ខេត្តសៀមរាប ៖ បុរសជាកម្មករដឹកទឹកលក់ម្នាក់ ត្រូវស៊ីទែនទឹកបាក់សង្កត់ពីលើបណ្តាលឱ្យស្លា.ប់.ភ្លាមៗ ហេតុការណ៍រន្ធត់នេះ កើតឡើងកាលពីម៉ោង០១និង៣០នាទីរសៀលថ្ងៃទី២៧ មករា ២០២២ ស្ថិតនៅចំណុចរោងចែកចាយបណ្តាញប្រព័ន្ធទឹកជូនអាជីវករលក់ដូរពេលរសៀលតាមដងផ្លូវ អង្គរឃ្យុងយូ (ផ្លូវ៦០ម៉ែត្រ) ក្នុងក្រុមទី០៩ ភូមិបឹងដូនប៉ា សង្កាត់ស្លក្រាម ក្រុងសៀម
រាប ។
បើយោងតាមប្រភពពីមន្ត្រីនគរបាលប៉ុស្តិ៍សង្កាត់ស្លក្រាមបានប្រាប់ នៅវេលាម៉ោង៩ព្រឹកថ្ងៃទី២៨ មករា នេះថា សា.ក.ស.ព.ជនរងគ្រោះមានឈ្មោះ ណម សុនឿន អាយុ៤២ ឆ្នាំជនជាតិខ្មែរ ជាកម្មករដឹកទឹកលក់ តាមផ្សាររាត្រីអង្គរឃ្យុងយូ មានទីលំនៅភូមិ
ត្នាតពង ឃុំរុនតាឯក ស្រុកបន្ទាយស្រី ខេត្តសៀមរាប ។
ប្រភពបានបញ្ជាក់ថា បើតាមការបំភ្លឺពីឈ្មោះ ប្លង់ មុំ ភេទស្រីអាយុ៤៣ឆ្នាំ ជាអ្នកលក់ស៊ុបនៅជិតនិងកន្លែងកើតហេតុបានឱ្យដឹងថា គាត់បានស្គាល់ឈ្មោះ ណម សុនឿន គាត់ជាកម្មករលក់ទឹកឱ្យអាជីវករលក់ដូរតាមដង ផ្លូវ៦០ម៉ែត្រចាប់ តាំងពីនាងលក់ស៊ុបដំបូងម៉្លេះ ហើយគាត់បានដំឡើងស៊ីទែនទឹកធំៗចំនួន២ ស៊ីទែន ដាក់នៅជាប់និងកន្លែងនាងខ្ញំលក់ស៊ុប។
ហើយនៅវេលាម៉ោង០១និង៣០នាទីរសៀលថ្ងៃទី២៧ មករា ខណៈពេលនោះ ខ្ញុំកំពុងនៅក្នុងរោងលក់ស៊ុប ស្រាប់តែលឺសូរសំលេងដួលរលំបាក់ស៊ីទែនទឹកភ្លាមនោះ រត់មកមើលឃើញស៊ីទែនទឹកសង្កត់ទៅលើឈ្មោះ ណម សុនឿន ហើយបានហៅ
អ្នកលក់ដូរនៅជិតនោះ ឱ្យមកជួយគាត់និងដឹក ទៅសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប ពេលទៅដល់លោក គ្រូពេទ្យប្រាប់ថា គាត់ស្លាប់បាត់ទៅហើយ ។
ប្រភពបន្ថែមទៀតថា ក្រោយពេលកើតហេតុ កម្លាំងជំនាញបានចុះដល់ កន្លែងកើតហេតុ រួចធ្វើការ ពិនិត្យនៅ កន្លែងកើតហេតុស្ថិតនៅជិតរោងលក់ស៊ុបតាមបណ្តោយផ្លូវ៦០ម៉ែត្រ(អង្គរព្យុងយូ) ជាកន្លែងដំឡើងស៊ីទែនទឹកសំរាប់លក់ចែកចាយឱ្យអាជីវករលក់ដូរ ។ សូមបញ្ជាក់ថា ជើងស៊ីទែនទឹក សង់អំពីដែកV. ៤ x ៤ មានបណ្តោយ ២;២០ ម៉ែត្រនិងទទឹង ១;១០ ម៉ែត្រ កំពស់ ៣ ម៉ែត្រ ចំណុះទឹក ២០០០ លីត ជើងស៊ីទែនជាប្រភេទដែកចាស់ៗ ។ ការពិនិត្យស្លាកស្នាម ឃើញមាន:- ផ្នែកក្បាល : ស្នាមក្បាលខាងក្រោយបែកហើមថ្ពាល់ ជាស្នាមស៊ីទែនទឹកសង្កត់លើ ។ ផ្នែកដងខ្លួននិងអវយវៈមានស្ថានភាពធម្មតា.។
បើតាមកាសន្និដ្ឋាន និងយោងតាមការបំភ្លឺពីសាក្សី និងការពិនិត្យកន្លែងកើតហេតុ និងការពិនិត្យសាកសព ជនរងគ្រោះពិតជាស្លា.ប់ដោយរបួសក្បាលធ្ងន់ធ្ងរ(ស៊ីទែនទឹកសង្កត់ពីលើ)ពិតមែន។ បច្ចុប្បន្នសា.ក.សព ជនរងគ្រោះ ត្រូវបានកម្លាំងនគរបាលការិយាល័យជំនាញ បានប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី ៕
ចែករំលែកព័តមាននេះ