រាជធានីភ្នំពេញ ៖ លោកធា គ្រុយ រដ្ឋលេខាធិការក្រសួងសុខាភិបាល ធ្វើជាអធិបតីក្នុងពិធីបើកសិក្ខាសាលាស្តីពី «ប្រព័ន្ធគ្រប់គ្រងផ្នែកសម្ភព និងរោគស្ត្រី» ដែលរៀបចំនៅសាលាប្រជុំមន្ទីរពេលកាល់ម៉ែត កាលពីព្រឹកថ្ងៃទី២៩ សីហា ២០១៦ ដោយមានការចូលរួមពីលោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត លោកវេជ្ជបណ្ឌិត Mamoru Yamashita,CEO,Kishokai ប្រធានមន្ទីរពេទ្យសាកលវិទ្យាល័យ Nagoya ប្រទេសជប៉ុន ។
លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែតបានមានប្រសាសន៍ថា ឆ្លើយតបចំពោះសន្ទុះនៃការអភិវឌ្ឍន៍របស់ខ្លួនថ្ងៃនេះមន្ទីរពេទ្យកាល់មែត បានសហការជាមួយភាគីជប៉ុន ដើម្បីរៀបចំសិក្ខាសាលាវេជ្ជសាស្ត្រនេះឡើង ដែលមានទ្រឹស្តីនិងការអនុវត្តបណ្តុះបណ្តាលពីក្រុមសាស្ត្រាចារ្យ វេជ្ជបណ្ឌិតនៃសាកលវិទ្យាល័យNagoya ប្រទេសជប៉ុនជាគុណប្រយោជន៍ជួយបំពេញបន្ថែមបទពិសោធន៍ល្អៗជាច្រើន និងជាទុនដ៏សំខាន់សម្រាប់ជួយឲ្យក្រុមគ្រូពេទ្យយើងកាន់តែមានសមត្ថភាពខ្ពស់ថែមទៀត ដើម្បីជួយសង្គ្រោះជីវិតអ្នកជំងឺប្រកបដោយប្រសិទ្ធភាព និងគូណភាពសម្រាប់មន្ទីរពេទ្យកាល់ម៉ែត ក៏ដូចជាសម្រាប់មន្ទីរពេទ្យដទៃទៀតក្នុងព្រះរាជាណាចក្រកម្ពុជា ។
ចែករំលែកព័តមាននេះ