Africa Cup of Nations ៖ រត់ជាន់គ្នានៅក្រៅកីឡដ្ឋាន ស្លា.ប់ និងរបួសច្រើននាក់
កាមេរ៉ូន ៖ យ៉ាងហោចមនុស្ស៦នាក់បានស្លា.ប់ និងរាប់សិបនាក់ផ្សេងទៀតរងរបួសក្នុងហេតុការណ៍រត់ជាន់គ្នាមួយនៅក្រៅកីឡ
កាមេរ៉ូន ៖ យ៉ាងហោចមនុស្ស៦នាក់បានស្លា.ប់ និងរាប់សិបនាក់ផ្សេងទៀតរងរបួសក្នុងហេតុការណ៍រត់ជាន់គ្នាមួយនៅក្រៅកីឡ
កាមេរ៉ូន ៖ យ៉ាងហោចមនុស្ស៦នាក់បានស្លា.ប់ និងរាប់សិបនាក់ផ្សេងទៀតរងរបួសក្នុងហេតុការណ៍រត់ជាន់គ្នាមួយនៅក្រៅកីឡដ្ឋាន ដែលរៀបចំការប្រកួតពានរង្វាន់ Africa Cup of Nations 2021 នៅប្រទេសកាមេរ៉ូន។
អ្នកគាំទ្រជាច្រើនម៉ឺននាក់ពិបាកចូលទៅកាន់កីឡដ្ឋាន Olembe ក្នុងរដ្ឋធានី Yaounde សម្រាប់ជំនួបវគ្គ១៦ក្រុមចុងក្រោយ ដែលម្ចាស់ផ្ទះកាមេរ៉ូនបានយកឈ្នះលើកូម័រលទ្ធផល ២-១ កាលពីថ្ងៃទី២៤ ខែមករា។ ខណៈយោងតាមប្រភពពីសារព័ត៌មាន AP បានរាយការណ៍ថា លោក Naseri Paul Biya អភិបាលប្រចាំតំបន់និយាយថា ប្រហែលជាមានអ្នកស្លា.ប់ និងរបួសច្រើនជាងនេះ ហើយក៏មានកុមារមួយចំនួនបានសន្លប់បាត់បង់ស្មារតីផងដែរ។
កីឡដ្ឋាន Olembe មានសមត្ថភាពផ្ទុកអ្នកទស្សនា ៦ម៉ឺននាក់ ប៉ុន្តែដោយសារការរឹតបន្តឹងបង្ការកូវីដ-១៩ អាជ្ញាធរអនុញ្ញាតឱ្យផ្ទុកត្រឹម ៨០% ប៉ុណ្ណោះ។ មន្ត្រីការប្រកួតត្រូវបានបញ្ជាក់ថា មនុស្សប្រហែលជាង ៥ម៉ឺននាក់បានព្យាយាមសម្រុកចូលដើម្បីទស្សនាការប្រកួត។
មន្ត្រីនៅមន្ទីរពេទ្យ Mesassi បាននិយាយថា ពួកគេទទួលអ្នករបួសយ៉ាងតិច៤០នាក់ ដែលបញ្ជូនមកមន្ទីរពេទ្យភ្លាមៗដោយប៉ូលីស និងជនស៊ីវិល។ ខណៈមន្ទីរពេទ្យមិនមានលទ្ធភាពព្យាបាលពួកគេទាំងអស់នោះទេ។ ស្របពេលគ្រូពេទ្យបានប្រាប់ថា អ្នករបួសមួយចំនួនស្ថិតក្នុងស្ថានភាពអស់សង្ឃឹម។
សហព័ន្ធបាល់ទាត់អាហ្វ្រិកបានចេញសេចក្តីថ្លែងការណ៍មួយថា ខ្លួនកំពុងស៊ើបអង្កេតស្ថានភាព និងព្យាយាមដើម្បីទទួលបានព័ត៌មានលម្អិតបន្ថែមអំពីហេតុការណ៍ដែលបានកើតឡើង។
សូមបញ្ជាក់ថា គិតមកដល់ពេលនេះ មាន៤ក្រុមហើយបានកក់កៅអីវគ្គ៨ក្រុមចុងក្រោយរួមមានម្ចាស់ផ្ទះកាមេរ៉ូន, ហ្គាំប៊ី, បួគីណាហ្វាសូ និង ទុយនេស៊ី៕ ដកស្រង់ចេញពី BBC និង France 24)
ចែករំលែកព័តមាននេះ