ខេត្តព្រះសីហនុ ៖ សមត្ថកិច្ចនគរបាលខេត្តព្រះសីហនុ កាលពីវេលាម៉ោង០៥ល្ងាចថ្ងៃទី២៦ សីហា ២០១៦ បានធ្វើការឃាត់ខ្លួនជនសង្ស័យ ពាក់ព័ន្ធពីបទប្លន់ដោយប្រើកាំភ្លើងខ្លី និងដាវភ្ជង់គំរាមយកកាបូបប្រាក់ និងទូរស័ព្ទដៃពីជនរងគ្រោះជាអ្នកកា.ប់ជ្រូកលក់ ។
ខេត្តព្រះសីហនុ ៖ សមត្ថកិច្ចនគរបាលខេត្តព្រះសីហនុ កាលពីវេលាម៉ោង០៥ល្ងាចថ្ងៃទី២៦ សីហា ២០១៦ បានធ្វើការឃាត់ខ្លួនជនសង្ស័យ ពាក់ព័ន្ធពីបទប្លន់ដោយប្រើកាំភ្លើងខ្លី និងដាវភ្ជង់គំរាមយកកាបូបប្រាក់ និងទូរស័ព្ទដៃពីជនរងគ្រោះជាអ្នកកាប់ជ្រូកលក់ ។
ប្រភពឱ្យដឹងថា ជនសង្ស័យទាំង៣នាក់ ១-ឈ្មោះកែវ ប៊ុនហៀង ហៅត្រង៉ោលអាយុ២០ឆ្នាំ មានទីលំនៅក្រុម៥ ក្នុងភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ ។ ២-ឈ្មោះពៅ ស្រស់ អាយុ៣០ឆ្នាំ មានទីលំនៅក្រុម៣២ ភូមិ៤ សង្កាត់លេខ៤ (ជាអ្នកកាន់កាំភ្លើងពេលប្លន់ និងធ្លាប់ជាប់ពន្ធនាគារ២លើកមកហើយ) និង៣-ឈ្មោះរដ្ឋ រស្មី ហៅយួន អាយុ២០ឆ្នាំ មានទីលំនៅក្រុម៥ក្នុងភូមិ៤ សង្កាត់លេខ៤ ។
ទាក់ទិនការឃាត់ខ្លួនក្រុមចោរប្លន់ប្រដាប់អាវុធខាងលើនេះ ត្រូវមន្ត្រីនគរបាលឱ្យដឹងថា កាលពីវេលាម៉ោង០៣ និង៣០នាទីទៀបភ្លឺថ្ងៃទី២៦ សីហា ២០១៦ មានករណីប្លន់ប្រដាប់អាវុធមួយបានកើតឡើង ទៅលើប្តី-ប្រពន្ធជាអ្នកកាប់ជ្រូកលក់ ដោយបានយកកាបូបលុយមានប្រាក់, ទូរស័ព្ទដៃ, អាយផេត និងសម្ភារមួយចំនួនទៀត ខណ:ពេលជនរងគ្រោះម៉ូតូចេញពីផ្ទះ បំណងជិះទៅរកហូបបង្អែម ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ក៏បានដាក់បទបញ្ជាទៅកម្លាំងជំនាញ បើកការស៊ើបអង្កេត និងស្រាវជ្រាវលើករណីប្លន់នេះ ។ រយ:ពេល១៥ម៉ោងកន្លះ គឺកម្លាំងជំនាញនគរបាលព្រហ្មទណ្ឌ ឈានដល់ការឃាត់ខ្លួនជន សង្ស័យ៣នាក់ យកទៅសាកសួរ ដើម្បីកសាងសំណុំរឿងបញ្ជូនទៅកាន់សាលាដំបូងខេត្ត ។
ចែករំលែកព័តមាននេះ