រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា កម្ពុជាបានរងឥទ្ធិពលពីទ្រនុងសម្ពាធទាបពីឥណ្ឌូនេស៊ីក្នុងទ្រនុងសម្ពាធខ្ពស់ពីចិនដែលអាចធ្វើឲ្យមានភ្លៀងក្នុងកម្រិតខ្សោយជាអន្លើ ។ យោងតាមសេចក្តីជូនដណឹងស្តីពីស្ថានភាពធាតុអាកាស ចាប់ពីថ្ងៃទី២៦ ខែមករា ដល់ថ្ងៃទី១…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា កម្ពុជាបានរងឥទ្ធិពលពីទ្រនុងសម្ពាធទាបពីឥណ្ឌូនេស៊ីក្នុងទ្រនុងសម្ពាធខ្ពស់ពីចិនដែលអាចធ្វើឲ្យមានភ្លៀងក្នុងកម្រិតខ្សោយជាអន្លើ ។
យោងតាមសេចក្តីជូនដណឹងស្តីពីស្ថានភាពធាតុអាកាស ចាប់ពីថ្ងៃទី២៦ ខែមករា ដល់ថ្ងៃទី១ ខែកុម្ភៈ ឆ្នាំ២០២២ នៅថ្ងៃទី២៥ មករា ឆ្នាំ២០២២ បានលើកឡើងថា នៅថ្ងៃទី២៦-៣១ ខែមករា ឥទ្ធិពលពីសម្ពាធទាប (ឥណ្ឌូនេស៊ី) ក្នុងកម្រិតខ្សោយ និងនៅថ្ងៃទី១ ខែកុម្ភៈ ឥទ្ធិពលពីទ្រនុងសម្ពាធខ្ពស់ (ចិន) ក្នុងកម្រិតខ្សោយ ។
ក្រសួងថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាលមានសីតុណ្ហភាពអប្បបរមាមានពី២៣-២៦អង្សសេ និងសីតុណ្ហភាពអតិបរមា មានពី៣៤-៣៧អង្សាសេ ។ នៅថ្ងៃទី២៩ ខែមករា ដល់ថ្ងៃទី១ ខែកុម្ភៈ អាចមានភ្លៀងក្នុងកម្រិតខ្សោយជាអន្លើ ។
ចំណែកបណ្តាខេត្តជាប់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមាមានពី ២៣-២៦ អង្សាសេ និងសីតុណ្ហភាពអតិបរមា មានពី៣៤-៣៧អង្សាសេ ។ នៅថ្ងៃទី៣០ ខែមករា ដល់ថ្ងៃទី១ ខែកុម្ភៈ អាចមានភ្លៀងក្នុងកម្រិតខ្សោយជាអន្លើ ។
ដោយឡែកតំបន់មាត់សមុទ្រមានសីតុណ្ហភាពអប្បបរមាមានពី២២-២៥ អង្សាសេ និងសីតុណ្ហភាពអតិបរមាមានពី៣០-៣៣ អង្សាសេ អាចមានភ្លៀង ក្នុងកម្រិតខ្សោយ ៕
ចែករំលែកព័តមាននេះ