ក្តីទន្ទឹងជាយូរ លោកជា វិបុល និងគង់ សុជាតិ ក្លាយជាការពិត
រាជធានីភ្នំពេញ ៖ មហាជនមានការសារទរមិនតិចទេ ដែលកន្លងមកលេចឮថា អ្នកនាងគង់ សុជាតិ ភរិយាលោកជា វិបុល អាចនឹងមិនមានកូន ក្រោយពេលគេគិតរឿងវ័យច្រើនជាងស្វាមី ។
រាជធានីភ្នំពេញ ៖ មហាជនមានការសារទរមិនតិចទេ ដែលកន្លងមកលេចឮថា អ្នកនាងគង់ សុជាតិ ភរិយាលោកជា វិបុល អាចនឹងមិនមានកូន ក្រោយពេលគេគិតរឿងវ័យច្រើនជាងស្វាមី ។
រាជធានីភ្នំពេញ ៖ មហាជនមានការសារទរមិនតិចទេ ដែលកន្លងមកលេចឮថា អ្នកនាងគង់ សុជាតិ ភរិយាលោកជា វិបុល អាចនឹងមិនមានកូន ក្រោយពេលគេគិតរឿងវ័យច្រើនជាងស្វាមី ។
បំបែកពាក្យលេចឮនេះ អ្នកនាងគង់ សុជាតិ បានសម្រេចបំណងមានកូន ជាមួយលោកជា វិបុល ជាផ្លូវការហើយ ដោយធ្វើឲ្យស្រទាប់មហាជនមានការភ្ញាក់ផ្អើល និងចូលរួមរីករាយសាទរ ។
ទីបំផុតបំណងប្រាថ្នា ក្នុងការទទួលយកកំណើតកូនរួមគ្នារបស់ពិធីការិនីគង់ សុជាតិ និងលោក ជា វិបុល បានសម្រេចហើយ។ ចំណងដៃកូនដំបូងនេះ នឹងធ្វើឲ្យសុភមង្គលរបស់គូស្នេហ៍ខុសវ័យនេះ កាន់តែផ្អែមល្ហែមទ្វេឡើង។
វ័យកាន់តែច្រើនរបស់គង់ សុជាតិ ត្រូវបានក្លាយជាការព្រួយបារម្ភមួយ សម្រាប់ការបង្កកំណើតកូន ជាតំណក់ឈាមរបស់លោក ជាវិបុល ។ ពេលនេះ សុជាតិ មានវ័យ៣៨ឆ្នាំ ហើយដែលជាវ័យប្រឈមនឹងបញ្ហាបង្កកំណើត ខណៈដែលពួកគេ ក៏ថ្លែងពីការព្រួយបារម្ភអំពីបញ្ហានេះដែរ ប៉ុន្តែអ្នកទាំងពីរបញ្ជាក់ថា មិនមែនជាបញ្ហាដែលនាំឲ្យគ្រួសារពួកគេដើរដល់ផ្លូវទាល់នោះដែរ។ ការថ្លែងពីការឈឺឆ្អាលព្រួយបារម្ភពីចំណងស្នេហ៍របស់សិល្បករទាំងពីនេះ កើតមានឡើងក្រោយពេលគេសង្កេតឃើញថា ប៉ុន្មានឆ្នាំចុងក្រោយនេះ ចំណងជីវិតគ្រួសាររបស់សិល្បករជាច្រើនស្ថិតក្នុងភាពផុយស្រួយ។
សុជាតិ បានបង្ហាញវត្តមានក្នុងកម្មវិធីខួបកំណើតតារាសម្តែង ពៅ លីដា កាលពីរាត្រីថ្ងៃទី៤ សីហា នេះ ជាមួយនឹងសាច់ឈាមធាត់ទ្រលុកទ្រលន់ជាមុន ហើយអ្វីដែលគេចាប់អារម្មណ៍គឺនាងលេចចេញទម្រង់ពោះធំបន្តិច ដែលធ្វើឲ្យគេអាចសម្គាល់បានថានាងកំពុងមានផ្ទៃពោះ សូម្បីតែស្បែកជើងកែងខ្ពស់ដែលនាងនិយមពាក់ក៏នាងមិនប្រើដូចមុនដែរ ។
ទោះជាយ៉ាងណា គង់ សុជាតិ ហាក់ស្ទាក់ស្ទើរក្នុងការបញ្ជាក់អំពីដំណឹងនៃការបង្កកំណើតកូនដំបូង ប៉ុន្តែនាងទទួលស្គាល់ថា នាងបានបាត់រដូវជាង២ខែមកហើយ។ នាងបញ្ជាក់ថា នៅថ្ងៃទី១០ សីហា នេះ នាងនិងស្វាមីបានសម្រេចចិត្តទៅពិនិត្យផ្ទៃពោះជាលើកដំបូង ដើម្បីប្រាកដថា មានផ្ទៃពោះ ឬយ៉ាងណា? ។
នាងបញ្ជាក់ថា ប្រសិនបើមានមែន នាងនិងស្វាមីពិតជាត្រេកអរ ខណៈដែលចង់បានកូនដំបូង ដែលជាតំណក់ឈាមរួមគ្នានេះ។ នាងបញ្ជាក់ថា នៅថ្ងៃទី១០ សីហា នេះ ក្រោយពីពិនិត្យផ្ទៃពោះនាងក៏នឹងមានរៀបចំកម្មវិធីដ៏ភ្ញាក់ផ្អើលមួយ ជាមួយនឹងក្រុមហ៊ុនផលិតផលសម្រាប់ម្តាយ និងទារកផងដែរ ។
តាមរយៈការបញ្ជាក់នេះ បានធ្វើឱ្យគេដឹងថា នាងពិតជាមានផ្ទៃពោះជាក់ប្រាកដណាស់ ហើយក៏ឆ្លៀតក្នុងការចូលរួមការផ្សព្វផ្សាយផលិតផលថែរក្សាសុខភាពផងដែរ ដែលគេដឹងថា នាងអាចប្រើព្រួញមួយបាញ់សត្វបានដល់ទៅពីរ ដែលមិនត្រឹមតែអាចសម្រេចបំណងពរពោះកូនបានតែមួយនោះទេគឺ នាងអាចរកចំណូលពីការផ្សព្វផ្សាយពាណិជ្ជកម្មបានថែមទៀតផង។
តារាស្រីវ័យ៣៨ឆ្នាំរូបនេះ បញ្ជាក់ថា កន្លងមក នាងធ្លាប់បានពិនិត្យសុខភាព និងជួបក្រុមវេជ្ជបណ្ឌិតជាញឹកញាប់ ដើម្បីប្រាកដថាតើនាង និងស្វាមីមានលទ្ធភាពក្នុងការបង្កកំណើតរួមគ្នាបានដែរឬទេ ដែលលទ្ធផលគឺល្អទាំងពីរនាក់ ។ នាងបញ្ជាក់ថា នាងចង់បានកូនស្រី ខណៈដែលលោកជា វិបុលជាស្វាមីចង់បានកូនប្រុស ប៉ុន្តែនាងនិងស្វាមី សម្រេចហើយថា ប្រុសឬស្រី សុទ្ធតែជា
កូន ។
គួរបញ្ជាក់ដែរថា ពិធីករជា វិបុល និងមេម៉ាយក្តៅស្រួយ គង់ សុជាតិ បានដឹកដៃគ្នាចូលរោងការយ៉ាងអធិកអធម កាលពីថ្ងៃទី៩ ខែវិច្ឆិកា ឆ្នាំ២០១៣ នៅគេហដ្ឋានរបស់នាងម្តុំផ្សារថ្មី និងទទួលភ្ញៀវនៅសណ្ឋាគារ អាំងទែរកុងទីណង់តាល់ ក្រោមវត្តមានមន្ត្រីមានមុខមាត់ អ្នកជំនួញ និងសិល្បករជាច្រើនរូបទៀត ។
អ្នកនាងគង់ សុជាតិ ថា បើពពោះបែបណា ក៏ការងារសិល្បៈមិនបោះបង់ដែរ ពោលមានតែបំពេញរាល់ទាល់តែជិតគ្រប់ខែដូចតារាសិល្បៈមួយចំនួន ហើយកូនពីរពីមុន ក៏នាងធ្វើការរហូតទាល់តែកើតតែម្តង ។ នាងរំពឹងថា មហាជននិងមនុស្សមួយចំនួន និងបញ្ចប់ការសង្ស័យរឿង នាងគ្មានកូននេះ ក្រោយពេលបំណងរបស់យើងទាំងពីរបានសម្រេចជាផ្លូវការ ។
ចែករំលែកព័តមាននេះ