គូស្នេហ៍​កា​ណា​ដា​មួយគូ បាន​ធ្វើ​ដំណើរ​ទៅ​កាន់​ប្រទេស​អីុ​ស្លង់​ដើម្បី​ថតរូប​ភាព និង​វី​ដេ​អូ​កម្រង​អនុស្សាវរីយ៍​មុន​ពេល​រៀប​ការ ឬ​ហៅ​ថា Pre-Wedding ។ គូស្នេហ៍​នោះ​គឺ Cici និង Clement បាន​សហការ​ជាមួយ​ក្រុមការងារ​ថតរូប​ភាព និង​វី​ដេ​អូ​ដែល​មក​ពី​ក្រុមហ៊ុន «Life Studios Inc» មាន​មូលដ្ឋាន​នៅ​ទីក្រុង​ស៊ី​ដ​នី​ប្រទេស​អូស្ត្រាលី និង​ក្រុង Vancouver ប្រទេស​កា​ណា​ដា ។

Cici និង Clement​បាន​ចំណាយពេល​១​ស​ប្តា​ហ៍​ដើម្បី​ថតរូប​ភាព និង​វី​ដេ​អូ Pre-Wedding ដែល​ប្លង់​ថត នីមួយ​ៗ​មាន​ទេសភាព​អស្ចារ្យ​ជា​ច្រើន​កន្លែង នៅ​ក្នុង​ប្រទេស​អុ​ី​ស្លង់​ដូច​ជា​ភ្នំភ្លើង ទឹកជ្រោះ រូង​ផ្ទាំង​ទឹកកក និង ទេសភាព ល្អ​ៗ​ច្រើន​ទៀត ៕