កម្លាំងនគរបាលព្រហ្មទណ្ឌកំរិតធ្ងន់ បានចាប់វាយខ្នោះសង្សារមួយគូដែលពាក់ព័ន្ធក្នុងអំពើឃា.តកម្មដោយរឹ.ត.កសម្លា.ប់ប្អូនប្រុស ក្រោយពីជនរងគ្រោះបោះសម្តីថា
ខេត្តសៀមរាប ៖ កម្លាំងនគរបាលព្រហ្មទណ្ឌកំរិតធ្ងន់ បានចាប់វាយខ្នោះសង្សារមួយគូដែលពាក់ព័ន្ធក្នុងអំពើឃា.តកម្មដោយរឹ.ត.កសម្លា.ប់ប្អូនប្រុស ក្រោយពីជនរងគ្រោះបោះសម្តីថានឹងប្រាប់ឪពុក-ម្តាយជុំវិញហេតុការណ៍ឃើញជនសង្ស័យទាំងពីកំពុងរួមមេត្រីស្តែងៗនឹងភ្នែក។
អំពើឃា.តកម្មខាងលើនោះបានកើតឡើងតាំងពីវេលាម៉ោង២១និង៣០នាទីយប់ ថ្ងៃទី៨ ខែកុម្ភៈ ឆ្នាំ២០២២ ស្ថិតនៅចំណុចបរិវេណផ្ទះជនរងគ្រោះ ក្នុងភូមិបឹងវៀន ឃុំតាយ៉ែក ស្រុកសូទ្រនិគម ខេត្តសៀមរាប។ ចំណែកជនដៃដល់ដែលជាគូសង្សារ ត្រូវបានសមត្ថកិច្ចចាប់ខ្លួនបាននៅម៉ោងជិត១២ថ្ងៃត្រង់ ថ្ងៃទី៩ ខែកុម្ភៈ ឆ្នាំ២០២២ បន្ទាប់ពីបានបើកការស្រាវជ្រាវយ៉ាងល្អិតល្អន់។
បើតាមប្រភពពីសមត្ថកិច្ចនគរបាលមូលដ្ឋានស្រុកសូទ្រនិគម បានប្រាប់នៅល្ងាចថ្ងៃទី៩ ខែកុម្ភ: ឆ្នាំ២០២២នេះថា ជនដៃដល់ដែលឃាត់ខ្លួនទាំង២នាក់នោះមាន ៖ ទី១- ឈ្មោះ ចិត្ត ភន ភេទប្រុស អាយុ២១ឆ្នាំ មុខរបរកម្មករសំណង់ រស់នៅភូមិរំរោងកញ្ចោច ឃុំឬស្សីលក ស្រុកជីក្រែង ខេត្តសៀមរាប និងទី២- ឈ្មោះ ឡាយ សាលី ភេទស្រី អាយុ១៧ឆ្នាំ មុខរបរសិស្ស រស់នៅភូមិបឹងវៀន ឃុំតាយ៉ែក ស្រុកសូទ្រនិគម ខេត្តសៀមរាប ជាសហចារីដែលបានប្រព្រឹត្តបទល្មើសករណីឃា.តកម្ម (ជនរួមគំនិត)។
ប្រភពដដែលបានបញ្ជាក់ថា មុនពេលកើតហេតុ នៅវេលាម៉ោង៧ព្រឹក ថ្ងៃទី៩ ខែកុម្ភៈ ឆ្នាំ២០២២ កម្លាំងងនគរបាលយើងទទួលបានព័ត៌មានពីលោកមេភូមិបឹងវៀន មកថា មានក្មេងប្រុសជាអនីតិជនម្នាក់រស់នៅក្នុងភូមិកើតហេតុ បានស្លា.ប់នៅក្នុងអង្រឹង ។ ខណៈពេលនោះកម្លាំងនគរបាលអធិការស្រុកសូទ្រនិគម ក៏បានចុះទៅពិនិត្យដល់កន្លែងកើតហេតុ ហើយបានឃើញស.ពជនរងគ្រោះឈ្មោះ ឡាយ ប៉ុនលេង ភេទប្រុស អាយុ១១ឆ្នាំ៤ខែ មុខរបរជាសិស្ស រស់នៅភូមិកើតហេតុពិតប្រាកដមែន។
ប្រភពពីសមត្ថកិច្ចនគរបាលមូលដ្ឋាន បានបន្ថែមទៀតថា ក្រោយធ្វើកោសល្យវិច័យលើដងខ្លួនសាកស.ពជនរងគ្រោះរួចឃើញមានស្នាមរឹតត្រង់.កទំហំប៉ុនពីរធ្នាប់ដៃ ឆ្អឹងកង.ករបស់ជនរងគ្រោះត្រូវបានបាក់ រីឯដងខ្លួន និងដៃជើងស.ពពុំមានស្លាកស្នាមអ្វីនោះទេ។ ក្រោយមកសមត្ថកិច្ចក៏រកឃើញវត្ថុតាងទៀតមាន ៖ ខ្សែក្រវ៉ាត់ ពណ៌ខ្មៅ១ និងខ្សែចងអង្រឹងពណ៌ខ្មៅ ១កំណាត់ ដែលមានប្រវែង ០,៩២ម៉ែត្រ និងអង្រឹងប៉ារ៉ាចំនួន១ ផងដែរ។
ដោយមានការសង្ស័យ ទើបកម្លាំងជំនាញបាននាំខ្លួនឈ្មោះ ឡាយ សាលី ភេទស្រី អាយុ១៧ឆ្នាំ ត្រូវជាបងស្រីបង្កើតរបស់ស.ពជនរងគ្រោះមកធ្វើការសាកសួរតែម្តង ។
ឆ្លងកាត់ការស្តាប់ចម្លើយរបស់ឈ្មោះ ឡាយ សាលី ត្រូវជាបងស្រីបង្កើតរបស់ជនរងគ្រោះ បានសារភាពថា ៖ នៅថ្ងៃកើតហេតុ គឺខ្លួននិងប្អូនប្រុស (ជនរងគ្រោះ) នៅផ្ទះតែ២នាក់ ចំណែកឪពុកម្តាយទៅស្នាក់នៅ និងធ្វើចំការនៅភូមិខ្វាវ ឃុំខ្វាវ ស្រុកជីក្រែង ។ ហើយនៅម៉ោង១៩:០០នាទីយប់ សង្សាររបស់ខ្លួនឈ្មោះ ចិត្ត ភន បានផ្ញើសារតាមហេ្វសប៊ុកមកថា គេសុំមកលេងផ្ទះ ហើយនាងក៏យល់ព្រម។
បងស្រីបង្កើតរូបនេះបន្តថា លុះដល់វេលាម៉ោង២១និង០០នាទីយប់ ឈ្មោះ ចិត្ត ភន ក៏បានទៅដល់ ហើយគេបានអោបថើប និងសុំនាងរួមមេត្រី នាងក៏យល់ព្រម បន្ទាប់មកក៏នាំគ្នាទៅរួមមេត្រីនៅចំណុងរោងដាក់ឈើក្រោយផ្ទះ។ ពេលកំពុងប្រតិបត្តិការនោះ ស្រាប់តែប្អូនប្រុសរបស់ខ្លួនឈ្មោះ ឡាយ ប៉ុនលេង បានទៅទាន់ ហើយនិយាយថា គេនឹងយករឿងពួកខ្លួនខាងលើប្រាប់ទៅឪពុកម្តាយទាំងអស់។
បងស្រីរូបនេះបន្តទៀតថា ពេលនោះខ្លួន និងសង្សារក៏រួមគំនិតគ្នាសម្លា.ប់ជនរងគ្រោះបំបិទមាត់តែម្តង ដោយឈ្មោះ ចិតុ្ត ភន (សង្សារ) បានវាយទៅលើជនរងគ្រោះចំត្រង់ដង.កផ្នែកខាងក្រោយមួយដៃ បណ្តាលឲ្យដួលសន្លប់ផ្កាប់មុខទៅលើដី ហើយខ្លួន (បងស្រីជនរងគ្រោះ) ក៏ស្ទុះទៅចាប់ជើងជនរងគ្រោះទាំងសងខាង។ ចំណែកឈ្មោះ ចិត្ត ភន (សង្សារ) បានចាប់ផ្ងារជនរងគ្រោះ ហើយយកដៃទាំងពីរមួលបំបាក់.កជនរងគ្រោះតែម្តង។ ក្រោយធ្វើសកម្មភាពហើយ ឈ្មោះ ចិត្ត ភន (សង្សារ) ក៏បានឡើងជិះម៉ូតូរត់គេចខ្លួនបាត់ស្រមោលទៅ។
ក្រោយស្តាប់ចម្លើយបងស្រីជនរងគ្រោះរួច សមត្ថកិច្ចក៏ធ្វើការស្រាវជ្រាវតាមប្រមាញ់ចាប់ខ្លួនឈ្មោះចិត្ត ភន ភ្លាមៗតែម្តង។
តាមចម្លើយរបស់ឈ្មោះ ចិត្ត ភន បានសារភាពថា រូបគេពិតជាបានធ្វើសកម្មភាពខាងលើពិតប្រាកដមែន ខ្លួនជាអ្នកវាយមួលបំបាក់.កជនរងគ្រោះ និងបានយកខ្សែក្រវ៉ាត់ទៅរឹ.តកជនរងគ្រោះបន្ថែម និងបានលើកស.ពជនរងគ្រោះទៅដាក់ក្នុងអង្រឹងលើផ្ទះ បន្ទាប់មកយកខ្សែក្រវ៉ាតទៅចងភ្ជាប់នឹងខ្សែអង្រឹង ដើម្បីបង្វែរថា ជាករណីអត្តឃា.តដោយច.ង.កសម្លា.ប់ខ្លួន ក្រោយមកខ្លួនក៏ឡើងជិះម៉ូតូទៅផ្ទះនៅភូមិរំរោងកញ្ជោច ឃុំឬស្សីលក ស្រុកជីក្រែង។
ក្រោយកើតហេតុ កម្លាំងនគរបាលការិយាល័យជំនាញបានប្រគល់ស.ពជនរងគ្រោះឱ្យទៅក្រុមគ្រួសារយកទៅធ្វើបុណ្យតាមប្រពៃណី ។ ហើយបច្ចុប្បន្ន ជនសង្ស័យទាំង២នាក់ត្រូវបានសមត្ថកិច្ចនគរបាលការិយាល័យជំនាញ បញ្ជូនទៅកាន់តុលាការ ដើម្បីបន្តនីតិវិធីតាមផ្លូវច្បាប់៕
ចែករំលែកព័តមាននេះ