(វៀងច័ន្ទ,ឡាវ) ៖ ផែនការអាជីវកម្ម ត្រូវបានសហគ្រិនភាគច្រើន បានស្គាល់ពីសារសំខាន់ និងតែងរៀបចំមុន និងពេលប្រកបអាជីវកម្ម ដើម្បីពង្រឹងកិច្ចសហប្រតិបត្តិការក្នុងតំបន់ ជាពិសេសលើកកម្ពស់ការបណ្តុះបណ្តាលសហគ្រាសខ្នាតតូច និងមធ្យម វិទ្យាស្ថានសហប្រតិបត្តិធនធានមនុស្សឡាវ-ជប៉ុន បានផ្តួចផ្តើមការប្រកួតប្រជែងលើផែនការអាជីវកម្មថ្នាក់តំបន់លើកដំបូង ដែល
(វៀងច័ន្ទ,ឡាវ) ៖ ផែនការអាជីវកម្ម ត្រូវបានសហគ្រិនភាគច្រើន បានស្គាល់ពីសារសំខាន់ និងតែងរៀបចំមុន និងពេលប្រកបអាជីវកម្ម ដើម្បីពង្រឹងកិច្ចសហប្រតិបត្តិការក្នុងតំបន់ ជាពិសេសលើកកម្ពស់ការបណ្តុះបណ្តាលសហគ្រាសខ្នាតតូច និងមធ្យម វិទ្យាស្ថានសហប្រតិបត្តិធនធានមនុស្សឡាវ-ជប៉ុន បានផ្តួចផ្តើមការប្រកួតប្រជែងលើផែនការអាជីវកម្មថ្នាក់តំបន់លើកដំបូង ដែលមានប្រទេសចំនួន៣ គឺកម្ពុជា, ថៃ និងឡាវ ដែលមាន១២ក្រុមដែលឆ្លងកាត់ការជ្រើសរើស និងបណ្តុះបណ្តាលតាមបណ្តាលប្រទេសនីមួយៗ ។
កម្មវិធីនេះ ត្រូវបានរៀបចំឡើងនៅទីក្រុងវៀងច័ន្ទ សាធារណៈរដ្ឋប្រជាមានិតប្រជាធិបតេយ្យឡាវ នៅថ្ងៃទី១៣ កក្កដា ២០១៦ ជាលទ្ធផលប្រទេសកម្ពុជា បានទទួលជ័យលាភីពានថ្នាក់លេខ១ និងថ្នាក់លេខ២ ចំពោះជ័យលាភីថ្នាក់លេខ៣ គឺអញ្ជើញមកពីប្រទេសថៃ ។
រំលឹកពីថ្ងៃប្រកួតប្រជែង កាលពីម្សិលមិញរយៈពេល១២ម៉ោង នាទីក្រុងវៀងច័ន្ទ ប្រទេសឡាវ គណៈកម្មាធិការដែលមានតំណាងប្រទេសកម្ពុជា១រូប, ប្រទេសថៃ១រូប, ប្រទេសឡាវ១រូប, តំណាង JETRO១រូប, តំណាងគម្រោង JICA ប្រទេសជប៉ុន១រូប បានវាយតម្លៃយ៉ាងយកចិត្តទុកដាក់ សុក្រឹតភាព យុត្តិធម៌ និងបានផ្តល់យោបល់ដ៏មានតម្លៃ ដែលជាធាតុចូលសម្រាប់ក្រុមនីមួយៗកែលំអនូវចំណុចខ្វះខាត និងលើកទឹកចិត្តដល់ក្រុមទាំងអស់ ចូលរួមក្នុងអាជីវកម្មនាពេលបច្ចុប្បន្ន និងអនាគត ដើម្បីអភិវឌ្ឍសេដ្ឋកិច្ចតំបន់ និងសហប្រតិបត្តិការអន្តរជាតិក្រោមស្មារតីសហការគ្នា ទោះបីជាមកពីប្រទេសផ្សេងៗគ្នាប៉ុន្តែស្ថិតក្នុងតំបន់តែមួយ។
ក្នុងស្មារតីនេះ ក្រុមទាំងអស់បានប្រកួតប្រជែងគ្នា ក្នុងន័យសហប្រតិបត្តិ និងចែករំលែកបទពិសោធន៍នៃការប្រកបអាជីវកម្មរបស់ប្រទេសរៀងៗខ្លួន ប្រកបដោយភាពក្លៀវក្លា ដែលធ្វើឱ្យគណៈកម្មាធិការពិបាកសម្រេចចិត្តក្នុងការជ្រើសរើសជ័យលាភី។ ក្រោមការវាយតម្លៃប្រកបដោយជំនាញរបស់គណៈកម្មាធិការ ដែលមានប្រវត្តិចេញពីម្ចាស់អាជីវកម្ម ធនាគារ ជំនាញការ និងអ្នកបច្ចេកទេសបណ្តុះបណ្តាលអាជីវកម្មបានសម្រេចប្រគល់ជ័យលាភីចំណាត់ថ្នាក់ពានលេខ១ ជូនក្រុមក្រុមប្រទេសកម្ពុជាឈ្មោះថា Healthogo ដែលមានលោកសាំង តារារស្មី ដែលលោកមានបទពិសោធន៍លើវិស័យសុខាភិបាល ហើយក្នុងផែនការអាជីវកម្មនេះ លោកបានរៀបចំជាកម្មវិធីAPP សម្រាប់ដោះស្រាយបញ្ហាលើតម្រូវសេវាសុខាភិបាលខាងក្នុងនិងក្រៅប្រទេស។
ចំណែកចំណាត់ថ្នាក់ពានលេខ២ ជូនក្រុមប្រទេសកម្ពុជាឈ្មោះថា Fast Pay Cambodia ដែលមានលោកងន់ ម័រ និងលោកម៉េង ហាន់ ដែលលោកទាំងពីរ មានបទពិសោធន៍លើវិស័យព័ត៌មានវិទ្យាជាច្រើនឆ្នាំ ដែលមានគំនិតផ្តួចផ្តើមបង្កើតប្រព័ន្ធទូទាត់ E-payment នៅកម្ពុជា ដោយសាកល្បងរៀបចំនៅទីធ្លាសាកលវិទ្យាល័យភូមិន្ទភ្នំពេញមុនគេសម្រាប់កន្លែងចំណត អាហារដ្ឋាន និងបណ្ណាល័យ ។
ទោះបីសេវាកម្មនេះ ត្រូវបានប្រទេសជាច្រើន បានប្រើប្រាស់រួចហើយក្តី ប៉ុន្តែសេវាកម្មនេះ ប្រាកដជាមានអត្ថប្រយោជន៍ជំរុញវិស័យពាណិជ្ជកម្មតាមរយៈអេឡិចត្រូនិចនាពេលអនាគត ។ ដោយឡែក ចំពោះចំណាត់ថ្នាក់ពានលេខ៣ ជូនក្រុម ELECTRIFYING RURAL MYANMAR ដែលមានលោក Vinodh Gopal ប្រទេសថៃ ក្នុងផែនការអាជីវកម្មនេះលោកចង់ផ្គត់ផ្គង់អគ្គិសនីនៅជនបទក្នុងប្រទេសមីយ៉ាន់ម៉ា ។
ក្រោមការខិតខំជាច្រើនខែ ក្នុងការបណ្តុះបណ្តាលរបស់វាគ្មិន និងគ្រូឧទ្ទេសនាមរបស់កម្ពុជា មានដូចជាលោកសោម សម្បត្តិ (អគ្គនាយក Campaint) លោកយន ម៉ាលឹមឆេង (មន្ត្រីជំនាញក្នុងក្រសួងសេដ្ឋកិច្ច និងហិរញ្ញវត្ថុ) និងគណៈកម្មាធិការតំណាងប្រទេសកម្ពុជា លោកឌិន សុមេធារិទ្ធ (ប្រធានក្រុមហ៊ុន Frangipani Villa Hotel Group ) អ្នកដឹកនាំឈ្មោះអៀង សុវត្ថិ និង Ms. Nadamoto ដែលអញ្ជើញមកពី Cambodia-Japan Cooperation Center ដែលស្ថិតក្រោមសាកលវិទ្យាល័យភូមិន្ទភ្នំពេញ និងក្រសួងអប់រំយុវជន និងកីឡា ។
សូមសិស្ស-និស្សិតដទៃទៀត សូមរៀបចំខ្លួនសម្រាប់ការប្រកួតប្រជែងឆ្នាំក្រោយៗ ដោយអញ្ជើញមកទាក់ទងនៅ CJCC ដើម្បីទទួលការបណ្តុះបណ្តាល, ប្រកួតប្រជែងដើម្បីមោទនភាពជាតិ និងក្លាយជាសហគ្រិនសម្រាប់កម្ពុជានាពេលអនាគត ។
ចែករំលែកព័តមាននេះ