព្រឹកថ្ងៃទី២៩ សីហា ២០១៦ នៅក្រសួងរៀបចំដែនដីនគររូបនីយកម្ម និងសំណង់ មានប្រជាពលរដ្ឋជាង១០០នាក់ មកពីភូមិទួលអំពិល និងភូមិពញាឮ ឃុំពញាឮ ស្រុកពញាឮ ខេត្តកណ្តាល បានលើកគ្នាមកសុំការធ្វើអន្តរាគមន៍ ពីលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដីនគរូបនីយកម្ម និងសំណង់ ដោយបានចោទ
រាជធានីភ្នំពេញ ៖ កាលពីវេលាម៉ោង០៩ និង៣០នាទីព្រឹកថ្ងៃទី២៩ សីហា ២០១៦ នៅក្រសួងរៀបចំដែនដីនគររូបនីយកម្ម និងសំណង់ មានប្រជាពលរដ្ឋជាង១០០នាក់ មកពីភូមិទួលអំពិល និងភូមិពញាឮ ឃុំពញាឮ ស្រុកពញាឮ ខេត្តកណ្តាល បានលើកគ្នាមកសុំការធ្វើអន្តរាគមន៍ ពីលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដីនគរូបនីយកម្ម និងសំណង់ ដោយបានចោទប្រកាន់ថា «លោកប៉ាវ ផល្លា ប្រធានមន្ទីររៀបចំដែនដី នគរូបនីយកម្មសំណង់ និងសុរិយោលដី ខេត្តកណ្តាល និងឈ្មោះស៊ុយ សុផាន ប្រធានក្រុហ៊ុនផាន អ៊ីមិច ពីបទក្លែងបន្លំឯកសារ ក្នុងការកែប័ណ្ណសម្គាល់សិទ្ធិកាន់កាប់អចលនវត្ថុ» ដែលកំពុងតែមានវិវាទជាមួយប្រជាពលរដ្ឋមិនទាន់មានដំណោះស្រាយ ។
តំណាងប្រជាពលរដ្ឋម្នាក់បានប្រាប់ឱ្យដឹងថា ក្រោយពីមានវិវាទដីធ្លីរបស់ពួកគាត់ចំនួនជាង១០០គ្រួសារ រស់នៅភូមិទួលអំពិល និងភូមិពញាឮ ឃុំពញាឮ ស្រុកពញាឮ ខេត្តកណ្តាល ជាមួយនិងក្រុមហ៊ុនផាន អ៊ីមិច និងលោក ប៉ាវ ផល្លា ប្រធានមន្ទីររៀបចំដែនដីនគរូបនីយកម្ម និងសំណង់ ខេត្តកណ្តាល បានឃុមឃិតគ្នាលួចក្លែងបន្លំឯកសារ ក្នុងការកែប័ណ្ណសម្គាល់កម្មសិទ្ធិកាន់កាប់អចលនវត្ថុរបស់ពួកគាត់ចំនួន១៤ប័ណ្ណ ស្មើនិង៦៣ហិកតានៅមិនទាន់មានដំណោះស្រាយ ។
ក្នុងថ្ងៃនេះដែរ ពួកគាត់បានលើកគ្នាមកកាន់ក្រសួងរៀបចំដែនដី នគរូមបីយកម្ម និងសំណង់ ដើម្បីសុំឱ្យលោកទេសរដ្ឋមន្ត្រី ជា
សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជួយធ្វើអន្តរាមន៍ ដើម្បីជួយរកដមណោះស្រាយជូនដល់ពួកគាត់ផង ។
ដោយកន្លងមក យើងខ្ញុំជាប្រជាពលរដ្ឋរស់នៅក្នុងភូមិទាំងពីរខាងលើ បានប្តឹងទៅអាជ្ញាធរមានសម្ថកិច្ចអំពីការធ្វើប័ណ្ណកម្មសិទ្ធិដី ១៤ ប័ណ្ណ ដែលស្មើនឹង៦៣ហិកតា ឱ្យទៅក្រុមហ៊ុន ផាន អ៊ីមិច ជាន់លើដីរបស់ប្រជាពលរដ្ឋភូមិទួលអំពិល និងភូមិពញាឮ ឃុំពញាឮ ស្រុកពញាឮ ខេត្តកណ្តាល ដោយសុំមោឃភាពប័ណ្ណទាំងនោះចោល ។
សព្វថ្ងៃ អាជ្ញាធរខេត្តកណ្តាលដែលមានក្រុមស្រាវជ្រាវ និងដោះស្រាយវិវាទដីធ្លីខេត្ត បាននឹងកំពុងដោះស្រាយករណីបណ្តឹងយើខ្ញុំ ដោយបានជួបប្រជុំសម្របសម្រួលជាមួយយើងខ្ញុំ និងចុះវាស់វែងដីទំនាស់ ដើម្បីដាក់លើគំនូស ប្លង់បង្ហាញរកឱ្យឃើញនូវកម្មវត្ថុនៃទំនាស់ពិតប្រាកដ ។
តាមប្រភពដដែលបានប្រាប់បន្តទៀតថា ប័ណ្ណកម្មសិទ្ធទាង ១៤ ប័ណ្ណ (ចាប់ពីប័ណ្ណលេខ Kiv .០០២៨ ដល់ Kiv 00៤១)របស់ក្រុមហ៊ុន ផាន អ៊ីមិច គឺចុះឈ្មោះ ទីតាំងដីនៅភូមិទួលអំពិលទាំងអស់ ប៉ុន្តែជាក់ស្តែងប័ណ្ណនេះ គងលើដីប្រជាពលរដ្ឋកំពុងគ្រប់គ្រងអាស្រ័យយផលរហូតមកដល់ភូមិ ពញាឮ ចំនួន ១៣ ប័ណ្ណដែលនេះជាដើមចមនៃវិវាទ។ខណៈពេលដែលក្រុមការងារខេត្តកំពុងដុតដៃដុតជើងប្រឹងប្រែងដោះស្រាយតាមរយៈការកសាងឯកសារ និង ប្រជុំពិភាក្សាជាច្រើនលើកច្រើនសារ ដើម្បីឈានទៅបញ្ចប់វិវាទឱ្យបានឆាប់នោះ ស្រាប់តែនៅថ្ងៃទី២៥ កក្កដា ឆ្នាំ ២០១៦ ទើបយើងដឹងថា «លោក ប៉ាវ ផល្លា ប្រធានរៀបចំដែនដី នគរូបនីយកម្ម សំណង់ និងសុរិយោដីខេត្ត បានលួចបន្លំធ្វើការកែឈ្មោះភូមិលើប័ណ្ណសម្គាល់សិទ្ធពីភូមិទួលអំពិល ទៅភូមិពញាឮ ចំនួន ១១ប័ណ្ណ ក្នុងចំណោម ១៤ប័ណ្ណ តាំងពីថ្ងៃទី ២៨ ខែ មេសា ឆ្នាំ ២០១៦ ដើម្បីឱ្យស្របទៅនឹងទីតាំងដីកំពុងតែមានវិវាទរវាងប្រជាពលរដ្ឋ និងក្រុមហ៊ុន ផាន អ៊ីច» នេះ ។
ដោយលោក ប៉ាវ ផល្លា ប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដី ខេត្តពិតជាមានចេតនាលួចក្លែងបន្លំកែប័ណ្ណកម្មសិទ្ធដី ដើម្បីប្រយោជន៍ផ្ទាល់ខ្លួនយ៉ាងច្បាស់លាស់ ម្យ៉ាងទៀតរឿងទំនាស់ដីធ្លីជាច្រើន ដែលអូសបន្លាយពេលយូរដោះស្រាយមិនចេញជាលទ្ធផល គឺផ្តើមចេញពីប្រធានមន្ទីររូបនេះគ្មានឆន្ទៈចូលរួមដោះស្រាយជូនប្រជាពលរដ្ឋឡើយ។
ចែករំលែកព័តមាននេះ