រាជធានីភ្នំពេញ ៖ ក្រុមហ៊ុនផលិតស្រាបៀរកម្ពុជា (CBL) បានប្រកាសសម្ពោធលក់ស្រាបៀរអាន់ឆ័រដប ដែលបានរចនាឡើងជាមួយនឹងរូបរាងថ្មី និងការវេចខ្ចប់គួរអោយទាក់ទាញនៅក្នុងកម្មវិធីដ៏ពិសេសមួយធ្វើឡើងនៅសាលបុរីកោះពេជ្រ កាលពីល្ងាចថ្ងៃទី១៩ សីហា ២០១៦ ដោយមានការចូលរួមពីសំណាក់តារាល្បីៗ និងភ្ញៀវកិត្តិយសយ៉ាងច្រើនកុះករជិត១ពាន់នាក់ ។
កម្មវិធីនារាត្រីនោះត្រូវបានដាក់ឈ្មោះថា កម្មវិធីជប់លៀងលើនាវា ដោយរៀបចំឡើងយ៉ាងពិសេស មានរួមបង្ហាញចូលនូវទស្សនីយភាពកម្សាន្តសប្បាយៗជាច្រើនបានញ៉ាំងឱ្យកម្មវិធីរឹតតែពុំអាចបំភ្លេចបាន ព្រោះថាអ្នកចូលរួមបានទទួលនូវបទពិសោធន៍ថ្មីៗដែលមិនធ្លាប់នៅក្នុងព្រះរាជាណាចក្រកម្ពុជា នោះគឺការនាំមកនូវកម្មវិធីជប់លៀងបែបបទនៅលើនាវាជាមួយនឹងការរាំលេងកម្សាន្ត ព្រមទាំងបានក្រេបនូវរសជាតិដ៏ស្រទន់ពីស្រាបៀរអាន់ឆ័រដប ដែលជាសមិទ្ធផលចេញពីខ្សែសង្វាក់ផលិតកម្មដំបូងនៃរោងចក្រផលិតស្របៀរកម្ពុជា។
លោក Roland Bala អគ្គនាយកគ្រប់គ្រងក្រុមហ៊ុនផលិតស្រាបៀរកម្ពុជា (CBL) បានថ្លែងអោយដឹងអំពីការវិវត្តន៍ថ្មីរបស់ស្រាបៀរអាន់ឆ័រ ដែលនឹងបន្ថែមនូវភាពជោគជ័យលើទីផ្សារកម្ពុជា ដោយស្រាបៀរអាន់ឆ័រ ជាស្រាបៀរជំរើសទីមួយសម្រាប់យុវវ័យម័យថ្មី ។ ស្រាបៀរអាន់ឆ័រដប ផ្ដល់ជូនអតិថិជននូវបទពិសោធន៍ថ្មីក្នុង ការក្រេបរសជាតិដ៏ស្រទន់ពីស្រាបៀរអាន់ឆ័រ តាមរយៈដបដែលបានរចនាឡើងជាមួយនឹងរូបរាងថ្មី និងការវេចខ្ចប់ដ៏ប្រណីត ។
គួរបញ្ជាក់ថា នៅក្នុងរាត្រីនោះវត្តមានតារាល្បីៗប្រចាំព្រះរាជាណាចក្រកម្ពុជា រួមមាន ខេមរៈ សិរីមន្ត កញ្ញា ឱក សុគន្ធកញ្ញា លោកឆន សុវណ្ណរាជ លោក ណុប បញ្ញារិទ្ធិ អ្នកនាងពេជ្រ សោភា លោកថែល ថៃ លោកឃី សុខុន អ្នកនាងសាន ស្រីឡៃ កញ្ញាឈីន រនតៈ និងក្រុមភ្លេងខ្មែរផងដែរ ។ កាន់តែអស្ចារ្យជាងនេះទៀត គឺតារាចំរៀនទាំងអស់បានផ្ដល់នូវភាពរីករាយតាមរយៈការសម្ដែងពញ្ញាក់អារម្មណ៍ និងច្រៀងបទល្បីៗរបស់ខ្លួនជូនភ្ញៀវកិត្តិយសក្នុងចំណោមភ្ញៀវកិត្តិយសដែលនេះជាព្រឹត្តិការណ៍ថ្មីមួយដែលមិនធ្លាប់មានពីមុនមក ៕
ចែករំលែកព័តមាននេះ