ស្វែង សុជាតា ញញឹមគ្រាន់តែជាសម្បក តែក្នុងកាយវិញផុងទៅដោយវិបត្តិចាក់ស្រេះ
- ភ្នំពេញ
ពស្រស់ស្អាត ស្នាមញញឹមដែលទាញត្រឡប់មកវិញនៅមិនទាន់អាចធ្វើ អោយអ្នកនាង ស្វែង សុជាតា មានអារម្មណ៍
រាជធានីភ្នំពេញ ៖ ភាពស្រស់ស្អាត ស្នាមញញឹមដែលទាញត្រឡប់មកវិញនៅមិនទាន់អាចធ្វើ អោយអ្នកនាង ស្វែង សុជាតា មានអារម្មណ៍ស្រស់ស្រាយមកវិញបានទាំងស្រុងនោះទេ។ ហើយវិបត្តិដ៏ច្រើនចំណុចបានហក់មករំខានអារម្មណ៍តារាជើងចាស់ ពូកែសម្តែងតួឆ្នាស់រូបនេះ។
អ្នកនាងនៅតែបង្ហើបថា មានបញ្ហាច្រើនក្នុងបេះដូង ដែលនាងតតាំងឡើងវិញ ដើម្បីកុំអោយគេថា នាងពូកែសម្តែង បោកបញ្ឆោត ហើយអោយភ្លឺភ្នែកថា ការលើកឡើងនេះ កាន់តែធ្វើអោយយើងខំតទៀត។ ហើយកំពូលតារាសម្ដែង ស្វែង សុជាតា បានចូលខ្លួននិយាយរឿងរ៉ាវលំបាកក្នុងជីវិតរបស់ខ្លួនតាមរយៈកម្មវិធីសម្ភាសន៍ VTalk កាលពីពេលថ្មីៗនេះផងដែរ។
អ្នកនាងបានអះអាងថា ជីវិតរបស់អ្នកនាងបានបាត់បង់អ្វីៗគ្រប់យ៉ាង និងធ្លាក់ដល់ចំណុចសូន្យតែម្ដង នៅពេលប្រទេសកម្ពុជាប្រកាសបិទខ្ទប់មួយរយៈក្នុងស្ថានភាពដ៏លំបាកនៃការរីករាលដាលនៃជំងឺកូវីដ១៩។ អ្នកនាងថា អ្នកនាងក៏ត្រូវរងបន្ទុកដោះស្រាយបំណុលដែលជាប់ជំពាក់បន្តពីជីវិតគូជាមួយអតីតស្វាមី។
អ្នកនាង ស្វែង សុជាតា បានសម្រក់ទឹកភ្នែកនៅមុខកាមេរ៉ា ហើយនិយាយរៀបរាប់ដោយមិនលាក់លៀមថា កូនអ្នកនាងទាំងអស់មាន៤នាក់ ហើយនៅអំឡុងពេលបិទខ្ទប់កូនៗរបស់អ្នកនាងបានចាកចេញពីអ្នកនាងទៅរស់នៅជាមួយនឹងស្វាមី ព្រោះអ្នកនាងគ្មានសល់ទ្រព្យសម្បត្តិអ្វីនៅក្នុងខ្លួនទៀតឡើយ គឺមានតែខ្លួនទទេ។ សូម្បីតែផ្ទះទាំងអស់ ក៏ត្រូវប្រគល់ជូនបុរីវិញ ដោយសារតែគ្មានលិទ្ធភាពបង់លុយបន្ដទៀត។
អ្នកនាងយំផង និយាយផងថា ពេលខ្លះអ្នកនាងរងសម្ពាធនៅក្នុងជីវិតខ្លាំងមែនទែន ធ្លាក់ខ្លួន គ្មានបាយញ៉ាំ គ្មានជម្រក គ្មានកម្លាំងចិត្ត រស់ពឹងលើជីវិតឯកោរបស់អ្នកនាង ជាមួយនឹងជំងឺប្រចាំកាយ។
ស្វែង សុជាតា ក៏បាននិយាយដោយមិនលាក់លៀមបន្តទៀតថា នៅពេលរងសម្ពាធក្នុងជីវិតខ្លាំងពេក មានពេលខ្លះអ្នកនាងបានសម្រាតខោអាវចេញពីខ្លួន ហើយដើរស្រែកយំមួយទំហឹងតែម្ដងនៅក្នុងបន្ទប់គេងម្នាក់ឯង។ អ្នកនាងបន្ដថា មានពេលខ្លះទៀត អ្នកនាងត្រូវលាក់អារម្មណ៍ឈឺចាប់របស់ខ្លួនមិនឱ្យក្រុមការងារ ឬមនុស្សនៅជុំវិញខ្លួនដឹងឡើយ។
អ្នកនាងបានទៅសុំសិល្បករម្នាក់ស្នាក់នៅជាមួយ ហើយពេលខ្លះទៀត អ្នកនាងបានដេកនៅក្បែរកង់ឡាន ឬនៅលើដី ដើម្បីបន្ធូរអារម្មណ៍តានតឹងក៏មាន។ អ្នកនាង ស្វែង សុជាតា និយាយថា មានសិល្បករម្នាក់ ដែលអ្នកនាងហ៊ាននិយាយរឿងរ៉ាវក្នុងជីវិតខ្លួនប្រាប់ និងទុកចិត្តបានបំផុតនោះ គឺលោក ទេព រិនដារ៉ូ ដែលលោកតែងតែផ្ដល់កម្លាំងចិត្តប្រាប់ឱ្យអ្នកនាងតស៊ូក្នុងជីវិតរហូតមក៕
ចែករំលែកព័តមាននេះ