លង់ទឹកស្លា.ប់ម្នាក់ ក្នុងចំណោមក្មេងលេងទឹក៣នាក់
ខេត្តត្បូងឃ្មុំ ៖ ពិតជាគួរឱ្យសង្វេគណាស់ដោយមានក្មេងប្រុស១ក្រុមមានគ្នា៣នាក់បាននាំគ្នាងូតទឹកស្រះចិញ្ចឹមត្រី ដោយ២នាក់ឡើងមកលើគោកវិញតែបាត់ម្នាក់
ខេត្តត្បូងឃ្មុំ ៖ ពិតជាគួរឱ្យសង្វេគណាស់ដោយមានក្មេងប្រុស១ក្រុមមានគ្នា៣នាក់បាននាំគ្នាងូតទឹកស្រះចិញ្ចឹមត្រី ដោយ២នាក់ឡើងមកលើគោកវិញតែបាត់ម្នាក់
ខេត្តត្បូងឃ្មុំ ៖ ពិតជាគួរឱ្យសង្វេគណាស់ដោយមានក្មេងប្រុស១ក្រុមមានគ្នា៣នាក់បាននាំគ្នាងូតទឹកស្រះចិញ្ចឹមត្រី ដោយ២នាក់ឡើងមកលើគោកវិញតែបាត់ម្នាក់ បង្កឱ្យមានភាពភ្ញាក់ផ្អើល។ ហេតុការណ៏នោះ បានកើតឡើងនៅវេលាម៉ោង១និង៣០នាទីរសៀល ថ្ងៃទី២៩ ខែមិថុនា ឆ្នាំ២០១៦ ត្រង់ចំណុចអាហារដ្ឋានយីហោ ម្លប់ព្រីង ដែលមានទីតាំងនៅភូមិត្រពាំងឬស្សី ឃុំរកាពប្រាំ ស្រុកត្បូងឃ្មុំ ។ ហើយមនុស្សម្នាជាច្រើននាក់បាននាំគ្នាចុះរាវគឺយឺតពេលមួយជំហាន ពោលក្មេងបានស្លាប់បាត់ទៅហើយក្រោមសំឡេងទួញសោកពីម្តាយឪពុក។
លោកវរសេនីយ៍ត្រី ឡុង សារិន អធិការរងនគរបាលស្រុកត្បូងឃ្មុំ ប្រាប់កោះសន្តិភាពឲ្យបានដឹងថា កុមារាដែលស្លាប់នោះឈ្មោះ សែ ឆៃហុង អាយុ១១ឆ្នាំ មានឪពុកឈ្មោះ សៅ សែ និងម្តាយ ឈ្មោះ សុង លីហួង ជាម្ចាស់អាហារដ្ឋាននោះ ស្រះដែលជីកចិញ្ចឹមត្រីគឺស្ថិតនៅក្បែរហាងតែម្តង។ ប្រភពដដែលបន្តឲ្យដឹងទៀតថា នៅវេលាម៉ោង១និង៣០នាទីរសៀល កុមារារងគ្រោះ បាននាំគ្នាចុះលេងទឹកស្រះ មានទំហំ១០ម៉ែត្រ គុណនឹង១២ម៉ែត្រ ជម្រៅ៤ម៉ែត្រ នៅជាប់អាហារដ្ឋានរបស់ខ្លួន ជាមួយក្មេងប្រុសៗ ២នាក់ នៅភូមិជាមួយគ្នាចំណែកឪពុកម្តាយកុមាររងគ្រោះ ជាប់រវល់ធ្វើការងារ នៅក្បែរនោះ ។
ក្រោយពីលេងរួចរាល់បាននាំគ្នាឡើងគោក តែក្មេងរងគ្រោះមិនឡើងមកជាមួយនោះទេ លុះពេលដែលមិនឃើញកូនរបស់ខ្លួន ឪពុកកុមាររងគ្រោះ ក៏សួរទៅក្មេងទាំង២នាក់នោះ ពួកគេបានឆ្លើយប្រាប់ថាកូនរបស់គាត់កំពុងមុជទឹកលេងតែឯង ។ រំពេចនោះក៏ផ្អើលឆោរឡោ ចុះរាវរកកូននៅក្នុងស្រះទឹកជម្រៅ៤ម៉ែត្រ ស្រាប់តែប្រទះឃើញកូនលង់ទឹកស្លាប់បាត់ទៅហើយ ។ លោកវរសេនីយ៍ត្រី ឡុង សារិន អធិការរងនគរបាលស្រុកត្បូងឃ្មុំបានបញ្ជាក់ថា បន្ទាប់ពីបានទទួលព័ត៌មាននេះ កម្លាំងសមត្ថកិច្ចជំនាញនគរបាលស្រុកបានចុះសហការណ៍ជាមួយគ្រូពេទ្យធ្វើការត្រួតពិនិត្យ សាកសពកុមារនោះ ឃើញថាជនរងគ្រោះពិតជាស្លាប់ដោយលង់ទឹកពិតមែន ហើយបានប្រគល់សពជូនឪពុកម្តាយចាត់ចែងធ្វើបុណ្យទានតាមប្រពៃណី ក្រោមសំឡេងយំសោកពី ឪពុកម្តាយ៕
ចែករំលែកព័តមាននេះ