គ្រាន់តែគ្រួសារបន្ទោសឈប់ឱ្យប្រើគ្រឿងញៀ.ន បុរសម្នាក់ធ្វើរឿងមួយផ្អើ.លបន្ទប់ជួល
- ភ្នំពេញ
រាជធានីភ្នំពេញ ៖ បុរសម្នាក់គ្រាន់តែគ្រួសារស្តីបន្ទោសរឿងឈប់អោយប្រើប្រាស់គ្រឿងញៀ.ន ក៏តូចចិត្ត រួចបានមកឡើងផ្ទះជួល
រាជធានីភ្នំពេញ ៖ បុរសម្នាក់គ្រាន់តែគ្រួសារស្តីបន្ទោសរឿងឈប់អោយប្រើប្រាស់គ្រឿងញៀ.ន ក៏តូចចិត្ត រួចបានមកឡើងផ្ទះជួលជាន់ទី៣ លោ.តចុះ បណ្ដាលឲ្យរងរបួសធ្ងន់ ខណៈបញ្ជូនទៅសង្គ្រោះបាន៦ម៉ោង ជនរងគ្រោះក៏បានស្លា.ប់បាត់បង់ជីវិត ។
ហេតុការណ៍ខាងលើនេះបង្កអោយមានការភ្ញាក់ផ្អើលកើតឡើងកាលពីវេលាម៉ោង៥និង៤០នាទីល្ងាចថ្ងៃទី៤ ខែមករា ឆ្នាំ២០២២ នៅចំនុចផ្ទះជួលមួយកន្លែង ជិតវត្តសាមគ្គីរង្សី តាមបណ្ដោយផ្លូវបេតុង ស្ថិតក្នុងភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ស.ពជនរងគ្រោះឈ្មោះ សា ម៉ន ភេទប្រុស អាយុ៣១ឆ្នាំ មុខរបររើសអេតចាយ ស្នាក់នៅផ្ទះជួល ក្នុងភូមិឃុំកើតហេតុខាងលើ និងមានស្រុកកំណើតនៅខេត្តកំពត ។
តាមប្រភពព័ត៌មានពីបងប្អូនប្រជាពលរដ្ឋដែលឃើញហេតុការណ៍ បានអោយដឹងថា មុនពេលកើតហេតុ គេបានឃើញបុរសរងគ្រោះខាងលើ បានរត់ឡើងទៅលើផ្ទះជួលជាន់ទី៣ មួយកន្លែង រួចហើយក៏បានឈរតោងបង្កាន់ដៃ បំរុងលោ.តចុះ ។ បន្ទាប់ពីឃើញហេតុការណ៍បែបនេះ ហើយណាមួយពួកគាត់សង្ស័យថា បុរសរងគ្រោះខាងលើបែកថ្នាំទើបធ្វើរឿងបែបនេះ ក៍បានរាយការណ៍ជូនសមត្ថកិច្ចមូលដ្ឋានអោយចុះទៅកន្លែងកើតហេតុ ។
តាមប្រភពដដែលបានបន្តថា បន្តិចក្រោយមក សមត្ថកិច្ចមូលដ្ឋានបានចុះទៅដល់ និងខំនិយាយលួងលោមយ៉ាងណា ក៏បុរសរងគ្រោះរូបនោះមិនស្តាប់សមត្ថកិច្ចដែរ នៅតែឈរតោងបង្កាន់ដៃដដែល លុះមួយសន្ទុះក្រោយមក ក៍ស្រាប់តែមានបុរសម្នាក់ ដែលសង្ស័យថាជាមិត្តភក្ដិរបស់ជនរងគ្រោះ ក៍បានឡើងទៅដល់ ហើយចាប់ទាញជនរងគ្រោះកុំអោយលោ.តដែរ តែពេលនោះជនរងគ្រោះក៍បានប្រទាញប្រទង់គ្នាជាមួយនឹងបុរសជាមិត្តភក្ដិ បណ្តាលអោយរបូតដៃធ្លាក់ដល់ក្រោម បែ.កក្បាលហូរឈា.ម សល់តែដង្ហើមចង្រិតតែប៉ុណ្ណោះ ។ ភ្លាមៗនោះដែរ សមត្ថកិច្ចក៍បានទាក់ទងហៅរថយន្តសង្គ្រោះអោយមកដឹកជនរងគ្រោះដើម្បីយកទៅសង្គ្រោះនៅគ្លីនិកឯកជន ព្រោះឃើញនៅសល់តែមានដង្ហើម ប៉ុន្តែជាអកុសលពេលទៅដល់គ្លីនិកជន រហូតដល់វេលាម៉ោង១០យប់ថ្ងៃដដែល ជនរងគ្រោះក៏បានដាច់ខ្យល់ស្លា.ប់បាត់តែម្តង ។
ក្នុងហេតុការណ៍ខាងលើនេះដែរ ក៏មានសាច់ញាតិរបស់ជនរងគ្រោះបានមកដល់កន្លែងកើតហេតុ ហើយបាននិយាយថា មុនពេលកើតហេតុ ជនរងគ្រោះត្រូវបានបងប្អូនស្តីបន្ទោសរឿងឈប់ឱ្យប្រើប្រាស់គ្រឿងញៀ.ន តែមិននឹកស្មានថា ជនរងគ្រោះមកប៉ងលោ.តពីលើបន្ទប់ជួលបែបនេះសោះ ។
ក្រោយពេលកើតហេតុ សមត្ថកិច្ចមូលដ្ឋានក៍ជាមន្ត្រីជំនាញបានចុះទៅធ្វើកំណត់ហេតុ រួចហើយក៏ប្រគល់ស.ពជនរងគ្រោះ អោយក្រុមគ្រួសារសាច់ញាតិយកទៅចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ