តារាកំប្លែងជើងចាស់បាត់មុខពីសិល្បៈ ដូចមិនទាន់មើលឃើញតម្រុយណាប្រសើរដូចមុនសោះ។ លោកបែរជាជួបបញ្ហាទៅវិញ ក្នុងឧប្បត្តិហេតុមួយកើតឡើងនាពេលថ្មីៗនេះ។ ក្រោយពេលធ្លាយដំណឹងផ្សព្វផ្សាយនេះ បានធ្វើអោយគ្រប់គ្នាអាណិតគាត់ ព្រោះកំពុងតែ
រាជធានីភ្នំពេញ ៖ តារាកំប្លែងជើងចាស់បាត់មុខពីសិល្បៈ ដូចមិនទាន់មើលឃើញតម្រុយណាប្រសើរដូចមុនសោះ។ លោកបែរជាជួបបញ្ហាទៅវិញ ក្នុងឧប្បត្តិហេតុមួយកើតឡើងនាពេលថ្មីៗនេះ។ ក្រោយពេលធ្លាយដំណឹងផ្សព្វផ្សាយនេះ បានធ្វើអោយគ្រប់គ្នាអាណិតគាត់ ព្រោះកំពុងតែអត់ផង បែរជាបង់ខាតមួយជាន់ទៀត ពិតជាអនិច្ចាមែន។
តារាកំប្លែងនាយ ចេក បានជួបឧប្បត្តិហេតុក្រឡាប់កង់បី ខណៈពេលកំពុងដឹកផ្លែឈើទៅលក់នៅគីរីរម្យ បណ្តាលអោយលោករងបួសក្បាល និងចៅ២នាក់ផ្សេងទៀត។ នេះបើយោងតាមការបង្ហោះតាមហ្វេសប៊ុករបស់នាយ ធុង ។
ជាមួយនឹងរូបភាពបង្ហាញពីទិដ្ឋភាពនៃហេតុការណ៍ខាងលើ នាយ ធុង បានបង្ហោះសារថា ព្រះអើយជួយឪចេក បើកដឹកបន្លែផ្លែឈើទៅលក់នៅគីរីរម្យព្រឹកមិញ បណ្ដាលឱ្យក្រឡាប់របួសបែកក្បាល រួមទាំងចៅពីរនាក់ទៀត សូមបងប្អូនសប្បុរសជនជួយគាត់ផង ហេតុតែជីវភាព ខ្វះខាត 012-70-43-72/081-72-21-44 ( ABA ) 003369667 សូមបងប្អូនមេត្តាជួយគាត់ផង និងសូមអរគុណទុកជាមុន។
នាយ ចេក គឺជាតារាកំប្លែងមួយរូប ក្នុងចំណោមតារាកំប្លែងមួយចំនួនទៀត ដែលកំពុងជួបបញ្ហាជីវភាពយ៉ាងខ្លាំង។ បើទោះបីជាតារារូបនេះ ត្រូវបានសមាគមសិល្បករឧបត្ថម្ភជាប្រចាំខែយ៉ាងណាក្តី ប៉ុន្តែនាយ ចេក មិនបានដេកដួលតែទៅលើជំនួយតែមួយមុខនោះទេ ពោលគឺលោកបានពុះពារដឹកផ្លែឈើទៅលក់នៅគីរីរម្យទាំងឈឺ និងជា។
ក្នុងបរិបទកូវីដនាយ ចេក ក៏ដូចតារាជាច្រើនទៀត បានបាត់បង់ការងារសិល្បៈស្ទើរទាំងស្រុង ខណៈពេលមុខរបរលក់ផ្លែឈើក៏ស្ទើតែប៉ះជើងផងដែរ។ កត្តាបានបង្ខំអោយនាយ ចេក សម្រេចប្រកាសលក់ផ្ទះដែលកំពុងរស់នៅសព្វថ្ងៃ ដើម្បីយកលុយដោះបំណុលធនាគារ ហើយសល់ប៉ុន្មាននឹងយកទៅទិញដីធ្វើផ្ទះល្មមនៅ។ យ៉ាងណា ក្រោយពីមានការផ្សព្វផ្សាយនូវហេតុការណ៍ខាងលើនេះ នាយ ចេក ក៏ទទួលបានការជួយឧបត្ថម្ភពីសប្បុរសជននានា និងមិត្តសិល្បករជាបន្តបន្ទាប់ផងដែរ។
ហើយស្របពេលនោះ អ្នកនាង ទូច ស្រីលក្ខណ៍ ក៏បានបង្ហោះពាក្យមួយចំនួន ដោយសរសេរថា «ហ៊ី សិល្បៈខ្ញុំអើយ ខ្ញុំមានអាម្មរណ៍ពិបាកក្នុងចិត្តណាស់ ដោយឃើញលោកពូក្នុងស្ថានភាពបែបនេះ ក្នុងនាមក្មួយជាសិល្បៈការិនីមួយរូប ក្មួយចូលរួមចំណែកជូនលោកពូ ៥០$ ហើយក្មួយពិតជាចង់ជួបលោកពូដោយផ្ទាល់ ដើម្បី live រកថវិការខ្លះជួយសំរួលជីវភាពពូមិនបាច់តាម ABA ទេ គឺ live បានប៉ុន្មានជូនគាត់ប៉ុណ្ណឹង ចំនួនបងប្អូនជួយគាត់បានទទួល ដោយមិនបាច់ចូលកុងរបស់បុគ្គលណាម្នាក់ ពូឃើញហើយតេមកក្មួយ ស៊ែរអោយលោកពូឃើញផង »។
ចែករំលែកព័តមាននេះ