លោក Dennis Quaid តារាសម្តែងវ័យ៦២ឆ្នាំ ជនជាតិអាមេរិក ដែលទើបលែងលះប្រពន្ធទី៣ កាលពីខែមិថុនាកន្លងមក បច្ចុប្បន្នបានបង្ហាញគូស្នេហ៍ថ្មីជាតារាបង្ហាញម៉ូដ មានអាយុតិចជាងខ្លួន៣០ឆ្នាំ គឺនាង Santa Auzina ។
សារព័ត៌មានកាលពីថ្ងៃទី២៣ សីហា ២០១៦ ផ្សាយថា នាង Santa Auzina និងលោក Dennis Quaid ចាប់ផ្តើមមានពេលវេលាដ៏ល្អជាមួយគ្នាតាំងពីលោក Dennis Quaid ទៅរស់នៅក្រុងម៉ុងរ៉េអាល់ ប្រទេសកាណាដា ដើម្បីថតភាពយន្តរឿង «The Art of More» មក ។
លោក Quaid អាយុ៦២ឆ្នាំ និង Santa Auzina អាយុ៣០ឆ្នាំ លេចឮដំណឹងស្រលាញ់គ្នាតាំងពីខែកក្កដាកន្លងមក បន្ទាប់ពីគេឃើញពួកគេល្អូកល្អិននឹងគ្នានៅរង្គសាល «Awater Cocktail» ដោយតារាបង្ហាញម៉ូដជនជាតិកាណាដារូបនោះអង្គុយនៅកៀកកិតលោក Quaid ដែលអោបថើបនាង ។
ចំណែកលោក Dennis Quaid ទើបតែលែងលះប្រពន្ធទី៣ កាលពីខែមិថុនា កន្លងទៅ បន្ទាប់ពីរៀបការរួមរស់ជាមួយគ្នាអស់រយៈពេល១២ឆ្នាំ ដោយពួកគេមានកូនភ្លោះ២នាក់ គឺនាង Thomas និង Zoe អាយុ៨ឆ្នាំ ៕
ចែករំលែកព័តមាននេះ