សោកស្តាយ! តារាជើងចាស់ថៃដ៏ល្បី១រូប ទទួលមរណភាពដោយសារជំងឺម្យ៉ាង
ថៃ ៖ នៅថ្ងៃទី២០ ខែកុម្ភៈ ឆ្នាំ២០២២ មានដំណឹងដ៏ភ្ញាក់ផ្អើលមួយ ដោយនៅក្នុងវិស័យសិល្បៈរបស់ថៃ បានបាត់បង់
ថៃ ៖ នៅថ្ងៃទី២០ ខែកុម្ភៈ ឆ្នាំ២០២២ មានដំណឹងដ៏ភ្ញាក់ផ្អើលមួយ ដោយនៅក្នុងវិស័យសិល្បៈរបស់ថៃ បានបាត់បង់តារាសម្ដែងដ៏មានជំនាញ និងទេពកោសល្យ១ដួងទៀតហើយ គឺលោក Toi Setha Sirachaya ដែលទទួលមរណភាពនៅវ័យ៧៧ឆ្នាំ ដោយសារជំងឺមហារីកសួតដំណាក់កាលទី៤។
បើយោងតាមប្រភពពីសារព័ត៌មាន Thairath បានឱ្យដឹងថា លោក Toi Setha Sirachaya ត្រូវបានរកឃើញថា មានជំងឺមហារីកសួតកាលពីឆ្នាំ ២០១៩។ ប៉ុន្តែនៅរយៈពេលចុងក្រោយនេះ រាងកាយរបស់លោកបានចុះខ្សោយ បន្ទាប់ពីទទួលបានការព្យាបាលដោយចាក់គីមី។ ខណៈក្រៅពីមានជំងឺមហារីកសួត កាលពីឆ្នាំមុន លោកក៏ធ្លាប់បានឆ្លងជំងឺកូវីដ-១៩ ផងដែរ។
លោក Toi Setha Sirachaya កើតនៅឆ្នាំ ១៩៤៤ បានប្រឡូកវិស័យសិល្បៈលើកដំបូងក្នុងវ័យ១៦ឆ្នាំ ជាអ្នកចម្រៀងក្នុងរង់តន្ត្រី The Impossibles។ លុះក្រោយមកជាបន្តបន្ទាប់ លោកបានវិវឌ្ឍន៍ខ្លួនក្លាយទៅជាតារាសម្តែង និងជាពិធីករដោយបានសម្តែងខ្សែភាពយន្ត និងកម្មវិធីទូរទស្សន៍ជាច្រើន។
ដោយសារតែទេពកោសល្យនេះហើយ បានធ្វើឱ្យប្រជាប្រិយភាពលោកល្បីសុសសាយទូទាំងប្រទេសថៃ រហូតក្លាយជាតារាតំណាងជាតិមួយរូបផងដែរ។ ខណៈប្រជាជនខ្មែរជាច្រើនក៏ស្គាល់ និងធ្លាប់ទស្សនាខ្សែភាពយន្តរបស់លោកផងដែរ។
សូមជម្រាបថា លោក Toi Setha Sirachaya គឺជាស្វាមីរបស់តារាសម្តែងស្រីជើងចាស់ដ៏ល្បីឈ្មោះរបស់ថៃគឺលោកស្រី Aranya Namwong ដោយបានចំណងដៃកូនស្រីម្នាក់៕
ចែករំលែកព័តមាននេះ